حفظ البيانات؟ هل نسيت كلمة المرور؟ تسجيل عضوية جديدة

رحلتي للمغرب المعشوق .. مراكش الحمراء واكادير

ابوعزام · 2013-07-02T13:16:55+00:00

السلام عليكم ورحمة الله وبركاته .. لاباس عليكم ي مزاعيط .. الزبده .. ان المغرب ديره مابعدها ديره .. قصة رحلتي للمغرب .. بالبدايه حجزت تذاكر على الخطوط السعوديه .. من الرياض لكازا .. ترانزيت جده بـ 2700 بعد ماوصلنا لكازا وطلعنا شرايح مغربيه من اتصالات المغرب ،، اتصلنا بالسواق وطلعنا .. [U][COLOR=Red]ياشباب اللي اول مره يروح ينتبه لفلوسه ويزبنها صح وهو طالع من المطار وامسكوا اغراضكم زين لان فيه شفاره بزاف ( الشفار هم الصيع السروقين حقين المخدرات ) .. [/COLOR][/U] وركبنا العفش مع السواق الا والدرك جايك يدربي راسه .. لانك خليجي .. والله نسوي اعمارنا ثيران .. وياخذ جوازتنا والله وكيلك يركنا ساعه ونص .. لين فكنا .. مانبي نعطيه .. وعادي نتمرمط لان معنا 14 يوم واتفقنا مع السواق يوصلنا لمراكش .. من الرياض ,, وحجزنا فله في مراكش على طريق اوريكه قبل ديرة سيدي عبدالله غياث وقريبه جدا من مراكش قيمة الفله 5500 درهم وفيها 5 غرف وخدامات يضبطون امورك من الألف للياء .. وطباخه تطيب لنا الأكل من اروع مايكون .. وفيها بيسين ( مسبح ) وحديقه كلها ورد .. تشم ريح الورد في الليل يدخل مع خشمك ويشقص في عقلك .. وعليها سور وبوابة وعساس .. وانبسطنا في الفله صراحه بالحيل .. عاد الفله ذي فاضيه 6 ايام ... وحجزنا في روز قادرن 4 ايام .. جلسنا بالفله الأولى 6 ايام .. ولا قد احد عكر جونا ابد .. ومعنا سواق يوميته بـ 500 درهم سياره صغيره اسمه يوسف .. صراحه ونعم الرجل .. سهرنا في الفيلا والعصريات نطلع نتمشى الوقت طويل معنا .. المغرب مايذن الا 8 ونص <<< يالبيييييييييه يالجو ... طلعنا وتمشينا في قيليز فيه مقهى اسمه FLORE عامر بزااااااف .. حدا ماكدونالدز .. بعد ماخلصنا شرب القهوه وزانت امورنا .. رحنا تعشينا في ماك .. صراحه اكتشفت ان المغاربه يعشقون ماك .. خصوصا البنات .. مدري وش لاقين فيه .. واحنا راجعين للفله قلنا يا يوسف نبي برتقال من سوق الخضار مانبي من المجمعات .. قال سوق الخضار غالي شوي .. قلنا مايخالف اهم شي الزين .. وجبنا برتقال ،، هم عندهم نوعين فيه نوع للأكل وفيه نوع للعصير .. خذناهم كلهم بصراحه واعر واعر بزززززززاف .. لايفوتكم ياللي بمراكش ويوم طلعنا فيه لأوريكه .. صراحه شلالات واعرررررررررره بزاف وفيه الفواكه قدامك تاكل منها من الشجره على طول .. صراحه ملعوب علينا بالفاكهه عندنا .. احس ان فاكهتنا خدعه .. الزبده ان اللي بمراكش وماراح اوريكه هذا لاعاد يجي للمغرب .. خصوصا جو الشاهي المغربي قدام الشلال ,, واعرر بزاااااااااف.. وطلعنا اماكن حلوه مثل النرجس والديوان و ساحة الفنا .. المهم بعد ماخلصنا 6 ايام في الفله الاولى بنروح لروز قاردن .. يوم ضفينا امورنا ودنيانا ورحنا لروز قاردن .. قالوا لنا مافيه فله فاضيه .. ياولد وش العلم .. مايصير قال ابد هذا العلم ،، فله في المنتجع مافيه .. لكن عندنا فلل برا نسكنكم فيها .. ( هنا ابوعزام وربعه ولللللعوا ) عرفنا انها لعبه .. يبي يسكنك برى وياخذ نسبه من صاحب السكن .. قلنا مانبي .. نبي دراهمنا قال دراهم مافيه .. صاحب المنتجع يقول الدراهم خرجتها .. وبدت المشاكل من 5 لين 9 في الليل وخذنا قروشنا يوم قلنا لهم بنجيب الدرك .. عاد يوم عرفنا مافيه سكن في روز ولا الفله اللي طلعنا منها لانها محجوزه من زمان .. اتصلت على ابوعبدالله هنجار المغرب وقلت له قصتي .. وقال والله موب انت اول واحد يصير معه كذا ،، وصراحه ماقصر عطاني رقم وحده وحاولت تدبر لنا سكن لكن ماحصلت الا في الدرقاوي .. والدرقاوي استفزاز .. حتى كنا بناخذ ليله وحده بس رفض قال ادفعوا 4 ايام كاش (( لانه عارف نفسه استفزازي )) وطلعنا والسواق دبر لنا شقه في مجمع سكني صراحه حلوه بزاف .. بس انتم عارفين نظام الشقق يبغون هدوء .. ويوم ريحنا وصحينا من بكره .. وكلمنا صاحب الفله اللي كنا عنده قال الشباب اللي جوني ماصلحت معاهم في السكن لانه ما ارتاح لهم .. قال تبونها تعالوا .. والله وجينا وكملنا فيها 3 ايام .. وطلعنا اغادير بعد ماخلصنا 10 ايام في مراكش .. صح خسرنا يوم كامل ما استفدنا منه لا تمشيه ولا غيره .. لكن جو مراكش احلى بكثير من اغادير .. يوم طلعنا اغادير قعدنا فيها 4 ايام سكنا في صحارى .. صراحه الفندق حلو ونظيف .. لكن كل شي بقشيش .. اغادير من الاخر كل شي قدام مافيه ورى .. ماعجبني نظام اغادير .. المره الجايه بتكون وجهتي لمراكش ولمدينه اخرى غير اغادير .. ربما طنجه ... والسلام خير ختام ...

ابوراكان2

مزعوط نشيط

المشاركات: 65

تاريخ التسجيل: Dec 2012

2013-07-03, 08:04 PM

المشاركه #16

رد: رحلتي للمغرب المعشوق .. مراكش الحمراء واكادير

لحظه لحظه طال عمرك كيف اغادير كل شى قدام ولكن ماعجبتك !!!!!!!!!!!!!! ودى توضحلى مع خاصية التشفير.... والحمد الله على السلامه

الكلمات الدلالية (Tags)

مراكش

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: رحلتي للمغرب المعشوق .. مراكش الحمراء واكادير
الموضوع	آخر مشاركة
رحلتي للمغرب مراكش واكادير قبل سبوعين????????????????????✌????	2024-12-28 02:58 AM
رحلتي الى مراكش الحمراء	2020-08-16 02:09 AM
رحلتي الى مراكش الحمراء..	2020-08-16 02:00 AM
مراكش الحمراء واكادير	2015-02-14 02:16 AM
رحلتي الي مراكش الحمراء ...ااااااااااااه يالمغرب	2012-11-25 01:43 AM

الساعة الآن 12:39 PM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

رحلتي للمغرب المعشوق .. مراكش الحمراء واكادير

روابط سريعه