عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


رحلتي الي مراكش ٢٠١٤

موضوع مغلق
Felooo
مزعوط جديد
المشاركات: 21
تاريخ التسجيل: Nov 2014
Felooo غير متواجد حالياً  
قديم 2014-11-04, 04:47 PM
  المشاركه #11
ي لبى زقرت الكويت
سمير جعجع
مزعوط نشيط
المشاركات: 133
تاريخ التسجيل: Mar 2014
سمير جعجع غير متواجد حالياً  
قديم 2014-11-04, 10:49 PM
  المشاركه #12
تسعة اشخاص يابو احمد هههههههه
هذي عصابة موب فريق كروي :)

حمد لله ع سلامتك

منتظرينك
ابو أحمد
مزعوط نشيط
المشاركات: 93
تاريخ التسجيل: Aug 2014
ابو أحمد غير متواجد حالياً  
قديم 2014-11-05, 03:40 AM
  المشاركه #13
السلام عليكم اخواني المزاعيط
بداية اشكر كل من شرفني بحضوره الكريم والله يسلمكم جميعا
ودابا نستكمل التقرير :
وصل موعد الرحله بعد عناء طويل وصراحه كنت خايف من كبر العدد لان ماشفت بالمنتدي رحله نفس العدد وكان الكل يقول المغرب ماتصلح الا لمجموعه لاتتعدا ثلاث او اربع اشخاص المهم توكلنا علي الله وحزمنا شناطنا وعزبتنا طبعا ما اخذنا معنا الا الرز والفحم
لزوم الشيشه علي فكره هذا القروب مو جديد تقريبا لنا سبع سنوات نسافر مع بعض من سوريا الي مصر ومن ثلاث سنوات اندونيسيا المهم رحنا المطار عددنا سبعه واثنين يلحقونا بعد ثلاث ايام اقلعت الطايره تمام الساعه ٤ الفجر وصلنا القاهره ٦:٣٠
وطرنا من القاهره الساعه ٩:٣٠ وصلنا كازا الساعه ١:٤٥ الظهر كان التوقيت ممتاز وصلنا بنهار ماكنا نعرف الوضع كيف بالمطار
فأخذ واحد من الربع جوازاتنا ووقف بالدور كان ثاني واحد وعقبه الدور بالعشرات ولما جا دور خوينا قاله الموظف عطهم جوازاتهم
طبعا حنا واقفين برا الدور وكان الكل يشوف الوضع واخذنا جوازاتنا ووقفنا ورا خوينا احتج مغربي وقعد يسب فينا سب مو طبيعي
وتناشب معه واحد من الربع والموظف انزعج وقفل الشباك وطلع من الكابينه ولحظتها ياخوان تحسفت اني جبت ربعي للمغرب احس
من نظراتهم لي كأنهم يقولون تراك وهقتنا يابو احمد وفعلا حسيت بالذنب المهم رجع الموظف وفتح الكابينه قال تنظمون انفسكم والا بتقعدون بالمطار اليوم تدخلت انا وابعدت خويي عن النغربي ونظمت الطابور وقدمت المغربي علينا وكان معه زوجته وبنته وهو للحينه
يشتمنا يوم تعدا كان وراي مغربي قالي كلمه احس لحظتها مثل الماء البارد علي قلبي قالي اخوي اعتذر منك من فعل هذا الرجل
ولاتظن ان المغرب كذا هذا مايمثلنا وترا سكران مايدري عن نفسه طبعا شكرت الرجال مع مصافحه قويه علي شعوره النبيل واخلاقه
العاليه وتمنيت ان اهل المغرب مثل هذا ختمنا وخرجنا من المطار وصرفنا بعض المبالغ للطريق ورحنا مكاتب السيارات دخلنا اخر مكتب
