ذهبو إلى المغريب اثرياء وعادو مديونين !!!

بقول رأيي في الموضوع بصراحة واتمنى ما يزعل احد ..

اول شي على قولة عادل امام في مسرحية شاهد ما شفش حاجة .. ( هوااا فيه حد من ورانا واحنا مش داريين ) .. يعني كل ما انفتح موضوع الهياط في الخارج وتبذير الفلوس كلنا قمنا نذم في هذا السلوك .. اجل الناس ذول نازلين من المريخ مثلاً ؟ اكيد لا لكن وقت التنظير شي ووقت الواقع شي ثاني ..

انا سافرت لغالبية عواصم العالم خصوصا اوربا .. في كل مرة الاقي نفس النوعية .. سعوديين او خليجيين يصرفون في الليلة الوحدة اللي ممكن يصرفونه بعقل في شهرين ( شاملة كل انواع الفلة الممكنة والغير ممكنة ) .. اقسم بمن رفع السماء بلا عمد اني قابلت واحد سعودي صرف في ليلة وحدة في دولة خليجية 67 الف ريال !! على ايش ؟ يا ليت على شي يستاهل الاخ يفتح قوارير لمجموعة بنات كل شوية وقيمة القارورة ما يعادل 800 ريال وهي اصلا سعرها خارج المكان هذا ما يتجاوز 100 ريال !

المهايطية هذول غير انهم يبذرون فلوسهم ويمكن بعضهم مقصر على اهله لو زوجته تطلبه بريالين خبز قال لها انتي ماعندك الا طلبات وماعندك الا تبذير النعمة ..! غير تبذير الفلوس هم قاعدين يخربون على الباقين .. يعني رفعوا اسعار كل شي وحرموا الناس اللي على قد حالهم انهم ينبسطون زيهم ! وااااضح جدا ان الاسعار فيها مبالغة في الدول العربية .. سواء سعر السكن او الطيور او العصير او الطاولات لان الاهبل المهايطي اعاطهم صورة ان اي سائح خليجي ممكن يدفع نفس المبلغ !


انا اشوف ان لازم يكون فيه اجراءات رسمية لان الوعظ والارشاد ماراح يجيب نتيجة مع هذول الناس بالتأكيد ..

لو يكون فيه رقابة على الحسابات البنكية افضل .. فيه نظام في البنوك يحدد سعر الدفع زي السحب

__________________
رجل اعمال اعشق السفر والسياحة ..