رحلة الى مراكش 2014 بالصوررر

مساء الخير على الجميع الله يسلمكم من كل شر ومشكورين على الردود المشجعه

راح اتكلم عن بعض الامور اللي احب اقولها بشكل مختصر ومفيد للبعض من السكن والتمشية

والرد عن بعض استفسارات الاخوان

اما بخصوص السكن فهو امن بعد الله والبوابين محترمين مايخذون منك ولا من الضيف إلا انت

وإكراميتك لهم والمجمع قريب من كارفور حذفه عصا والخدامة على مستوى مايحتاج واللي يبي

رقم المسوؤلة عن المجمع يتواصل خاص معي الشقه روعة مرره وكبيره ونظيفة راح انزل لكم

صور بعض غرف النوم

وانا نظامي جولة العصر على المقاهي وساحة الفنا وناسه بس تنكر بزي اجنبي مو تبين انك

خليجي عشان تفتك من الازعجات والبهذله

والحمام المغربي بفندق السوفتيل حللوو بس غالي شوي وحجز واللي يبي وجبه خفيفة العصر عليه

بشاورما المغربيه جربها والله حلوه وبخصوص الصرف في صراف بقليز سعر ممتاز بس ناسي

مكانه فين بس لوحته فرنسيه مدري وش اسمه

وبالنسبة لعشاق المأكولات البحريه في مطعم بقليز ناسي اسمه بس يعرض السمك برااا المحمل

وعليه زحمه وطعم جميل

نقطه أخيره اذا تبي تعرف مراكش صح ادخل بالحواري الكبيره حقتهم وعش تفاصيل حياتهم

اليوميه وإنا من النوع اللي يخش مع الشعب على طوول دائم نقشاتي معهم عن الكورة والدوري

الاسباني له عشاقه بجنون وصادف وجودي بالكلاسيكو برشا ومدريد كل محل عندهم شاشه

تلفزيون ومتابعين لدوري وبصراحة شعب جميل وحبيب.........

الصور راح انزلها دفعه وحده كل شي صورته

الصور تشمل المطارات والطيارات والطريق وصور الشقه والمقهى وساحه الفنا وصور عشوائيه

وأي خدمة او استفسار حاضرين لخدمتكم ........