![Angry](https://www.mza3et.com/images/icons/icon8.gif)
شقق أطلس مارينا الفندقيه ( أغادير )
صباح / مســاء : الخير على الجميـــع
فالبداية : احب انوه انها تجربتي الخاصه ( مع اطلس مارينا ) .. واللي بـ انقل ماحصل بالظبط .
طبعاً كـان حجزي عن طريق ( محمد عاطي ) أبو شيماء عن طريق الواتس آب اللي لقيت منه اجمل ترحيب على الواتس اب ورتب حجزي خلال يوم واحد
وتم ارسال صورة الحجز المتواجده لدي إلى الان .
وكانت بتاريخ 3-9 ولمدة 6 أيام
غرفتين وصاله بـ 2450
وغرفه وحمام اكرمكم الله بـ 1250
وصلت لـ أطلس مارينا في تمام الساعه 5.00 عصراً واتجهت للأستقبال مباشرة .. ودخلت وحصلت، أثنين مع موظف الريسبشن .
سلمت عليه .. وبلغت اني عندي حجز قالي ثواني اخلص مع الرجال .. قلت وآخا
طبعاً إنتظرت مايقارب النصف ساعه ، ولو ان الانتظار سي لكن دامك تشم هواء اغادير فالوضع هاني ومزيان .
رجعت للأخ .. وقلت حبيبي انا تعبان وبريح جاي من سفر مايصير .. ناظر فيني وابتسم قالي بس دقيقه ، ويقلب في اوراق عنده وشوي يرجع على الحاسب
طفشت منه بصراحه ، واتجهت للمكتب الداخلي اللي على اليمين ، حصلت فيه رجل كبير فالسن أصلع ولابس نظاره .. وبلغته اني عندي حجز من وكالة محمد عاطي
طلب مني الأسم .. واخبرته قال موجود
قالي اوكيه بس الاسعار ( 2650 درهم ) للغرفتين ، ومافيه غرفه .. فيه غرفه وصاله بـ 1800 درهم .
عجبتك اهلا وسهلا ماعجبتك مافيه شي خاوي غيرها ..
قلت اوكيه : خليني اشوفها ، واطلع مع احد العمال والا هي يا اخوان ماتنظفت مدموره دمار شامل يبي لها اقل شي 3 ساعات وجلسة الصاله عليها اوساخ ومقرفه جدا
حتى الكنبه يبي لها غسيل ... قماشها نتن اعزكم الله
هنا إظطريت اتصل بمحمد عاطي
اتصلت على محمد عاطي مايرد .. اكثر من مره ، واخر مره رد يكلم واحد ثاني ومخلي الخط مفتووح : الو الو الو .. ولاحد يتكلم .
سحبت نفسي بكل هدوء ودبرت نفسي في مكان آخر .
المعاناة من سوء الأستقبال ونظافة الشقق مستمره ، واعتقد انها ستسمر الا اذا لاحظو ان هناك مقاطعه جاده
أسعار خياليه على خدمه سيئه جدا جدا جدا
حتى الحجوزات اتضح لي انها غير مؤكده انت وحضك ! او بالأصح انت وبخشيشك او هداياك .
هناك اكثر من موضوع عن مارينا اطلس وسلبياته ، ولكن نقلت لكم ماحدث معي في تاريخ حديث لتعم الفائده ولنوصل الخبر الى اعضاءنا المسافرين خلال الفتره القادمه
واتمنى ان يتحسن الوضع الى الافضل ومايصير الي صار معي لـ احد منكم .
آسف للأطاله .
التعديل الأخير تم بواسطة vip777 ; 2013-09-18 الساعة 09:42 AM