بالجناح علي اليمين شعندك من السيارات يالنشمي قال لكم عندي سياره تشيلكم انتم وشناطكم وزياده ودز حدا صبيانه يجيبها وانا طبعا ماني مصدق قلت يهايط علينا وش هالموتر اللي يشيلنا وحنا سبعه ومعنا سبع شنط سفر وكرتونين كبار حق الرز والفحم واربع
شنط شيشه ولابتوب يوم جاب السياره وفتح الدبه او الشنطه الخلفيه وقعد يصف شناطنا يوم انها بلعت كل اغراضنا طبعا السياره
تشيل ركاب تسعه يعني راهيه علينا السياره نوعها رينو ترافك ادخلوا عليها بقوقل تلقونها اتفقتا معه ب ٩٠٠ درهم اليوم ودفعنا له
اسبوع كاش واخذ صورة جواز وصورة بطاقة فيزا الراجحي وسجل السواق اثنين من الربع وطلع قدامنا لين مسكنا طريق مراكش
طبعا السياره موديل ٢٠١٤ ديزل ماشيه ٨ الاف السياره جديده عبيناها ب ٧٠٠ درهم من محطة افريقيا اللي بأول طريق مراكش
وحط رجلك ساعتين ونص وحنا بالنخيل الدرقاوي وعلي بوابه ١٠ الاداره الربع علي طول دخلوا قصر النخيل وانا مع واحد رحنا فوق
للاداره وركزوا معي زين حصل موقف مادري شنو تفسيره ولكن اقسم بالله العظيم اني اقول الحق دخلت الاداره وقلت لهم ابي سكن
وعددنا سبع اشخاص واللي كان يتفاهم معي موظفه اسمها رجاء قعدت تعطيني خيارات وشقق حسيت ماهي مهتمه قلت لها ابي فله
خمس غرف وشقه غرفتين تكون قريبه منها قالت اشوف وابلغك نزلت للربع بقصر النخيل لقيتهم منزلين شيشتي ومضبطين لي راس
ها وشسويت قلت والله الوضع ماش قالي واحد انت مو تقول بمنتدي وتعرف كل شي وعندك ارقام دق تلفون وضبطنا تعبانين ونبي نرتاح المهم دقيت علي ابو شيماء ورد علي طول وفهمته الوضع قالي وين انت الحين قلت له بالمقهي تحت قالي بعد خمس دقايق روح
الاداره بتلقي عندهم فاكس باسمك حجز فلا وشقه طبعا انا مو حاجز ولا شي عقب خمس دقايق جيت الاداره قلت لهم في لي حجز عن طريق ابو شيماء قالوا نعم هذا الفاكس باسمك وعطوني فيلا خمس غرف مع مسبح خاص وشقه غرفتين بعيده شوي لكن مو مهم عندنا سيارتنا الحين بقولكم الموقف واتمني اخوي محمد عاطي ابو شيماء يقرأ الموضوع لما صعدت لهم المره الثانيه عقب فاكس ابو شيماء لقيت مدير الدرقاوي قالي الفيلا ب ٧٥٠٠ والشقه ب ١٨٤٠ ولو انك مو مكلم ابو شيماء وجاي عندنا مباشره كان عطيتك الفيلا
ب ٦٠٠٠ الاف والشقه ١٥٠٠ درهم قاله خويي كنسل حجز ابو شيماء واحجز لنا من عندك مباشره قال ماينفع قاله خويي اجل هذا
اجل هذا ٩٣٤٠ درهم حق اليوم واعمل لنا جك اوت قال صافي اخذ الفلوس وقال تعالوا بكره واحجزوا عن طريق الدرقاوي مباشره
وفعلا جينا ثاني يوم وعطانا الفيلا نفسها ب ٦٠٠٠ درهم مع ثلاث شغالات من ضمن الحساب وعطانا الشقه ب ١٥٠٠ مع شغاله
وحط اعلان علي الكاونتر يمنع التأجير عن طريق الوسطاء شفتها بعيني الله يشهد علي كلامي وارجو من الاخ ابو شيماء يتأكد
عشان يحفظ حقه ومره ثانيه اقسم بالله العظيم هذا اللي حصل معي عند الدرقاوي وللامانه تعامل موظفي الدرقاوي معنا كان روعه
