اقتباس:
المشاركة الأصلية كتبت بواسطة بندر وافي 2
ههههههه تصدقون ان ماعمري سمعت الشيلات بالمغرب لاني بكل اختصار ماروح مراقص بتاتا البته هههه
وللعلم احب الشيلات لكن بدون مؤثرات موسيقيه
لكن اعجبني رد المحاميه بيضاويه ركزو بالوجه الحسن والخضرة وتنوع التضاريس والاجواء ....
وراح تحب المغرب
مزاجي شرايك تجي معي واوريك المغرب علي اصوله
للعلم ترا مازرت المغرب الا مره واحده فقط ومدة تسع ايام وانزعطت اخر زعطه
تعال معي وادور فيك بجميع مدن المغرب اذا انت من الناس اللي تحب تهجول وتتمشي اما اذاجوك مراقص وشراب فاكيد تبي تكرهه لانك ماتشوف الا الجانب السيئ
دمت بود ..
والله يالغالي اتشرف فيك وحياك انا الآن بميونخ .. سبق وزرت المغرب اكثر من 5 مرات او اكثر بعد وعارف خفاياها لكن المشكلة كل سنة تجي يتغير شيء .. تحس انهم يراقبونك على سبيل المثال مكرمة الملك راتب شهر مدري ثنين صادفت وجودي بمراكش طيب وحياتك انقلبت الدنيا فوق تحت وكل واحد ياخذ منك وكأنك مكفول فيهم طيب انا مانيب موظف لاحكومي ولاقطاع خاص والحمد لله وضعي المادي ممتاز وش ذنبي ترفع علي كل شيء عشان مكرمة بدولة ثانية .. هذي صارت معي عينك عينك اضافة لذلك ليش انجبر استأجر سيارة سيئة مثل الهونداي وكذا طيب انا احب الجيوب وابغى رنج روڤر او طوارق اريح لك من السيارات الصغيرة يشوفونك نازل من رنج مثلاً تعال شف كمية الترقيص جاء الشيخ وراح الشيخ!!! طيب انا ما ابغى اعطيك الا بمزاجي وكلمة شيخ وغيرها مجرد ترقيص فيك عشان ترش !!! طبعاً انا اقصد جميع الأماكن الجميلة اللي فيها مناظر حلوة واستجمام والديسكو والمراقص والكلام الفاضي مالي فيه واذا رحت بيكون اجنبي .. واعتذر منك مليت من هذا الموضوع لكن المشكلة بالأشخاص مش بالأماكن .. واتفق مع اللي قال مقارنة اوروبا بالمغرب خاطئة وش جاب لجاب ..
وكل واحد ينام على الجنب اللي يريحه .. وسبب كتابتي وخوضي بالموضوع عشان لا احد يستغل الخليجيين خصوصاً لأن العين عليهم واتحدى اي واحد يمس شعره بالسائح الأجنبي بالمغرب والشواهد كثيرة
عموماً اي خليجي لم يسبق له زيارة المغرب انصحه يتصفح المواقع ويسأل عن كل شيء وبرضو بيضيع لكن من حقه يزور اي دولة وينبسط بأدب واحترام .. شكراً للجميع