تاكسي من مطار كازا الى طنجه

سؤال و اتمنى احد يفيدنى كم اجرة التاكسي من مطار كازا الى طنجه و كم ساعة ياخذ معاه الطريق لانى بوصل 5:30 العصر و ابغى امشي طنجه على طول و باسرع وقت ماعندى مجال اخذ باص و اتعطل بزحمة كازا و القطار ما راح الحق عليه و طيران مافى الا ثانى يوم ...اتمنى اللى عنده خبر يلحقنى الرحله قربت...وشكرا للجميع

يمكن بحدود ٨٠٠ درهم

اول شي توصل بالف سلامه ورحله موفقه وبالنسبه للقطار راح تلحق عليه لكن يمكن لأنك جاي من سفر يكون إرهاق زايد عليك مع اني اعشق السفر بالقطار خاصه انه من المطار
اما بالنسبه لسؤالك هو حسب التاكسي وانت وحظك لو تاكسي نازل طنجه وماراح يرجع مايحسب عليك رايح جاي بيكون في حدود ٦٠٠/٧٠٠ اما لو تاكسي كازاوي يعني رايح جاي فحط بحسابك من الف لألف ومتين

بسيارت نيسان رباعية الدفع مع سائق 1600 درهم مسافة الطريق اربع ساعات

خلك علي القطار أزين لك

الافضل لك :

القطار و حتى لو وصلت متاخر ل طنجه , اهم شي توصل بالسلامه و انا اخوك .

ترا الطريق ل طنجه مُتعب شوي , و انت بتطلع من المطار و الشمس غابت تقريباً

بتوصل كازا تعبان و بتطلع من المطار مهدود حيلك .

و بتركب مع تاكسي ما تدري وش وضعه ( ميكانيكاً و عقلياً ) .

مع التاكسي او مع القطار او ب سيارتك الخاصه

ما حتوصل لطنجه قبل 10 ونص بالليل .

لذلك نصيحتي لك , لا تخاطر بنفسك و تستعجل في الطريق .


القطار يا بعدي اشوفه افضل حل لك .

و السلام ختام .

__________________

القطار افضل ولو تأخر ،،

ممكن تأخذ لك فيه غفوه تكسر تعب السفر وأرخص كثير من التكسي 1600 درهم حسب كلام الأخ مغرب الخليج ،،

والتكسي من المطار لا يقل عن 1200 درهم لطنجة وما تدري عن السواق وشهو من لحيه ،،،

خذ في الحسبان ان قررت الركوب في القطار يفضل ان لا تحمل شنطه كبيره لكي لا تتعبك في الطلوع والنزول من القطار ،،

وعوضها بشنطه صغيره كتافي وأخرى سحب مقاس 20 كيلو وكون هاني والله يوصلك بالسلامة ،،،

طبعا محطة القطار في مطار كازا في الدور تحت الأرضي ساب وأي ،،،

ياخوي لاترهق نفسك دامك وصلت المغرب لاتستعجل اخذ قطار وروح كازا او الرباط وريح واستعد نشاطك الجسماني والعقلي واليوم الثاني 6 الصبح اادعس علا اول قطار راح توصل مرتاح

طنجه بعيده اربع ساعات ونص

سعر اجرة التكسي من كازا الى طنجة كما هو معلن على لوحة كبيرة خارجة صالة المطار هو 1500 درهم لكن سوف تدفع الى 1800 درهم . يرفعون السعر لانهم يعرفهون انك منهك و تعبان و مالك خلق تجادل او لانه ليس لديك خيار آخر . كنت اجادلهم كثير لكن في الاخير تعب وهم نفسهم طويل ما عنده شغل الا يحدك على السعر . اذا قدر لك و اخذت التكسي اشرط عليه سلوك الطريق السريع . هناك ضريبة على استخدام الطريق السريع هو من سيدفعها لا انت . الـــــ1800 او 1700 مقطوعة .

حبيبي الرحله من كازا لطنجه ٩٠٠ درهم ولاكن خذ نصيحتي القطار درجه اول احسن بكثر والله حتى لو انك تعبان نام افضل