وقف الفيديو وشوف شنو صفتك

انا طلع لي عربجي

اسم عربجي..يأخذ البعض معناه الخاطيء..حيث يقال ان العربجي هو الداشر..وهذا خطأ..

العربجي..هو ذلك الشخص..الذي يتمتع بشخصية قوية..ولا مبالاة..غالبا ماتكون الدنيا متساوية عنده وشهم ....

وهناك انواع كثيرة من العرابجه.....


فيوجد..عربجي شاطر بالدراسة...غالبا مايكون اسمه عبدالكريم....ومن القابه ابو جلمبو....او ابو صاموله..ذلك يعود لأنه يمتاز بالذكاء..


سيارته..غالبا مايفضل هذا النوع من العرابجه..السيارات الصغيره..عشان مايبلشون بالمواقف..مثلا..كورلا 94 مطيح ..مركب طياس...

وايضا ....عربجي مغزلجي..غالبا يكون اسمه شين ..يعني مثلا صندوق والا ساطور..يعني زي كذا..ولكنه عنده اسم فني يستخدمه..مثل خلودي..والا فهودي...مسوي فيها رقيق.....

ويلقب غالبا ..بقاهر الدلوخه....وسيارته غالبا ماتكون ..كابرس 90 ربع تنده ...مكتوب على الطرف..الدمام ..ولو انه بالرياض.

ومن انواع العرابجه يوجد نوع اندثر..ويقال انقرضت هذه الأشكال..وهو العربجي..المتهور..وهذا النوع خطير على من حوله..لما يتمتع به من طفاقه ..جلافه .

ويحمل هذا النوع العديد من الصفات المتميزة..نذكر منها..تصفيقه للهندي راعي المغسله اذا لاحظ ان سروال السنه تغير لونه..

ومن الأنواع الجديده بالعرابجه..هو العربجي اللأنترنتي..وهذا النوع يتكاثر اشكاله بالتشات..وتراه يجي اسمه رومنسي و اسلوبه مهوب سهل بالتشبيك..وخفة دمه تغطي على عادل امام....

ومن صفات هذا النوع..انه اذا دخل غرفة( غرفة بالشات )....يقز لستت الأسامي..اللي بالغرفه بالتشات..وتطيح عينه على اسم بنت رومنسي..في نظرة..مثل ..دلخه او مهبوله او خبله..او تكرونيه..يعني زي هالأسامي التي تهز كيان هذا العربجي..

مما يحتم عليه ان ينزلق عليها بالذب..ويتسلمها...الى ان تموت من الضحك..وتجيه تطامر بلبريفت( لله درك على هالأسلوب )

وليس هكذا فقط..بل كل البنات اللي بالغرفه..يجونك على كفرين يلاحقون هذا العربجي....ولكن عيبه الوحيد..انه ذابحه الثقل..نعم ..ان العربجي وخاصة مع الفتيات..يكون ثقل..ولا يعطيهن وجه الا بعد فترة..

ونعني بذلك الى ان يخق ..يعني مثلا..جته وبريفت وقالت له هلا عمري ..وباللون الوردي...ممايؤدي الا ان هذا العربجي..يبي يمسط من الكرسي..هذا اذا ماكان سادح الجهاز بالملحق وقاعد على مركا..

ونحذر جميع العيال من هذه الأشكال من العرابجه..لأنهم مملوحين وكل البنات يحبونهم..وهم فعلا يستاهلون..لما فيهم من وفاء وخفة دم ..وكل ما يتمناه المرء يدركه ....
وهذي بعض اسئله العرابجه
يعني اختار واحد منهم وانت وحظك

قبل مانام اشوف حظي
طلع صبور قلت اجرب ثاني طلع خجول قلت الثالثة ثابثة طلع بلاش !!!!
اصلا مش اوصافي ولا واحدة
تصبحون على خير

جربت اكثر من مره

طلع لي

مزعوط

ههههههههه

__________________

مرجوج

انا ابعد ما يكون عن الرومانسيه

كيف عرفتي العربجة انتي

__________________
(( ابوي جعلها تبطي سنينك ))

طلع لي يائس ..،

مافي مزعوط

طيب شةف حالك