مساعدة بعد غياب 19 سنه

نصيحتي لك يا مخضرم

خذلك شقه في منتجع النخيل في مراكش صدقني مناسب لكم جدا

ليش انت رجل كبير ومالك خلق عوار الراس
كل الشقق الي في كازا او الرباط تستأجرها شغل زكرته لا عقد ولا شي وتكون هدف سهل لاي شي

انا نصيحتي لك اول ماتنزل في مطار كازا تلقى السواق يحتريك وياخذك لمراكش لمنتجع الدرقاوي وصدقني بيعجبك واسعارها رخيصه وامان ودخول ضيوف وشغل نظيف

وبما انك مخضرم بإمكانك تتوسع شوي في نفس المنتجع يعني تاخذ فله صغيره

الشقه عندهم ب ١٣٠٠ درهم غرفتين وصاله

وفله اربع غرف ب ٢٣٠٠ درهم

وصدقني ماراح تندم

واذا مليتو من الهدوء مايمنع معكم سماعه وتعيشون الطيور اجوائهم

الوضع ممتاز

الله يجمل حالك ياخوي الاسعار اللي ذكرتها زينه ومناسبه جدآ لمراكش بس ياخوك مراكش واغادير مدن صاخبه ماتنفع الا للشباب مثلكم اما احنا 52 سنه ياخوك السهر عندنا كان اول الحين صرنا شياب نحب نمشي على البحر ونتمشى على رجلينا ونرجع للسكن الله يجمل حالك على النصيحه يابعدي

يا عمي طيب وين المشكله لا تطلع ل اماكن سهر خلاص خلك في فلتك في المنتجع وان كان رجال تصحى الصبح بتلقى لك تمشيه حلوه
رح لجبال اوريكا لابد تمرها
وانا شفت كل الفئات العمريه في المنتجعات
وتعتبر امنيا افضلك من كازا
وسكنك بشكل نظامي :)

بس اهم شي تتوفق بسائق ممتاز

انا معي رقم شخص ممتاز وبيعجبك
ومرن وسهل وكلش

بس لو شافك بيحاول يقشطك ويستلطخك
للمعلومه هالشي لابد تحتاط منه مهب من الشخص الي اتكلم عنه عن كل الي بتتعامل معهم

لكن دامك من البدايه معه وتعطيه حقه اول باول وبدون اكراميه و وضح له انه قبل لا امشي واكون مرتاح راح اعطيك اكراميه وتكون منطقيه وبسيطه

ودايم كلفه يجيب لك الاغراض من مرجان ( واشرط عليه من مرجان ) عشان تاخذ فاتوره صحيحه لكل مقاضيك من اكل وعصيرات وكلش .)

وابد ترى الشيبان اكثر من الصغار في مراكش


انت رح مذاكر الاسعار والاماكن الي بتروحها بتمشي امورك وراح ترجع للديره نفسها