اعتذار للأخ الروداني

السلام عليكم
يسعدلي مسائك اخوي الروداني اول شي اسفه جدا لاني مارديت على دعائك للوالد بالشفاء بالدردشه ويعلم الله اني ماشفت مشاركتك الا الحين وهذا ان دل عندي على شي فهو دل ان شهاده الشباب فيه كانت بمحلها سواء قرط او غيره تراهم يحبونك ويشكرون فيك وكم شخص جاني يقول انتي فهمتي الروداني غلط وفهمتي مزحه غلط
اوك اخوي يمكن أكون فهمت مزحك غلط لكن انت بعد لاتلومني اول شي ما اركز مع ردودك عشان أكون عارفه طبيعه ردك عالاخرين ولا كان في سابق كلام او تعامل بينا نهائيا عشان كذا انا أخذت كلامك بعدائية وليس بمزح
لكن قسم بالله اول ماقريت دعائك بالدردشه حسيت نفسي بزر وانت الكبير بشهادت الكل فيك ربي يسعدك ويوفقك وللامانه انا لو كنت مكانك ومطنقره من احد حتى لو أشوفه كتب شي وأبي ارد ممكن ادعيله بنفسي بس لين يطيح الحطب من جهته لكن انت كنت افضل مني
وهذاني قدام الجميع اعتذر منك على سوء فهمي لمزحك واعتذر على كثر كلامي في الموضوع وردودي عليك واعتذر على قسوتي في الردود زي ماقال اخوي قرط حنا واهنيك على حب المزاعيط لك وثقتهم الكبيره فيك واللي أصبحت انا بعد منهم الحين
أكرر أسفي مره ثانيه أسي الروداني وأتمنى تقبله ومثل مااغلب المزاعيط الحمدلله منهم عيالي ومنهم اخواني ومنهم أصحابي تكون انت بعد
وآخر كلامي لك أسي الروداني ترى بيني وبينك عينك حاره الشريف لان السفره بكبرها طارت لأعاد فيه فابور ولا غيره ههههههه وأتمنى تحذف موضوعي هناك لان ماعاد له داعي بعد تقويستك القويه
واحترامي يسبق سلامي لك وللجميع