بكل المقاييس خلصنا حجزنا وراح معنا موظف يودينا للفيلا والشقه وقبل ندخل البوابه واحد من الربع اعطي البواب ١٠٠ درهم اكراميه
يوم حركنا والا واحد يركض ورانا وينادي وقفنا والا يعرف بنفسه معكم مدير الامن عبدالكريم وماسك بيده ال ١٠٠ درهم قال البواب طلب منكم اكراميه قاله خوينا لا انا عطيته قاله تحلف انك عطيته قال خوينا ورب الكعبه عطيته من طيب خاطر قال مدير الامن لو ماحلفت كان فصلته من العمل الحين لكن خذ فلوسك رفض خوينا وقال رجع له الفلوس انا عطيته ومارجع بكلامي ورحنا للفيلا ونزلنا
اغراضنا وراحوا اثنين منا للشقه ونزلوا اغراضهم ودش عالسريع وتجمعنا كلنا بصالة الفيلا والشغاله معنا وكتبت لنا قائمه بالاغراض
وطلعنا انا واثنين معي وعالمرجان واشترينا لوازمنا وطبعا بصفتي مدير الرحله والقائد العام قلت اليوم بعشيكم عشا مميز وين يالمدير
قلت علي بشقني ترا كلنا اول نره نجي المغرب ولاندل شي بس المنتدي الله يطول بعمر من اسسه ومن كتب فيه وكل من شارك بمعلومه
وفر علي جهد ووقت ومعلومه كأني ساكن المغرب المهم سألنا مرتين بس والا حنا عند الوزاني اللي مع مطاعم بشقني واخترنا من هالمشويات اللي علي كيف كيفك وجابوا لنا الاتاي اللي يقعد الراس من عقب تعب السفر جهز طلبنا وعلي طول الفيلا خويانا ذابحهم الجوع المهم حطينا العشا واكلنا لين انتفخنا كانت الساعه تقريبا عشر ونص قلت لهم يالربع علي غرفكم نوم السفر اتعبنا عشان بكره
نقوم مصحصحين ونرتب امورنا صاحوا كلهم امرك مرفوووووض تبي تنام ماتشوف شر كلها اسبوعين ومانبي نطوف لحظه طبعا الكثره تغلب المدير الشجاع في بعض الشباب لهم تواصل مع بعض الطيور قبل السفر بفتره وبدت الاتصالات من يوم طلعنا من كازا
وكل شوي ها وين وصلتوا كم باقي ويوم وصلنا الفيلا والا الطيور بالانتظار عن بوابه ١٠ وعقب العشا قالوا نبي سهره نهظم الاكل
الواعر طبعا يبون عذر دقايق والا الصاله متروسه طيور وهات ياردح وللصبح عنز بدو وطاحت بنعمه والساعه سبع يوم جابت ام صلاح
الشغاله هاك الكبسه اللي ترد الروح لحم بالبرقوق والمكسرات والزبيب مع رز والسلطات وشي ماتعرفه لكن اكل لذيذ وعقبه شاي واتاي
مع راس شيشه تفاحتين وللغرفه علي طول واحلي نومه هذي احداث اليوم الاول اوقف الحين واكمل لكم بكره ان شاءالله باقي الاحداث
واتمني اني ماطولت عليكم ودمتم بكل خير حبايبي المزاعيط
اخواني قاعد اكتب لكم التقرير من الايفون وماعرف اكبر الخط فإذا احد يتكرم ويعدل الموضوع ويكبر الخط اكون شاكر له بالزاف
 الصورة الرمزية احاسيس
احاسيس
مزعوط قدير
المشاركات: 205
تاريخ التسجيل: Jul 2014
احاسيس غير متواجد حالياً  
قديم 2014-11-05, 03:54 AM
  المشاركه #14
تقرير جميل وسرد مفصل يعني الحجز عن طريق نفس المكتب الدرقاوي أفضل وارخص من الوسطاء . الحمدلله ع السلامه وبنتظار البقيه


