ذكـريات اجمـل رحـلة للـمغـرب ( part 6 )

Oscar · 2013-06-30T10:08:46+00:00

[COLOR=#fe2561][CENTER][COLOR=black] الذكريات [URL="https://www.dana-b7r.com/vb/f69/"][COLOR=Green] [U][COLOR=Red]الجميلة[/COLOR][/U][/COLOR] [/URL] كـ سرب من الطيور[/COLOR] [COLOR=black]لا يمكن القبض عليها [/COLOR] [COLOR=black]ولكن يمكنك [/COLOR] [COLOR=black]الاستمتاع بمرورها أمامك!! [/COLOR] [COLOR=DarkOrange][COLOR=SeaGreen][COLOR=Green]ومن اجمل ذكرياتي هي هذي الرحله اللي كانت اجمل رحلة للمغرب ولعدة اسباب راح اذكرها لكم بعفوية وبدون تعديل بداية التخطيط للرحله اتفقنا 3 اشخاص للسفر للمغرب واستكشاف عدت مدن علما بأني سافرت مرتين للمغرب قبل هذي الرحله والمرتين كلهم كانوا في اكادير .. وبدون [COLOR=Red]سهر وفله و وناسه [COLOR=Black]الرحله كانت بتاريخ 16/2/2011 ولمدة 16 يـوم.. في عز ا[/COLOR][COLOR=Black]زمة الربيع العربي وقبل سقوط نظام حسني مبارك في مصر ومع بداية الاحتجاجات اللي كانت سلميه في سوريا والمدن اللي قررنا نزورها هي = [COLOR=Blue]المحمديه + مراكش + اغادير+ الجديده + كازا[/COLOR] وتم زيارة كل هذي المدن ولله الحمد [/COLOR][/COLOR] [COLOR=Red]تفاصيل الرحله :[/COLOR] طبعا الحجز كان على طيران الامارات وموعد الاقلاع الساعه 7 ونصف صباحـا .. وبعد رحله شاقه 8 ساعات في الجو وصلنا مطار محمد الخامس في كازا على الساعه 12 ونص الظهر تقريبا وبعد ما خلصنا الاجراءات الروتينيه في المطار توجهنا للبوابه الخروج وكان في انتظارنا بنتين .!! : (144): [COLOR=Black]البنتين من المحمديه وكانت هذي المدينه هي وجهتنا الاولى في هذي الرحله ... طبعا البنتين من طرف صديقنا اللي معانا على اساس ان بينهم معرفه قديمه .. وانهم راح يكونوا مرشدين سياحيين لنا في المحمديه هههه [/COLOR][/COLOR][/COLOR][COLOR=Black] قالوا راح نروح المحمديه بالقطار .. واتجهنا للمحطه اللي بالمطار وحجزنا خمس تذاكر في اي بي .. وماذكر بالضبط كم كان سعر التذكره تحرك القطار وبدينا نستمتع بالمناظر الخلابه والاجواء الخياليه .. علما ان الجو كاان باارد حيل خصوصا في هالتوقيت من السنه .. برد ياعمري برد .. المهم .. غيرنا القطار في محطة كازا وركبنا قطار ثاني .. وعند الوصول للمحمديه اخذنا تكسي كبير وآخر صغير .. [COLOR=Green]واخذونا البنتين على منتجع يطل عالبحر في المحمديه اسمه قلعة المنصوريه [/COLOR][COLOR=Green]اخذنا شاليه 3 غرف وصاله بسعر 800 درهم مغربي في الليله .. [/COLOR][COLOR=Green] يا بلاش [/COLOR] [COLOR=Green]وهذي صورة من البلكونه .. صورتها من تلفوني :[/COLOR] [IMG]https://im33.gulfup.com/P1vPR.jpg[/IMG] [/COLOR][/COLOR] [COLOR=DarkOrange][COLOR=Black][COLOR=#fe2561][COLOR=DarkOrange][COLOR=Black][COLOR=Green]منتجع رااايق ويطل عالبحر واثاثه كويس نوعا ما .. وجمل مافيه موقعه الاستراتيجي .. عالبحر مباشره .. بس المشكله ان توقيت السفر للمحمديه غير مناسب ابد .. لان هالمدينه جوها احمل واحلى بالصيف .. وحنا رايحين في عز البرد يعني ما تلاقي احد برا .. حتى المنتجع كان خاويي على عروشه .. طول فترة اقامتي فيه ما لقيت ولا آدمي باستثناء البوابين واللي شغاليين داخل هههه المهم يا اخوان بعد ما حطينا اغراضنا في الشاليه اخذنا ارقام البنات و قالوا لنا اذا احتجتوا اي شي كلمونا .. ولا تتردون وحنا في الخدمه .. [/COLOR][/COLOR][/COLOR][/COLOR] مرت الايام في المحمديه وكنا نشعر بالملل .. مافيه غير الكافيهات و المرجان والماكدو .. بس اللي عجبني ان الناس في المحمديه مسالمين وما يكلمونك ابد .. ولا يوجد فيها شحاتين ابدا ناس محترمين بصراحه وخدومين لـ ابعد الحدود .. علما بأن كنا نتمشى في شوارع المحمديه ومعانا البنتين يعني شكلنا ملفت للنظر .. ومع ذلك ولا اي شخص تعرض لنا او حتى عطانا نضرة عدم رضا هههه[/COLOR][/COLOR] [COLOR=Red]قضينا ليلتين في المحمديه .. الاماكن اللي زرناها .. الماكدو و المرجان و مطعم ايطالي خطير وتمشينا في شوارع المدنيه .. اللي عجبني فيها بساطة اهلها و جوها الخرافي [COLOR=Black]ونصحيه اللي يبي يروح المحمديه يروح لها في الصيف .. ما تصلح ابد في البرد وفي الحلقه القادمه ان شاء الله راح اتكلم عن وجهتنا الثانيه .. [COLOR=Red]مراكش الحمرااء [COLOR=Black]وفي مراكش بدأ الاكشن الحقيقي .. سوالف وعلوم وقصص حب وغرام ههه والكثير .. تابعونا [/COLOR] [/COLOR][/COLOR][/COLOR][/CENTER] [/COLOR]

