استفسار اخواني اللي يترددون على مراكش

اخواني المضايقات من الشرطة موجودة دائما بكل مكان حتى المرورعندهم انواع الابتزاز وتعتبر مواسم وليست بشكل دائم ولكن البعض يسلم منهم مرة او مرتين والبعض الاخر من اول مرة يطيح فيهم حظوظ لانك خليجي لازم يبتزونك بجميع الطرق لو انك فرنسي يحبونك ويحترمونك ولا احد يتجراء عليك حتى لو كنت مخطأ .... نصيحتي من كل قلبي سير على كوبا والله عندهم علوم الفزعة وعلوم الكرم و تسى المغرب وخلي اهل الابتزاز يكلو بعض

مراحب خويا.. عطنا علوم كوبا لاهنت ..خل نفكر ..كوبا ماناقصها شي وخص الكييف ..نورنا الله ينورك ..تحياتي

كوبا وكييف من افضل دول العالم في السياحة المبلغ الي تدفعه في المغرب مقابل اقامة لمدة اسبوع يكفيك هناك لمدة شهر يكفي انك تلقى ناس ماشين بالحق والنظام ولا احد يبتزك ولا احد يضايقك خلك ماشي على حدود حرية الدولة والله لتفلها
اذكر قصة صارت علي بكوبا
دخلت مطعم ممتاز بحريات وطلبت واكلت وطلبت الفاتورة جاني السيفرفيس واعطاني الفاتورة قيمتها تقربيا 34 دولار ودخلت يدي بجيبي وما لقيت المحفظة انا نسيتها بالبيت وانحرجت بصراحة وهو مبتسم ولا فتح فمه بكلمه قلت انا بروح البيت واجيب الفلوس ورجعلك بكل سهولة اخذ الفاتورة وشط عليها قلي اوكي
السالفة باختصار رحت البيت وخذت المحفظة وتجهت للمطعم مباشرة وعلى الكاونتر قلت هذي فلوسكم وكلهم مبتسمين قليه سدد عنك المطعم اكلك خلاص
قلت مستحيل اصادف ناس بهذي الطريقة من الخلاق

القصة العجيبة الثانية خرجت من الفندق وانتظر تاكسي يوصلني للمطار وشافني عامل في الفندق قلي اركب انا اوصلك قلت اوكي لمن وصلني للمطار اعطيته تقربيا 25 دولار وتعتبر كثيرة قلي ما اخذها انت ضيف عندنا واصريت عليه واخذ الفلوس ورجعلي بالباقي يقلي هذا المبلغ كثير على مشواري

ناس في قمة الاخلاق في قمة الادب في قمة المحبة للسياح العرب

وكذلك لا انسى اوكرانيا كييف البلد الذي يعتبر اهله كلهم مبتسمين لا يوجد استغلال لا يوجد همجية لا يوجد ابتزاز

هل السفاره الاماراتيه او السعوديه موجوده في كوبا لعلمك لي صديق راح لكوبا وللحين ما رجع وها الكلام صار له سنين واعرف ناس اتقول انها مافيا ولازم اتكون تعرف ناس من هناك ثقه ولا كوبا غير امنه والمغرب اامن منها كونها بلاد عربيه وفيها السفاره وشكرا

ليتك تنزل تقرير عن كوبا

وكيف طريقة السفر والفيزا والسكن الخ

انا لم ازر كوبا قط في حياتي ولكني زرت كييف وليفيف ودونسك في اوكرانيا يا اخي ليش المعلومات المغلوطه والله اكثر بلد عنصري باوربا هي اوكرانيا وبشكل خاص ضد العرب واذا بامك خير اطلع برا باب الفندق في الليل

__________________
ان تكون مجنونا في ارض الجنون خير من ان تكون العاقل الاوحد

__________________