​.. ♥̶̲̲̲‹ وسيع خااااطر ومعطي الدنيا ظهري � ‹☺›
ابو أحمد
مزعوط نشيط
المشاركات: 93
تاريخ التسجيل: Aug 2014
ابو أحمد غير متواجد حالياً  
قديم 2014-11-05, 04:01 AM
  المشاركه #15
اقتباس:
المشاركة الأصلية كتبت بواسطة احاسيس مشاهدة المشاركة
تقرير جميل وسرد مفصل يعني الحجز عن طريق نفس المكتب الدرقاوي أفضل وارخص من الوسطاء . الحمدلله ع السلامه وبنتظار البقيه


​.. ♥̶̲̲̲‹ وسيع خااااطر ومعطي الدنيا ظهري � ‹☺›
الله يسلم قلبك احاسيس
نعم الحجز عن طريق الدرقاوي ارخص واظن الحين منعوا الوسطاء لكن اخونا ابو شيماء مش وسيط اظن عنده شقق وفلل بالنخيل
اكابر ماروك
مزعوط قدير
المشاركات: 246
تاريخ التسجيل: Oct 2014
اكابر ماروك غير متواجد حالياً  
قديم 2014-11-05, 07:34 AM
  المشاركه #16
عاش بو أحمد ..
ياسلام عليك ..جوكم روعة ..
اجل امررك مرفوض هههههههععههه
زبطوك الشباب ههههه

واعر بو أحمد لاتنسى تعطينا وضع السكن من كل النواحي
saudtmtm
مزعوط نشيط
المشاركات: 63
تاريخ التسجيل: Sep 2013
الدولة: Khobar
العمر: 38
saudtmtm غير متواجد حالياً  
قديم 2014-11-05, 09:28 AM
  المشاركه #17
اقتباس:
المشاركة الأصلية كتبت بواسطة ابو أحمد مشاهدة المشاركة
السلام عليكم ورحمة الله وبركاته
قبل البدء في سرد تفاصيل الرحله اتقدم بالشكر الجزيل لهذا الصرح الكبير والقائمين عليه والذي وضع بين ايدينا كل صغيره وكبيره عن المغرب بحيث ذهبنا ونحن نعرف كل شيء ، الاماكن ،الاسعار كيفية التصرف في اي موقف كما اشكر اخواني المزاعيط الذين
ساهموا بنجاح رحلتي من خلال تجاربهم ونصائحهم التي استفدت منها كثيرا وبعد هذي المقدمه ابدأ التقرير وأتمني ان يحوز علي رضاكم.
السموحه يالربع ابي اكتب بالعاميه ترا تعبت وانا اعصر مخي واكتب بالفصحى
التخطيط والحجز والتنفيذ
بدينا التخطيط للرحله عقب عيد الفطر وبعد مناقشات وشد وجذب وكم طراق اقنعتهم نروح المغرب >> قوي
المهم ثاني يوم صبحت السفريات بطلتي الواعره بالزاف مع ابتسامه شقاقيه من الاذن اليمنى لليسرى احس الموظف
يقول بينه وبين نفسه يالله صباح خير وفتح جهازه ورمقني بنظره يحثني علي الكلام حلوه هذي رمقني بنظره المهم قالي علي وين
قلت له يم الديار اللي قال خلاص لاتكمل ادري المغرب كم عددكم ومتي الموعد طبعا سألته وشدراه قال اذا جا واحد مابعد افطر وابتسامته تارستن وجهه ويقول شعر اكيد يبي المغرب المهم وانا احط قدامه تسع جوازات >> فريق كرة سلة موعد السفر ١٠/١٦ الي ١٠/٣٠ هذا الكلام اول شهر ٨ يعني قبل السفر بشهرين وحجزت علي الخطوط المصريه بسعر ١٦٥ دينار كويتي كويت القاهره كازا مع توقف
ثلاث ساعات بالقاهره والرجوع توقف ساعتين بالقاهره . اخذت التذاكر وبديت رحلتي الخاصه بالمنتدي فليته فلي ماخليت زنقه مادخلتها عرفت كل شي عن المغرب عموما ومراكش علي وجه التحديد . اكتفي بهذا القدر واكمل لكم اليوم بالليل او بكره علي ابعد تقدير واتمني ما اكون ثقيل دم علي قلوبكم الطيبه وبوسه علي خشومكم مزعوط مزعوط ودمتم بكل خير