Oscar

ذكـريات اجمـل رحـلة للـمغـرب ( part 6 )

المشاركات: 2,547

تاريخ التسجيل: Jul 2010

الدولة: marrakech

العمر: 40

2013-07-02, 01:30 PM

المشاركه #11

رد: ذكـريات اجمـل رحـلة للـمغـرب

رجعنا لكم .. وشكرا للمتابعين معانا وخصوصا ابو سعود صاحب القلب الاخضر وليو وباقي المزاعيط

نواصل من حيث توقفنا ..

*وصلت المنطقه المخصصه للتدخين في القطار و الغزال الشماالي واقف يفصفص في البلاك بيري

حسيت انه مشغول او .. مسوي نفسه مشغول .. المهم انتظرته يعطيني نظره .. ابتسامه .. يرفع راسه

عالاقل يخلي التلفون وينتبه للي حوله ... وطال انتظاري .. وهو ولا على باله ..

فهمت انها حركات ثقل .. تشجعت ورحت .. وقلت : ممكن سؤال ..؟

قالي تفضل مع ابتسامه استغراب .. .. سالته : عن الجهاز اللي معاه وكيف استخدامه

وكيف وضع شبكة البلاك بيري بالمغرب .. والمصيبه ان جهازي بلاك بيري بعد وانا مفعل الخدمه هههه

عاد هو ما اصدق .. وراح يشرح لي ويقول ترى الجهاز كذا وفيه كذا ....الخ

وخويكم مندمج بالشرح .. فجأه قلت له طيب ممكن اضيفك عندي في البلاك بيري مسنجر ؟

وطلعت جهازي .. قالي وهو مستغرب .. انت معاك بلاك بيري ومفعل الخدمه ..!!

قلت الجهاز جديد ولسه ما تعمقت فيه

رقعت الموضوع على طول ...

طبعا انا ما سويت هذا كله الا لاني حسيت انه مختلف عن الغير

لانها كانت ثالث سفره وكنت لسه جديد عالمغرب وماعرف الخبايا والاسرار

المهم قبل اضافتي وقعدنا نتكلم وقالي انه يكمل دراسته الجامعيه في كازا بلانكا وانه نازل مراكش

يقضي اجازة الويك اند وبيرجع كازا عشان الدراسه .. وصلنا المحطه و ودعته على خير

ورجعت لاصحابي النايمين في العسل .. ولا يدرون شو السالفه ..

المهم عطيتهم تقرير مختصر عن اللي صار

وكل واحد فينا يسحب شنطتة وكلمنا الولد عطونا البنات رقمه بالمحمديه ..

