نقاش : هل كازا فكوك؟

شيرطلوى · 2011-04-08T02:42:03+00:00

[SIZE="5"] مرحبا الموضوع من عنوانه بس خلوني اوضح الاول علشان ما القى احط طاب علي اول شي هل كازا فكوك بتشديد الكاف اقول لكم وش اقصد. كازا حلوه والاماكن الي فيه خطيره والسهرات كثيره ومتنوعه وترضي كل جو وطيوره مخلط من كل صوب بالمغرب لكن وركزو لي هنا على ذي اللاكن من اوجه الفكوك ما يلي : 1)الدرك ومشاكلهم وانت طالع من السهره حتى لو انك لحالك يبثرونك ( والناس هنا تختلف بطريقة التعاطي مع الموقف فيه ناس ما تعكر جوه هل ربع ساعه او عشر دقايق ال قعد فيها مع الدرك وفيه ناس مثلي تقفل معه وخصوصا اني وانا متقهوي اكره افكر ) 2) الشخاذين الي ما يتصرفون ابد ابد ابد والي امنيتهم انك تتمشكل معهم ويقعدون يلعبون بعصابك حتى تنفجر 3)قصر الصوت هذي مليت وانا اسمعها بس قل هذي مب بس بكازا لحالها ميخالف بس بكازا التشديد عليها اكثر 4) الزحمه الي تضيق الصدر مررررررره طالعين من زحمة الرياض ونلقى زحمه مالها حيله 5) بصراحه احس شعب كازا وهلها اتكلم عن الشباب اجلف من غيرهم بباقي المدن واستفزازيين وودوهم يطلعون القرش من عينك [COLOR="Red"]اخيرا انا ما نزلت الموضوع بس للانتقاد لحد يفكر كذا انا كتبته ابشوف طريقة تعاملكم مع الاشياء الي ذكرتها يمكن احد عنده حل ل ذي الامور وخصوصا رقم 2 ابي حل لها هي ورقم 1 بعد ومع هالامور ستضل لها مكانه غاليه ذا الديره بقلبي لو مابها الا البلاك يكفي[/COLOR][/SIZE]

Rabe7

Directeur

المشاركات: 3,318

تاريخ التسجيل: Jul 2010

الدولة: KSA

2011-04-09, 09:32 AM

المشاركه #11

رد: نقاش : هل كازا فكوك؟

الي كازا فكّوك أجل حايل وش اقول عنه ..!!

يالغالي ملاحظاتك تقدر تتجنبها بكل سهوله .. بس الشغله يبي لها شوي فهلوه ..

زي مسألة الدرك .. أهم شيء مايمسك عليك شيء أو يلقى معك أحد .. مسألة إنه بيجيك وأنت لحالك ويسوي فيها على راسك .. لا يهمك هو يبي يستغل سمعة الدرك ويطلع له بكم درهم ..

أما الملاحظات الثانيه تلقاها بكل دوله موب بس بالمغرب ..

مشكلتنا مانعرف سقف الحريه بالمغرب كيف .. ولحد يزعل من كلمتي 99% من الخليجين بشكل عام عنده قاعده غلط .. لين قلت له شيء قال أسوي كل شيء بخشم الريال .. وأنا جاي بفلوسي ..!!

ماقلنا شيء جاي بفلوسك .. لكن احترم المكان الي انت فيه عشان يحترمونك الناس .. وخل قاعدتك بالسفر لأي دوله موب بس المغرب .. ياغريب كُن أديب ..

__________________
نلتقي .. لنرتقي ..

المواضيع المتشابهه للموضوع: نقاش : هل كازا فكوك؟
الموضوع	آخر مشاركة
نقاش ومقارنة على الرايق	2024-04-27 01:51 PM
نقاش: هل هناك تغيرات سلبية في المغرب؟	2023-04-17 12:10 PM
نقاش** اكادير	2019-10-20 12:54 PM
موضوع نقاش عن اللي مايبغى يرشي ويعطي قهوه وش الحل ؟	2015-11-29 08:11 PM
صرف السفر ( الرباط ) .. نقاش	2011-04-03 12:21 PM