فلل وشقق للإيجار كازابلانكا - الدار البيضاء

ليش م يكون هنا بالعام عشان انا استفيد والكل يستفيد

عشان تكون الشفافيه والوضوح بالاعلان امام الجميع
شاكر لك تجاوبك

بعيدلك كلامهم وبعدين بدردش برايي
السوالف الي يقولوها وهي تمثل بالنسبه لي نصف الحقيقه
اولا السعر مو ثابت بسبب اختلاف المواسم
ثانيا عدد الايام الي بتستاجر فيها كل ما كان اكثر بيكون السعر اقل
ثالثا عددكم كم لانهم يعرفون انها قطه فلو كنتم اربعه واستاجرتم غرفتين ما راح يعطيك بسعر شخصين بالغرفتين اكيد لازم يكون فيه فرق

كل ما فات هو نصف الحقيقه
النصف الاخر او ما اعرف منه ولغيري الحق باكماله
ان الوضع غير احترافي ويرمون اسعار متفاوته قليلا من شخص لاخر ويجربون وش بيقول طبعاً وفي الاخير مهما قال فهم بعيدين عن مبلغ الحد الادنى في الايجار وكسبانين حتى يقرب من الحد الادني وقتها شوف اسلوبهم
الشي الاخر لنفرض عندهم خمس شقق او ست والغالبيه كذا
واجر منها اربعه بالفين وضمن فلوسها وجيت انت بتستاجر الخامسه فلا تتوقع بيعطيك بالفين
هو شايف انه الطلب عنده بهذا التوقيت مرتفع والمتوفر قليل فيرفع لثلاثه الاف واذا ما اخذت هو يعرف غيرك بياخذ

هذه وجهة نظري وهي تحتمل الصواب وتحتمل عدم الخطا