وش قردني اروح المغرب

السلام عليكم جميعا

ما قول الا ... لبيه لبيه لبيه ....لكل الرجال المطاليق .... انا وش انا ما ارد عليكم رحبتو وضيفتو وبيض الله وجيهكم واحد واحد

واشكر دعوة الاخ احمد بن زيدون ... ون ما خاب ظني انه من 89 وهويروح المغرب من امريكا لاني كنت بعده في امريكا

والعلم الوكاد ان اوراق الادب خلصت ما عاد فيه الا اوراق التطعيس وشبة النار والمهيلة ....

في الحديث ( حدثو الناس بما يفقهو )

مالكم بالطويلة ...المشكلة وش بازيد على الرجال المناعير ... من اهل السفر وفلة الحجاج ...والى امتطو صهوة الطائرات يمخرون بها عباب السماوات .....تجربتي يتيمة ... وصدق ما ادري انا بأرجع ولا لا ....يقول قرط حنا الزعطة الانسحابية .. بعض الخبرات تخرج درر وتصف بأقل العبارات... اسمع العلم يابعدي ونت تعرف

بأختصار الحادثة الثانية واذكرها هنا للتنبيه ...دخول ثلاث بنات من الشفاره كانو مندسن ما ادري في السيب تحت الدرج العلم اني يوم دقيت الجرس فتحت الشغالة ولا ذو الثلاث يدفون الباب من بعدي ويهجمون علينا مثل البرق وقبل ما افكر دفو الشغالة ودخلو وقفلو الباب ....وحطو شي على رقبة الشغالة ( عرفت بعدين انها موس )وهي تقوم تتوسل لهم الله يخليكي الله يخليكي.. ونا وخويي واقفين لا فهمنا كلامهم ... والموقف مربك ... حنا رجال نعرف القتال منا بورعان ... بس ما حنا فاهمين ...قلنا الشغالة يمكن لعبت عليهم قبل في دراهم لا بينهم ثار ولا مصيبة ....المهم ونا انطلق على الغرفة وحرز دراهمي وجوازي وبعدها حلال .... المشكلة وحده منهم حامل ... وارجع للهوشة الا الباب يدق من برا بقوة ... مدري من فتح الشغالة او ذولي ...الا وحارس العمارة وولده الكبير ومرته معهم ...وخذ يا اكشن ضرب بالعجر وكسرو فازة قزاز على الماصة وتناثرت بغت تعدمنا .. انا مسكت يد الولد بالعجرا يبي يضرب وحده منهم في راسها ..وهويسبسب قلت لا في شقتي لا ( بيجيب لي جريه المهبول ) ...وجلد وشد شعور الين طلعوهم برا الشارع ... هذا في اكدال الربا ط

اثاريهم سووها مع كم خليجي وعطوهم فلوس يبون يفتكون (( لان الوضع بالشقة ملغم طيور وبلاوي )) حنا على المكشوف والعالم تشوف ..ما عندنا الا الضعوي ولو طالت السالفه كان تصرفنا ... بس الله يسر لنا هل الحارس وعياله .. واللغة نكبتنا نطالع كنا في معهد الصم والبكم

الحامل طلعت نفيخا ببطنها ووجهها مشطب بالسكاكين ومعها ثنتين شيف وطوال كنهم رجاجيل ..شكلهم رد سجون

لحد الان مدري هل المسئلة مسرحية ولا صدق الى صار لانا عرفنا من شقة ثانية انهم دايرين على كم شقة في اكدال بنفس الطريقة

اثر الحامل تشر على وتقول هذا ابو الولد ...قلت لعن الله الى جابك توني امس مختم جوازي من المطار واول مرة اروح المغرب ... والله لونه بلوتوث ما حملتي بيوم

هههههه عاد من اول يوم حامل وانت ابو الولد عجبتني حامل بلوتوث علي كل خطاك السوء والحمد الله علي السلامه

