استشاره لاهل الخبره في استأجر سياره بالمغرب

السلام عليكم
كيفكم حبايبي ..
استأجرت سياره في المغرب من االمطار شركه دولر وتوجهت الى الهرهوره ..
وصار معاي حادث بسيط طبعا الخطا مو علي ..
الحادث من الخلف ..
اتصلت على االمكتب قال في ورقه وديه تعبيها مع خصمك ..
عبينا الورقه وصورت الاوراق من رخصه وتأمين وكل الاوراق الاخرى ديال الخصم ..
وصورت االحادث بتفاصيله فيديو وصور ..
وكلو واضح انو الخطا على الشخص الاخر ..
المهم رجعت السعوديه تفجأت برساله من البنك حقي يقول تمت عمليه خصم على البطاقه الائتمانيه .. مبلغ 1720 دولار .. وهو مبلغ اللي طلبوه مني عند تأجير السياره ..


رجعت اتصلت عل المكتب قالو مستحيل نكون سحبنا شي.. بعدها قال يمكن في خطا بالاوراق اللي قدمتها لنا .. بعدها قال مو احنا خصمنا .. يلف ويدور علي ..
بالاخير قال ارجع ارسلك رقم الاداره ..
ماارسل طول علي وبعدها طلبت الرقم وعطاني ياه ..
اتصلت ردت علي وحده قالت انت فلان قلت ايه وباين انو عندها علم اني بتصل عليها ..
قالت الخطا عليك حسب الكروكي الموجود ويلزمني ادفع 10 بالميه من قيمه السياره ..
قلت لها انتي مين وشو منصبك بشركه دولر. قالت مريم وانا اشتغل محاسبه ..
قلت اوكي راح اتصرف مع احتيالكم ونصبكم ..
وسكرنا ..


الصوره توضح لكم على الارض مكان ما مسك فرامل للسياره الغلطانه ..





لاحظ الغماز للسياره اني راح اسلك المسار الاخر ..








الحين ابي مشورتكم مع العلم انو هذي اول مشاركه لي بالموقع ..
واحد قالي
روح قسم الرعايا في شارع بن بركة
عندهم محامي قضائي لمثل هذه الامور..

احد يعرف وين قسم الرعايا .. وين شارع بن بركه هذا ؟