كلمناه وقال انه دقايق وراح يكون عندنا في المحطه .. قعدنا نستناه وانا

مقابل الجهاز واكلم الغزال الشمالي عالمسنجر .. شوي و وصل صاحبنا المغربي

وطلع شاب صغير حيل عمره 22 سنه فقط وطويل .. قال لقيت لكم شقه قريبه

في غيليز ... جنب كافي لافلام .. مشينا معاه .. وشفنا الشقه وكانت حلوه ووثاثها جديد

وبنظام اوروبي يعني مطبخ مفتوح عالصاله .. بس ما خذنها لانها فقك غرفتين وصاله وحنا ثلاث اشخاص .!.!

قال طيب انتوا قعدوا مع شنطم في كافي لافلام وانا اروح مشوار صغير وارجع لكم .. كانت الساعه تقريبا 9 المسا

غاااب يمكن نص ساعه ورجع .. قال ابشركم لقيت لكم شقه فايف ستار و 3 غرف و موقع مميز .. بس غاليه شوي

قلناله خـ نشوف الشقه بالاول وبعدين نتفاهم عالسعر .. مشينا لشارع محمد السادس يعني بالتفصيل

تخلي محطة مراكش ع يمينك وتمشي نيشان .. لغاية ما وصلنا للشقه وكان المكان بصراحه راايق

وكلااس وهدووء وكله اجانب وفي مجموعة بنايات جديده .. دخلنا احد البنايات وكانت الشقه في الدور الاخير

الخامس .. 3 غرفه .. حمامين وانتم بكرامه .. بلكونتين وحده تطل على شارع محمد السادس والثانيه

على الشارع الداخلي للبنايات .. وتحت البنايات مموجود كافي لوبو المشهور بمراكش ..

لما سالناه عن السعر قال 1500 درهم الليله ..!! وافقنا على طول وبدون تردد لانه السعر جدا مناسب

والبنايه مافيها عساسين كثير .. بس واحد يوقف عند كل بنايه .. وبنايتنا كان عساسها شاااب صغير واكحل

وماابد ما نلاقيه شكله 24 ساعه نايم وهذي صوره من البلكونه الثانيه اللي تطل على الشارع الداخلي

وكافي لوبو :

البنايه اللي فيها مظلات تحت .. هنا كافي لوبو ..

بصراحه كانت الاقامه ولا ارووع في هذا المكان .. قريب من كل شي .. وكل شي حولك .. ساحة بلازا

تقدر تروح لها مشي .. تحتك كافي لوبو .. تطلع تحت عندك شارع محمد السادس والكافيهات اللي فيه

المهم يا اخوان غيرنا ملابسنا عالسريع .. وكان المخطط نروح نسهر في الياسمين .. في سنة 2011

كان جوه خطير بصراحه خصوصا المصري الفاصل اللي يقول عاوزين العنب ولا البني ههههههههه

ولما دخلنا الياسمين كانت المفاجأه الكبرى ههههههههههههه

الغزال الشمالي موجود وحاجز طاوله ومعاه بنتين ..

على طول صاحبي قالي هذا هو المختلف ديالك هههههههههههههه
انا طبعا سويت نفسي ما شفته ورحت افتر في ارجااء الياسمين

هذاك اليوم ما قعدت عالطاوله

وكل ما احط عيني بعينه يعطيني ابتسامه معاناها : انت وش جابك هنا ههههههههههه

لغاية ما جا عندي وكلمني .. قالي شفيك ما تسلم .. قلت والله خفت ازعجك و او اخرب عليك

قال وش قصدك تخرب علي قلت ولا شي وضحكت ههههه طبعا هنا توتر الوضع .. وقالي صافي

يعني ما تبي تسلم عشان انا ......... قلت لا حشا هههه المهم رجعت عن صحابي ولقيتهم

عازمين واحد من الاخوان من قطر في طوالتنا وشكله كبير وراعي صولات وجولات في مراكش والمغرب

بشكل عام .. قال بكرا انا عازمكم عالنرجس .. جو رايق ومطربين رايقين .. قلناله تـم

وقعدت اسولف معاه واخذ علومه واساله عن مراكش وو حسيت انه بدا يمل مني ومن اسالتي ههه

وان شاء الله نكمل معاكم اللي صار في نهاية السهر واحداث اليوم الثاني في مراكش .. تحياتي

__________________
i am a very private person, yet i am an open book
if you dont ask... i won't tell