مسافر لاول مرة لاغادير وعندي كم استفسار للسكن والسيارة

مرحبا اسعد الله صباحكم و مسائكم
انا مسافر لاغادير للمرة الاولى وبعد جولة في المنتدى تبين ان افضل فندقين هم
atlas-marina-beach-suite
atlas-marina-beach
(هذي اسمائهم في بوكنق )

ولاحظت تقارب شديد بين الاسعار واحترت وين احجز في اماديل او اطلس مارينا
مع العلم اني اشوف الناس تذم النظافة والتعامل والاسعار لكن الشكوى لله اللي عنده بديل مضمون ياليت يفيدني
وكذلك عندي استفسارين
الاول هل صحيح ان ممنوع دخول الاكل والشراب داخل الفنادق ؟
هل الزوار دخولهم سلس او يوجد رسوم واكراميه و وجع راس لين يدخلون ؟

وبالنسبة للسيارة ارغب في اجار سيارة من مطار كازا ومن ثم الانطلاق الى اغادير
ماهي شروط الاستئجار وهل ممكن ايجار سيارة بدون بطاقة فيزا ؟
وقرأت في احد المواضيع ان هناك رسوم للخطوط السريعه فماهي الرسوم وكيف يتم دفعها ؟

شاكر ومقدر لكم
في حفظ الله

الفنادق ممنوع دخول الاكل والشرب

انا انصحك تروح لمارينا اغادير اللي عند سكاي تحجزه عن طريق مكتب الؤويد ارخص من بوكينق

اما بالنسبه للاكراميه هذي تعتمد عليك اذا انت ذيب صدقني ماتبخشش ولا واحد في الاستقبال

اما بالنسبه للسياره انا اشوف اكادير مايحتاج سياره اخذ لك طياره اسهلك وافضلك لان كل الاماكن في اكادير قريبه من بعض

وبالنسبه اذا بتروح سياره لكادير في ضريبه للطريق بصراحه ناسي بكم بس اتوقع انها 50ريال او 70ريال تدفع قبل لاتمسك الطريق يجيك مثل الشباك كأنك رايح البحرين 20ريال حقت الجسر

وشكراً

__________________

شكرا لردك حبيبي ولكن فيه بعض الامور ماوضحت لي الى الان
مارينا اغادير هذا هو نفسه اطلس مارينا ولا يختلف ؟
وبالنسبة للممنوع دخول الاكل والشراب من وين اجل اجيب العصير على قولة الاعضاء ؟
اجباري اشتريه من الفندق نفسه ولا ابخششهم عشان ادخله ولا وش الوضع تراني غشيم


كذلك دخول الضيوف هل ابخشش ولا مسموح دخولهم ؟

مرحبا اخوي

اطلس مارينا هو نفسه مارينا

لكن نصيحتي لك احجز عن طريق مكتب المؤيد بالسعوديه موجود في الدمام والرياض واتوقع في مدن ثانيه
لأن عن طريق المكتب اضمن لك وارخص ، ادخل قوقل واكتب المؤيد بيطلع لك رابطهم بالموقع بعد كذا تحصل مكتوب عروض المغرب اضغط عليه وشوف اسعارهم بتحصل مكتوب مارينا

بالنسبه لدخول الأكل والشرب مسموح في مارينا لو تدخل اللي تبي لما توصل مارينا اركب اي تاكسي يوديك لسوق تشتري اللي تبي وترجع

وانا ما انصحك تستأجر سياره لأنها راح اتكون خساير وانت ماتعرف لطريق له قوانين كثيره
ومن كازا إلى أغادير 4 ساعات ونص او 5 ساعات
اما لو تحجز طياره من كازا إلى اغادير في ساعه وحده توصل فقط وسعر التذكره ب 350 ريال تقريباً اسرع وارخص لك من استأجر سياره

اما من ناحيت البخاشيش انا اروح وارجع ولا دفعت ولا بخشيش ، خلك شديد ولا تعطيهم وجه ولا كانك تشوفه

انا نهاية مارس رايح لأغادير ان شاء الله

بالنسبه لتكاسي اخوي انتبه ترا التكاسي في أغادير رخيصه اي مشوار داخل اغادير ماتعدى 35 إلى 50 درهم مغربي

لأن اغادير صغيره

والشي الثاني التاكسي من مطار اغادير إلى مارينا ب 300 درهم فقط لايتعدى هذا السعر

يا اخوان اطلس مارينا غير مارينا اغادير اذا تبي تحجز في اطلس مارينا عندك محمد عاطي اعلانه فوق

__________________
ان تكون مجنونا في ارض الجنون خير من ان تكون العاقل الاوحد

ي اخوي انا قبل ثلاث شهور كنت في اغادير

محمد عاطي السعر عنده ب 700 ريال

مكتب المؤيد بـ 560 ريال

ومكتب المؤيد فرع بالسعوديه والفرع الرئيسي في اغادير يعني حجزك مضمون وارخص

انا والله يشهد علي قبل ثلاث شهور ماخليت عرض ولا طرق حجز للفنادق لا ومرت عليها

ونصيحتي لأخوي احجز عند المؤيد وخل عنك محمد عاطي ، واذا مو متأكد راسله وقله بكم السعر وشف بعينك

^_^

للمعلوميه

اللي يتكلمون عنه الشباب ويقول اسكن في مارينا ترا يقصدون اطلس مارينا

لأن كل اهل اغادير يسمونا مارينا مايقول لك اطلس مارينا لأن هذا الأسم الدارج
لكن اسمه بالمواقع اطلس مارينا

اطلس مارينا هوو اللي ع البحر مباشره



حتى تلاحظ بالموقع انه ماعنده عرض الا لأربع فنادق المضمونه والأمان لسائح الخليجي

اطلس مارينا و صحارى و اماديل و رويال اطلس فقط

الـسَلام عَليُكّم وٍرٍحَمُةّ الله وٍبُرٍكآإتُهْ

اخي الفاضل ، اطلس مارينا هو مارينا
ونظامه مو مثل الفنادق العاديةة ، عادي تدخل اكل ومشروبات وحتى م في مشكلة فالضيوف ، ممكن تبقشش اول يوم بس وم اوصيك بحلاوة لسان على قولتنا

مكوع ياحبيلك صدق:icon30:
انا ودي بسيارة تكون تحت يدي متى ماطقت فبالي دقيت سلف وطلعت اهجهج واشوف الديرة واستكشف من نفسي
لكن التكاسي دايم يقولون عنهم نصابين وبجلس ساعه اكاسره على كل مشوار
وانا ودي اشتري راحة بالي الصراحة فهمت شلون

والشغلة الثانيه شيكت ع الرحلات من كازا لاغادير ولا لقيت شي يناسبني
وبالنسبه للطريق راح اخذ معي قارمن وان شاء الله الامور سهالات وبكرا ان شاء الله مخلص من المؤيد :morocco_5 (123)::morocco_5 (123):
شكرا بحجم السماء لك ولجميع من رد على استفساراتي