حفظ البيانات؟ هل نسيت كلمة المرور؟ تسجيل عضوية جديدة

ياغريب خلك اديب

attaf · 2013-11-10T10:31:23+00:00

السلام عليكم ورحمة الله اخواني الاعزاء هذا اول موضوع لي بالمنتدى وحبيت يكون موضوعي هادف ما اطول عليكم في بعض الاخوان يشتكون من الاستغلال في الدول العربيه كلها مو بس المغرب وصدقوني احنا سبب هالامور الي تصير واسباب كثير وكل واحد فينا صار له موقف. اذكر لكم موقف اقسم بالله تمنيت الارض اخفت فيني ولا شف هالمنظر .......... كنت بالمغرب قبل سنتين ونزلت على مراكش اتفقت انا والشباب نسهر بالديوان اول يوم دخلنا الديوان وطاولتنا محجوزه وامورنا مرتبه بعد تقريباً ساعه دخلو علينا ثلاث شباب كلهم لابسين غتر وثياب وريحة العوده والزكرته بيني وبينكم انا اسحقرت هالمنظر بالمررررررره وكنت حاس انو هالشباب راح تجيهم مشكله جلسو بطاولتهم وبدا الليل معهم بالشرب وبعدها بدؤ ينقطون شوي صارو يتنقلون من طاوله لطاوله ويضايقون البنات السكيرتي كل شوي يرجعونهم لطاولتهم طبعاً انا قمت وكلمت واحد من هالشباب وقلتلهم هدو شوي ترا بيطردونكم وماتسوا عليكم وين راحت الشخصيات والثقل الي باول الليل المهم قالي احنا مصحصحين ولا تخاف علينا والي فيه خير يقرب مننا قلت الله يقويكم اخذت اقل من نص ساعه الاوالسكيرتي ماخذين غترهم على رقابهم ومطلعينهم برا يسحبهم زي الخرفان اقسم بالله انا حسيت باحراج مع اني ما اعرفهم ولا لي اي علاقه فيهم لكن مثلو بلدهم باسوء منظر واهانه ما بعدها اهانه والناس بيضحكو عليهم يعني الله لا يبتلينا. الهدف من كلامي هذا ( ياغريب خلك اديب ) اسف جداً ع الاطاله واتمنى يكون عندنا ثقافه سياحيه مشرفه في بلاد العالم كله.