كان ياماكن في 4 حروب جالسين بالاستراحه
واحد يشيش
:Abu Ahmed (463):
واحد يدق عود
واحد يسولف عن خويه دوبه جاي من المغرب
واحد مندمج مع سالفت خوينا
يقول خوينا الي يسولف عن خويه ان خويه الي جا من المغرب كل محد سئله كيف سفرتك
يقول (حنيت للمغرب ونا توني جاي)
هنا وبهذي الحظه دخل ابليس وتربع عند الي يشيش
وقاله( ورا ماترحون للمغرب بدال الفكك الي انتو فيه)
وتخبرون الدماغ مع الشيشه
تخليك تكيف وتاخذ قرار بسرعه لان مزاجك عالي
نقز خوينا قال ورا ما نروح للمغرب
وفي ذالك الوقت
خوينا الي يدق عود وقف
والي يسولف عن خويه وقف
ولي يسمع لخوينا
الي يسولف عن خويه قال تم تم موافق موافق
ضحك البليس اللعين وخذا الشيشه من خوينا وقال خطط
وخوينا الي يشيش قام يخطط يضربها اخماس بسداس قال:
القطه 20الف للواحد وهو عمره ما طب المغرب
ولا يعرف كم سعر الريال بالمغربي يعني بيجيب العيد بخوياه
المهم خوينا الي جاب الفكره عاطل
ولي قال تم عاطل
والباقين قالو نشوف الدوام ونشاءالله انه معكم
مشوا الشباب من الاستراحه الساعه 4الفجر
اليوم الثاني/
خوينا الي جاب الفكره متحمس راح لمكتب الحجز الي دايم يحجزون عنده الاربعه
كم يامحمد التذكره للمغرب قال 2900ريال وذا تبي عفش زياده مدري كم
المهم خوينا دق على خوياه الحقو التذكره 2900ريال
جيبو جوازاتكم وتعالو
خوينا الي قال تم قفلت السماعه لقيته عندي
والثنين الباقين قالو الدوام بكره نرد
لاحوووول نجيبلكم اجازه مرضيه واحد قال انو دوبي متعين ياعيال اخاف انفصل بكره ارد
والثاني قال ابد بكره طلعنا من المكتب انا وخوينا تم بخيبت امل
قال خوينا تم نروح عند الحرم نسال بكم تحويل العمله ورحنا وسالنا قالو 1000=2175 قلنا حلو
قال خوينا انا اعرف واحد عنده صراف بس مضيع مكانه وساعه وحنا نلف على رجولنا لين لقينه
قال نفس الي قاله الصراف الاول بس الاسبوع الجاي بيكون 1000=2225 قلنا تمام احجزلنا 80 الف ريال
قال مبلغ كبير بس ادبره لكم والرجال قول وفعل :Abu Ahmed (617):
ومارسنا ويومنا نبحث وندور عن المغرب
وفجائه لقيت اني بين المزاعيط ونا الفلف بالمنتدى وقراء ومن هذا اللي يمدح وهذا الي يقول امان
اهم شي الامان قلت سجل وبطح موضوعك وسجلت وبطحت وفجائه...>>>> اقول مسوي مخرج تركي اخلص علينا
خلني اكمل من عند فجائه وفجائه لقيت رجال طيب قالي اهنجار الخليجي يفيدك بمراكش ورسلت رساله
لا اهنجار الخليج وجاتني رساله برقمه قال ابشر بسعدك وتصل على ابو عبدالله وعطاني العلوم ماقصر
ورحت للعيال ياعيال ياعيال الامور تمام وابوعبدالله بيزبطنا بالسكن قال اقول تصدق النت انت خبل
(محشوووووومين جميعا)
قلت طيب خلاص ماني مصدق المهم وش سويتو بدوامكم واحد قال خلاص انا معكم
والثاني قال ماعندي اجازهوصرنا 3 بعد ما اعتذر الرابع ورحنا اشترينا التذاكر قبلها بسبوع
ونقضي ونلم اغراضنا
ونبدا نعد الايام ويوم بقا يومين على السفر جانا واحد للاستراحه يقول
عمه دايم يروح وخلني اكلمه لكم وعرف ناس بالسفاره>>>> ويبدا بالهياط
المهم كلم عمه وجابلنا رقم وحده تاجر سيارات ورقم وحده تجيب السكن بمراكش >>>>صزز خوينا واصل
وتصلنا عليهم ورحبو فينا حقت تاجير السياره قالت واحد اسمه فلان يتتظركم بالمطار وقت وصولكم
ويسلمكم السياره بالمطار بس ارسلي صورة الجواز ورخصة السايق عشان احجزلكم ورسلنلها وقالت تلقونه بالمطار
وعطتنا رقمه وكلمناه وزبطت امور السياره
باقي السكن كلمنا الاخت الي عطنا رقمها وحجزتلنا فله 4غرف وبزطت السكن باقي نروح
يوم السفر
الرحله كانت من المدينه الساعه8ونص الصباح ومن جده 12وثلث طبعا ماجانا النوم والساعه 3 باليل
صارت البقعه والمصيبه نكمل وقت ثاني عليا الجوع>>>اخص يالمغربي:Abu Ahmed (752):
2013-05-13, 12:33 AM
المواضيع المتشابهه للموضوع: رحلتي المتواضعه الى مراكش
العرض المتطور
الدرهم المغربي مقابل عملات الخليج