__________________
ان تكون مجنونا في ارض الجنون خير من ان تكون العاقل الاوحد

السلام عليكم جميعا

اعتذر لمن لم ارد عليه من قبل الاختين الفاضلتين كازاوية لندنية وسيلاويه ..وبقية المطاليق ولد الجزيرة وصبي الخوالد نواف و طنجاوي الهوى وفلالي وmmmusaltin هذولا الى ما ذكرتهم ون نسيت احد فالعذر والسموحة ...saudicowboy وقرطا حنا والاسد المخضرم عمر الفاسي لكم كل الدعاء ان يجمعنا الله في الجنة ....تذكرو الحديث من رأى منكم منكر.... فنحن جميعا دخلنا في المسؤلية ... لانفسنا ان ننهاها ولغيرنا من الاخوان والاخوات .... الاخ الفاضل خالد بن خالد ... اسمحلي بتعديل بسيط ....

الكبير الله ...لانه وصف به نفسه فكل شيء دونه ... تأتي الاضافة ..... انت اخي خالد كبير القدر ... اسئل الله ان يرفع قدرك وقدر جميع المراقبين والمشرفين والجنود المجهولن في هذا المنتدى العملاق.... عارفين اخوتي واخواتي الكرام ما هي المصيبة ... اذا لم يعمل الكاتب بما كتب سيحاسب به يوم العرض ... ولكن .....فلو لم يَعِظ في الناس مَن هو مُذنب = فَمن يَعِظ العاصين بعد محمدِ

نصيحة من القلب الى نفسي اولا وإلا احبتي ثانيا

كل ذنب الا الكفر .... مثال لا تترك صلاتك مهما حدث لانها خط الحماية الاخير .... مثال اذا غلبك شوشو لنه لابد نتكلم من الواقع يا احبتي..... اجمع المغرب مع العشاء جمع وقصر تقديم....وبعدها بقرررررريح .... بس نم بدري قبل الفجر واذا قمت اشرب لك قوة كحلا وتسبح وصل ... لا تقعد بالمرقص وتشطح كنك المهبل الى بوناسة الى الساعة ست الصبح ... لاني شفت شباب ما يصلون ويتعذرون انا نسوي ونسوي ... حزنت والله علىهم ...صلح الى تبي الا الصلاة ...ولا يجي احد يقول اني افتيته .... لاني اعرف الوضع ودين الله سهل بس حنا نصعبه ... وتضييق المسئلة ان ما فيه الا جنة ونار ...وتذكرو الحديث (( والله لولم تذنبو لذهب الله بكم واتى بقوم يذنبون فيستغفرون فيغفر لهم )) اللهم اجعلنا من المستغفرين واستر علينا يا صاحب الستر يا ستير....

اسف نعم فعلا لا يوجد الا جنة او نار ...اسف للغلط

هذا الكلام السابق لعدم ترك الصلاة فمن لديه اضافة او تعديل ...ارجو التكرم به ... ولكن ارجو عدم الدخول في النيات وشخصنة الموضوع ....لانه بالعربي فيه ناس اذا راح المغرب لا يمكن يترك الطيور والعصير لو يصير الى يصير ..وشكرا

__________________

ههههههههه اجل بلوتوث، الحمد الله على سلامتكم و تصير في احسن العوائل .فيه ناس أعرفهم دفعوا في حدود ال٦٠٠٠درهم على سالفه شبيه لها ولكن بتفاصيل كازاويه وأبطال من البلاك هاوس وهالشباب ذولا ماعد رجعوا المغرب حولوا شرق اسيا ..(همسه للشباب الجدد:لاكنت بشقه عاديه مهم تكرم خادمتك والعساس ولو بالكلام الطيب وما تيسر من الدراهم )

صدقت يا صديقي الحبيب اتفق معك في كل حرف سطرته سلمت الايادي وطابت الذكريات وانت لم تبعد فانا سبقتك للمغرب

جزاك الله خير ونصائحك احسها من قلب صادق ومحب احبك الله الذي احببتنا فيه‏ واسال الله عز وجل لنا الهداية جميعا

واصل بانتظارك يالشيخ وجزاك الله خير كلاااامك عين العقل

__________________