مشالله تبارك الله عليك يابو احمد 9 اشخاص المهم انكم استانستوا وغيرتوا جو.
 الصورة الرمزية Talal_012
Talal_012
مزعوط قدير
المشاركات: 180
تاريخ التسجيل: Sep 2014
Talal_012 غير متواجد حالياً  
قديم 2014-11-05, 01:48 PM
  المشاركه #18
يعطيك ألف عافية أخوي أبوحمد

ومتابعين معك إن شاء الله إلى نهاية التقرير

وشيء غريب الي صار من مدير الأمن في النخيل !!!

إن شاء الله يستمر الوضع كذا دائما


وأتمنى من الأخ العزيز محمد عاطي ( أبوشيماء ) توضيح الموضوع
 الصورة الرمزية al7anoooon
al7anoooon
مزعوط ذهبي
المشاركات: 1,041
تاريخ التسجيل: Sep 2014
الدولة: البحر
العمر: 42
al7anoooon غير متواجد حالياً  
قديم 2014-11-05, 05:39 PM
  المشاركه #19
ما شاءلله عليكم
الله يديم المحبه بينكم

وفعلا احلى مشاوي في مراكش
فس مطاعم عند بجكني

وبالعافيه عليكم

ومنتظرين الباقي
ابو أحمد
مزعوط نشيط
المشاركات: 93
تاريخ التسجيل: Aug 2014
ابو أحمد غير متواجد حالياً  
قديم 2014-11-05, 11:48 PM
  المشاركه #20
اقتباس:
المشاركة الأصلية كتبت بواسطة اكابر ماروك مشاهدة المشاركة
عاش بو أحمد ..
ياسلام عليك ..جوكم روعة ..
اجل امررك مرفوض هههههههععههه
زبطوك الشباب ههههه

واعر بو أحمد لاتنسى تعطينا وضع السكن من كل النواحي
عاش غاليك يالغالي وشاكر مرورك الكريم
بالنسبه للسكن اخذنا فيلا خمس غرف مع مسبح خاص وحديقه كبيره ومعها ثلاث شغالات من ضمن حساب الفيلا شغالتين يجون بالنهار مايطلعون من الفيلا لين تجي الشغاله الثالثه تستلم بالليل لين الصبح تسلم الشغل لشغالتين النهار وهكذا وبالاضافه للفيلا
اخذنا شقه غرفتين ماهي بعيده عن الفيلا وكان السكن راقي جدا والاثاث ممتاز والتنظيف يومي للغرف وغسيل الملابس والكوي
يومي وكل صباح يجون عمال يهتمون بالحديقه تنظيف وسقي وتنظيف حمام السباحه وهالامور
موضوع مغلق

الكلمات الدلالية (Tags)
مراكش


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع

المواضيع المتشابهه للموضوع: رحلتي الي مراكش ٢٠١٤
الموضوع آخر مشاركة
عرض خاص بمنتجع روز قاردن ١٦ نوفمبر ٢٠١٤ 2015-01-05 02:51 AM
تقرير رحلة مراكش ابريل ٢٠١٤ 2014-12-20 04:49 AM
مسافر يوم الجمعه ٢٠١٤/٤/١١ 2014-04-08 05:39 AM
مراكش ٢٠١٤ 2014-01-27 01:15 PM


الساعة الآن 11:48 AM