morocco mall و ذكريات لا تنسى

ابو تولين

ادارة المنتدى

المشاركات: 2,883

تاريخ التسجيل: Jun 2010

الدولة: مراكش

2013-04-25, 10:49 AM

المشاركه #1

morocco mall و ذكريات لا تنسى

الدراري سلام عليكم ورحمة الله

كديايرين لابس اليوما بغي نهدروا عن واحد الموضوع ديال الموروكوا مول و كيفاش تم الايفتيتاح وامتى هدا الشئ كاع غادي نعرفوا ان شاء الله من خلال هدا الموضوع

منين جمعتي باليزات ديالك و باغي تمشي للمغريب متنساش زيارة موروكوا مول في كازابلانكا

واضخم مول كاين في شمال افريقيا او افريقيا .. لقد تم بناء هدا السوق بالشراكه بين مجموعه الجديعي وشركة ايكسا المغربيه

تقريبا تم افتتاحه مع قرب رأس السنه لعام 2011 في شهر ديسمبر وفي هديك الايام كنت مزال في المغريب وجابلي صديق عزيز علينا بالزاف دعوه بخيفي

باش ندووز بجوجنا لي الماروكوا مول وكان السبوع الي بعد الافتيتاح المول عامر بالزاف و يوم الايفتيتاح

مكانش يدخل تا واحد الا من لي عندو دعوه المهم

هداك السبوع لي نخمم نمشي فيه للمول باش نشوف لافتيتاح . عيطلي واحد الصديق عزيز عليا بالزاف من مراكش وقالي بغيتك ضاااااروري مشيت من كازا

لمراكش جلست تما جوج ليالي او تلات ليالي ما عقلتش على المده المهيم حتى في الليله الاخيره عيطلي عضو مزعوط كبير ( العربي باطمه ) عزيز عليا تا هو و قالي باغي نتشاااوفوا و اتفقنا على الوقت بعدها جمعت الحوايج دياولي و مشيت لكازا هبطت في فندق فال دو انفا و النهار التاني عيطلي قبيل العشيا و نزلت شديت الطومبيله

ديالي و كان هو في طوموبيله تانيه مع الخطيبه ديالوا

.. اه يا يا العربي .. مشيت وراه وهو قبل مني و انا اتصنت لي اغنيه عادل الميلودي لي يقول فيها اللي

عندوا حبيب يزغرت عليه و اللي ما عندوووش يقلب عليه ههههه .... وانا معنديش حبيب ما والو تفكرت من لي نهبط من الاوطيل القى ديما واحد الدري يهدر سعودي بشرته

حنطيه ديما يوقف حدى الباب ديال الاوطيل ويقولي خويا ما بيغت تبويقه ههههههههه .. و ديما اقوليه سير خويه صدعت راسي منتبوقش انيا

شحال من مره نقوليك حمق انتى ولا مالك !! ..حتى اخر مره هدرت مع الحراس و مبقاش يوقف تما ... المهيم نرجع لمحور الهدره ديالنا كنت امشي ورى الطوموبيله

ديال العربي باطمه على انغام عادل الميلودي تا وليت قريبين من الموول وقفت و نزلت و سلمت على العربي و ضربنا واحد الدورة على المول بلاصه بلاصه ما خلينا حتى حاجه

المحلات الكفيهات كل شئ

وهدي بعض التصااوير للمول مع التعليق

هدا الشكل ديالو من الخارج

منظر عام من الداخل

هدي النافورة الموسيقية وولم تكن موجودة في بداية الافتتاح

هذي منظر اخر

احد المقاهي اللي هو ستاربوكس

البحيرة المائية

احدا محلات الماركات العالميه و يحتوى السوق على اغلب الماركات

منظر بانورامي اخر

احد الكفيهات اللي هو روتانا كافية

طبعا قصص كتير انتشرت عن الجنون اللي في المول و خرفات ولكن هدا الشئ مكاينش وهدره خاويه

ياقل بأن تكلفه المشروع بالكامل 50 مليون دولار < رخيص بزاف الله يعطينا شئ 50 مليون ديال مشروع العمر

ومن بعد هدا الشئ مشيت للاوطيل من بعد ما عييت من التعب

وتدوشت و نعست شئ ساعتين و فقت اخر الليل لي احلق مع الخفافيش في زنقات

كازابلانكا انا واحلامي و اشياء اخرى

سلام عليكم

المواضيع المتشابهه للموضوع: morocco mall و ذكريات لا تنسى
الموضوع	آخر مشاركة
Morocco mall	2014-04-10 01:35 AM
Flashmob Gangnam Style - Big Tsetya au Morocco Mall	2013-01-25 05:18 PM
Morocco Mall مول المغرب بكازا	2012-03-17 11:56 PM
Morocco Mall يتوج عين الدياب	2012-01-15 06:04 AM
Pré-Ouverture du Morocco Mall 2011 ★ المغرب الحديث	2011-12-03 09:32 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

morocco mall و ذكريات لا تنسى

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)