اخيرا بقى يومين واكون بالسعودية

خيرها في غيرها بس والله المغرب ماتمل منه حتى لو لوحدك بالنسبه لي طبعآ وبسلامه ياهويا بكره نرجع للاحبه ..

هونها وتهون يا صاحبي حاول كنت تسلي نفسك اي شي يجي براسك سويه بس بحدود طلع كاميرتك وصور روح البحر وصيد فرفر على الاسواق واشتري الاشياء الشعبيه الى نادر ما تحصلها هنا كريمات زيوت لبس مغربي اي شي حلو حاول كنت تتغلغل بوسطهم زي الناس البسطاء والله العظيم لي صاحب رجل اعمال ومطنوخ فلوس ومعاه اكثر من 30 تريلا نقل بترول

يقولي قمه السعاده لمن البس لبس عادي واروح اتكي بالقهاوي البسيطه والشعبيه وادور وس الاحياء الفقيره واساعد البعض منهم ويدعولي يقول هنا بديرتي مليت من حياه الفخفخه والمجاملات والرفاهيه يقول لمن اسافر ابي اندمج مع الناس البسيطه لا يعرفوني ولا اعرفهم بس حلاوتها تجلس مع الناس الطيبه والفقيره وتتجاذب اطراف الحديث وتعرف وش حاصل بالدنيا

يقول انا عندي كل الامكانيات الى تخليني اعيش ملك بس مليت من هالروتين ودي انزل تحت اشوف كيف عايشه الناس واسمع قصصهم واكل من اكلهم وادخل بيوتهم الفقيره يقول متعه ما بعدها متعه يقول البعض يعاملني بقسوه والبعض يعاملني باحترام ومافي تفرقه لان مهم عارفين هل انا غني او فقير زيهم او رجل على قد حالي اهم شي انهم ما يجاملوني

انصحك المره الجايه ترتب جدولك مزيان يا صاحبي وتعايش ناس ما يدورو الملل ويكونو حماسين بالسفر تقولو يلا يقولك يلا

عموما لا تنسى انك تفيدنا وش الى خلاك تمل واذكرلنا وش الى تغير بالمغرب وافضل المدن الصغيره الى زرتها برحلتك

__________________