مرحبا بالشباب كثر الكلام وتعبت وانا اشوف اراء الجميع بصراحة اللي يمدح واللي يسب وهذا شي طبيعي ومتوقع كل واحد وتجربته

لكن حبيت أسال بالنسبة لكازا لاحظت الكثير يقول لاتجلس بكازا اذا اول زيارة للمغرب ليش طيب ! هل لها زنقات عجيبة او اسرار علمونا طيب ياخبراء والا الواحد بيستمر كذا مايروح لكازا لانها دائما بتكون اول مرة

طبعا انا بجلس فيها يوم واحد بالكثير يومين ومن بعدها لمراكش خمس ايام

اللي ابيه منكم يالغالين فنادق كازا اللي تكون امان باذن الله وتكون الوضع فيها فررررررررري مابي تعقيد وتنكيد انا ماجيت اسكن بكازا فرع الرياض :( قصدي سالفة افتح غرفة للضيف والكلام هذا الفاضي بصراحة ماعجبني ابدا واذا كل كازا كذا خليت كل رحلتي لمراكش وبلاها اليومين اللي بكازا تكفون ياجماعة حددوا لنا كم فندق يكون الوضع امن فيه والضيوف مسموح ولابأس ببعض البخشيش للحارس او الاستققبال لكن سالفة اني ادفع دبل سعر الغربة علشان اجيب احد كم ساعة غير معقول بصراحة !


الشي الثاني بالنسبة لمراكش احترت بين اثنين واعتقد الكثير احتار مثلي بين الروز قاردن او النخيل ؟

طبعا النخيل تقل فهمت انه اكثر من بوابة واكثر من جهة لذلك استبعدته من راسي مابي اتوهق ببوابات وخرابيط واصير مافهمت الموقع الصحيح الا اذا احد له تجربة قريبة جدا ماتتعدى شهرين ممكن يفيدنا ياليت والله


الزبده من الكلام هذا بكلا المدينتين حبيت اعرف فندق او منتجع يكون أمن ويسمح بالضيوف بلا تعقيد وهذا هو الاهم

طبعا انا وحداني لذلك ماعتقد خيار الشقق او الفلل مناسب ابدا والمدة قصيرة ماراح تتعدى 8 ايام للمغرب

لان بطلع بعدها لديار ثانية

المهم نصايحكم وكلامكم النهائي الله لايهينكم علشان احجز قبل تطير الطيور بارزاقها طبعا سفرتي باذن الله اواخر اغسطس يعني نقول قبل المدارس باسبوع او اسبوعين علشان لعل وعسى تخف الزحمة ولو اني اشك انها بتخف

حبيبي اكثر نظام الفنادق لازم تفتح غرفه ثانيه
وهذا الشي المعروف والمعتاد عليه ..
انا اشوف انك تكنسل كازا كلها وترتاح
بالنسبه للسكن ، اشوف ان الروز قاردن احسن لك
تقبل مروري وبالتوفيق ورحلة سعيدة

السلام عليكم ورحمة الله وبركاته
ابشر اخي
انا بتعامل مع مكتب بكازا بيتكلف بكل سفراتي في المغرب و التعامل كثيير راقي و الاسعار ممتازة
لو عجبتك الفكرة ابعث لك رقم المسؤولة عالخاص
رحلة موفقة انشاء الله اخي

اذا كنت وحداني وماتبغي تسكن بشقه بكازا.. انزل لمراكش ع طول اريحلك

fawaz 1
فكرتك حلوة لكن انا ماحب احد يتكفل بكل سفرتي احب ارتب واحجز بنفسي متعود كذا بس هالمرة متفاجىء لان المغرب شكلها لازم معارف تحجز شقق وقروشة شغل السعودية مافي حجز اون لاين وانت مرتاح

لكن ليش لا ياليت ترسلي رقم اللي متعامل معها واسمها وتفاصيلها ونشوف وش عندها اذا اعجبنا الوضع توكلنا على الله


sair

شكرا لك يالغالي على المعلومة لاني شكلي بخليها زي ماقلت بس كان الهدف اريح يوم من التعب وامشي من بكرا لمراكش لكن اذا الوضع تشديد وتعقيد بلاها الا اذا احد انقذنا بشي بكازا موثوق ومضمون


خشوم

المشكلة يالغالي بس انه بعد السفرة الطويلة نويت اريح ليلة لاني باذن الله الوصول بيكون الصباح اذا حجزت على نفس المخطط فقلت اريح شوي بدلا ماضرب مشوار لمراكش



بالمناسبة ياشباب هل تنصحون من كازا لمراكش بالقطار ؟؟ او الطيارة ؟؟
طبعا ماحب استأجر سيارة لاني بصير تعبان من السفر وش عاد بسوق 200 كيلو صعبة شوي ولا احب اصلا اسوق برى السعودية ماني ناقص مشاكل ووين اودي السيارة ووين اجيبها افضل كل يوم تاكس وكلها اسبوع يعني ماعتقد بتفرق

ياليت نصايحكم لطريقة السفر من كازا لمراكش طبعا عرفت انه في قطار لكن دخلت على الموقع بس في جدول مافي حجز تذاكر مدري ليش ! شكله على البركة يعني الحجز عند المحطة

اللي عنده اضافة او زيادة ياليت يفيدنا

شكرا للجميع وانا سعيد بانظمامي لاعضاء فاعلين مثلكم ماشاء الله

بالمناسبة نسيت أسأل بخصوص لو سكنت بالروز قاردن هل التكاسي متوفرة بالمنطقة او هل جميع الخدمات قريبة لاني ماراح اخذ سيارة لاني زي ماذكرت مابي اسوق من اساسه :) وشكرا

اذا في نصايح وبدائل افضل من الروز قاردن افيدونا خصوصا لشخص واحد يعني

اسال الله ان يهون عليك سفرك
انا بتكلم عن القطار

اشوف أفضل لك تأخذ قطار من المطار الى مراكش
خذ لك درجة أولى وتبطح على كيفك

انا أتكلم عشان ابيك توفر
أرخص لك من انك تاجر سياره

__________________
عشقي الرباط

اكه شكرا لك لدعوتك الطيبة الله يجزاك خير يارب

لكن ماقلت لي القطار يبي له حجز مسبقا عن طريق الانترنت او مافي حجز قص تذكرة واركب؟


ننتظر ردود البقية على تساؤولاتي وشكرا

اللي ارسل لي رسالة بالخاص للاسف حاولت ارد بس ماقدر لان مشاركاتي قليلة :(

العفو
ﻻ وانا اخوك
عادي تنزل وتحجز
مو شرط حجز
بس انت عندك مشكلة

ان شاء الله موعدك وصولك المطار يكون باقي قليل على قطار مراكش
مو تقعد تستنى كم ساعه
انا اللي اذكر قطار مراكش يا كل ساعتين او 3 ساعات

__________________
عشقي الرباط

اعتقد ان الفندق احسلك
اذا ماكنت صاحب ازعاج
ورتب نفسك بالبخشيش