اخواني المزاعيط
صبحكم الله بالخير والمسرات
نكمل معاكم الجزء الثاني من سفرتي الثانية لمغربنا الحبيب
بعد ركوبنا للطيارة المتجهه لكازا وجلوسي في المقعد المجانب للغنادير .gif "Maroc (1151)")
أقلعت الطيارة وانا مسوي ثقيل ما ألتفت كثير, لين حان وقت تقديم الوجبات اطالع بالمضيفة وعيني على اللي جنبي, نظرة فإبتسامة فدردشة فتعارف الخ الخ الخ .gif "Maroc (1199)")
طبعا كل هذا لتضييع وقت الرحلة والاستفسار عن اشياء اخرى وقد نلت مرادي واخذت كافة المعلومات اللي احتاجها.
وصلنا لمطار محمد الخامس وخلصنا من الجوازات وواتجهنا لاستلام الشنط وكالعاده ساعة على ما طلعت شنطتي وننتظر شنطة خويي تطلع وما طلعت نص ساعه زياده وما طلعت ووقف السير وراجعنا بخصوص الشنطة وانها مفقوده واخذوا مننا معلومات عشان اول ما توصل يتصلون فينا, طبعا خويي تكدر خاطره هذي ثاني نكبة غير حقة البوردنق, لكن مشينا الحال.
خرجنا من المطار وكان السواق ينتظرنا بره واول ما ركبت معاه ويجيني ذاك الاتصال السريع , الحمدلله على السلامه ولاباس عليك وتوحشناك بزااف وووو لين وقفنا عند باب الشقه بكازا, طبعا اختيارنا كان لكازا لعدة اسباب منها اني اول مره اجلس في كازا وثاني شي لاني كنت معتمد على صاحبتي انها تختار لي السكن المناسب بدون ما الف وادور واسأل وكما قال المثل اهل مكه ادرى بشعابها.
وصلنا للشقه ونزلت شناطي الشقه كانت بداخل زنقه يعني بعيده عن الشوارع العامة, اللي ما اعجبني بالشقه اول شي ان ما فيها تكييف, وثانيا احسها مكتومه لانها ما تطل على الشارع الزبدة فيها شي غلط ما دخل مزاجي تعرف ذاك الشعور الغير مريح اذا جاك تكره اي شي حتى لو كان حلو, كانت في شغاله بالشقه انتظرنا شويات وريحنا الا وصاحبتي وصلت وانواع الاستقبال الرسمي والغير رسمي, وسألتني عن الشقه ان كانت مناسبه وعلى طوول قلت الليله نبي نرتاح وبكره نبي شقه ثانيه لان اول شرط ماهو متوفر الا وهو التكييف وقالت تم وما يصير خاطرك الا طيب, طبعا انا جاي وكنت اسمع عن البلاك هاوس وقلت ما ابي افوت هالليله واتجهز وخويي تجهز باللي يقدر عليه مسكين بلا شنطه ورحنا للبلاك كان الدخول ب 100 درهم ولك طلب واحد, دخلنا وكان الوضع حامي انواع الزحمه وانواع الطيور المنتشرة في كل مكان والعالم مهيصة, طبعا ما حجزنا طاولة ظلينا مثل العسه نلف من مكان لمكان نستكشف يا طالعين فوق يا نازلين تحت وعلى هالحاله لين خلصت السهره ومن التعب رجعنا وحدانيين وعلى الفراش على طووووووووووووول.
يوم ثاني صحينا على الساعه 1 وافطرنا وكلمتني صاحبتي انها حصلت شقه في شارع انفا في عمارة اسمها عمارة سامسونج رحنا وقابلنا صاحبة الشقه كانت الشقه بالدور السادس ولها بلكونه مطله على الشارع وصالة تفتح النفس, تفتح البلكونه ويدخلك هاك الهواء المنعش اللي يدخل الرئتين وما ودك تطلعه وعلى طول قلت لخويي انا موافق وقال انا وافقت قبلك, ونجلس مع صاحبة الشقه ويمين يسار شل ابوك حط ابوك وصفينا على 1300 درهم باليوم مع الشغاله وحق الشغاله 100 درهم, طلبت نحاسبها لـ 9 أيام وقلنا معصي مالك الا حق 3 أيام وبعدين نقرر ووافقت وعطيناها المبلغ, واحنا جالسين الا رن جرس الشقه ودخلوا اثنين سعوديين سلام سلام عليكم حياكم الله امروا الا قالوا ابد جايين ناخذ اغراضنا طلعوا الجماعة المستأجرين السابقين للشقه والليلة بيسافرون ونزلوا يشترون شي وشنطهم بالشقه, حلفنا عليهم ما يمشون لان طيارتهم الساعه 7 والساعه كانت 2 ونص تقريبا, جلسنا معاهم وتعرفنا عليهم واحد ضابط في مطار الملك عبدالعزيز في جده والثاني يشتغل في المكتب الخاص للأمير سلطان بن عبدالعزيز الله يرحمه بالرياض, استأذنا منهم نروح نجيب اغراضنا وهم ياخذون راحتهم بالشقه ويعتبرون انفسهم هم المستاجرن وحنا الضيوف.
رجعنا شقتنا القديمه وكلمنا الشغاله اننا بنطلع وعطيناها 700 درهم حق الشقه والمسكينه ما قالت شي, اتجهنا لشقتنا الجديده وفي روسنا الف خطه وخطه لليلة اللي نعتبرها الليلة الاولى لنا بالمغرب وبداية الانزعاط الانتحاري, وصلنا نزلنا اغراضنا وخويانا ما زالو موجودين جات الشغاله فاطمة وانا اشهد انها شغاله وطباخه ولا في الاحلام رتبت اغراضنا بالغرف واعطيناها 200 درهم تشتري اغراض للثلاجه وعشان العشا والجماعه قالوا لنا مشينا للتوين سنتر نشرب اتاي ونرجع واحنا ما قد رحنا ولا ندري وش اللي بالتوين سنتر وتوكلنا على الله ومشي للتوين.
وصلنا عالتوين سنتر وأشوف هذاك الدرج اللي وش كبره وقلت لا حوول هذا اولها طلعات ونزلات ويوم طلعت ودخلت مقهى المونتي كريستو وانا انفاسي مقطوعه من صعود الدرج واول ما دخلت وألتفت يمين واشوف حباري وأتفت يسار واشوف كناري والوضع مية مية, اخذنا طاولة خارجية وطلبنا الاتاي ومعسل العنب واحلى جلسة على انغام ابو نورة اتقلب على جمر الغضى وانا المولع على ناري, في هذه الاثناء تم اقتناص ما تم اقتناصه ورجعنا للشقه وودعنا خويانا وتبادلنا الارقام على امل التواصل معاهم في قادم الايام والشهادة لله انهم كانوا في قمة الاحترام والذوق.
يتبع
2013-09-27, 09:05 AM
المواضيع المتشابهه للموضوع: الزعطة الثانية ---- رحلة كازا
العرض الشجري
الدرهم المغربي مقابل عملات الخليج