مقتـطـات من زيارة مراكــش --ابريل 2015

زعرور

مزعوط نشيط

المشاركات: 147

تاريخ التسجيل: Nov 2013

2015-04-21, 09:52 AM

المشاركه #1

مقتـطـات من زيارة مراكــش --ابريل 2015

السلام عليكم ورحمة الله وبركاته

صبحكم الله بالخييير جميعا

وانا اكتب هذا السطر مابعد كملت 24 ساعه من وصولي للرياض

جفن عيني يحارب النوم المزاج متقلب النفسيه مش ولا بد

رح يكووون تقرير على السريع مقتطفات بدون صور

وايجابيات وسلبيات

Alsomamh

مزعوط مبتدء

المشاركات: 43

تاريخ التسجيل: Apr 2015

2015-04-21, 10:07 AM

المشاركه #2

يا رب تكون استانست هناك

حسانين

مزعوط قدير

المشاركات: 172

تاريخ التسجيل: Dec 2011

2015-04-21, 11:59 AM

المشاركه #3

بانتظار المقتطفات الشيقة

باشتان

مزعوط برونزي

المشاركات: 537

تاريخ التسجيل: Jan 2013

2015-04-21, 01:46 PM

المشاركه #4

أبي منه الخبر ويقـول لـلا
لِفا المرسول وماعيَّـن محلَّـه

وقلبي تايهٍ مِـن عـام الاوَّل
ألا يالله يسَّـر مـن يدلَّـه

هات علومك واخبارك ومواقفك ونصايحك وافرشها لنا لعلنا نستفيد منها

__________________
أسافر عنه من ديره لديره
عساي اسلاه لكن ما حصلي

أهوجس فيه وأنسى إني نسيته
وأفكر في ليالي(ن) قد مضن لي

زعرور

مزعوط نشيط

المشاركات: 147

تاريخ التسجيل: Nov 2013

2015-04-22, 08:55 AM

المشاركه #5

اقتباس:

المشاركة الأصلية كتبت بواسطة Alsomamh

يا رب تكون استانست هناك

ولك تقطعت من الوناسه

زعرور

مزعوط نشيط

المشاركات: 147

تاريخ التسجيل: Nov 2013

2015-04-22, 08:56 AM

المشاركه #6

اقتباس:

المشاركة الأصلية كتبت بواسطة حسانين

بانتظار المقتطفات الشيقة

مسافة السكه

زعرور

مزعوط نشيط

المشاركات: 147

تاريخ التسجيل: Nov 2013

2015-04-22, 08:57 AM

المشاركه #7

اقتباس:

المشاركة الأصلية كتبت بواسطة باشتان

الله الله

الحين نعطيكم قد مانقدر من العلوم

زعرور

مزعوط نشيط

المشاركات: 147

تاريخ التسجيل: Nov 2013

2015-04-22, 09:05 AM

المشاركه #8

بسم الله الرحمن الرحيم

الانطلاقه كانت يوم 3 ابريل فجر الجمعه من مطار الرياض الى برشلونه على القطريه

الوصول الظهر والسكن في قراند مارينا

5 ايام من التمشي والتسكع والزحف في كتالونيا

والاجواء كانت بارده نوعا ما للامانه شخفنا البرد لين قلنا بس

نظامنا كعابي لين نتكسر ثم اقرب تكسي تم تمشيط المدينه كامله تقريبا

حتى يوم الثلاثاء 7 ابريل

عملنا تشيك اوت والانطلاق للمطار بعد الغداء

كان اقلاعنا اتوقع 5 العصر نيشان على مراكش الزبده الوصول 7 ونص مابعد غابت الشمس

واحلى نزول في مطار المناره والمعنويات فل وتوزيع ابتسامات

زعرور

مزعوط نشيط

المشاركات: 147

تاريخ التسجيل: Nov 2013

2015-04-22, 09:25 AM

المشاركه #9

طبعا مطار مراكش صغير وبسيط جدا ولا فيه وجع راس مثل كازا

نزلنا من الطياره نمشي على رجولنا لين دخلنا المطار ذكرني بمطار ابها

رحلتنا مافيه الاحنا بس 3 عرب كلهم خواجات عبينا الكرت البايخ حقهم

وطابور للتختيم العالم كلها راحت واخوياي راحوا باقي انا لحالي اتلفت مافيه احد

الا حقين الجوازات يطالعون كانهم لقو عشاهم

واجيهم سلام وعليكم السلام ويناظر في الكرت ويناظرني عندك اخطاء قلت وشهي

قال كثيره بتتعبني قلت كلش الا تعبك عطنياه وانا اعدل السكن كاتب مجمع النخيل

اكتب اي بوابه والتاريخ فوق وخلصت منه يوم فتح اخر صفحه ضحك قال جيت قبل واعطيه ذيك النظره فاهمك ياتسلب

ويختم وناخذ الشنطه ونمر الجمارك ماوقفنا حتى الشنطه مادخلت الجهاز خليناه مطب

ونناظر اسعار الصرف كانت غاليه قلنا بلاش خل الصرف برا

ونطلع مع الباب وولع الزقاره واتفاجئ الوضع طيب بالحيل

تذكرت كازا والزومبي الي يهجمون عليك ويسحبونك ويزقون بجوك

شوي الا خوينا واصل سواق متفقين معه من قبل واركب يامعلم

قبل الاقلاع بكم يوم كنت جالس اسوي مفاضله في السكن الاسعار والاوضاع بشكل عام ومابقى احد الا كلمته

بحكم اني انا المسؤل عن المغرب بين اخوياي

مسوي خبره عليهم

كانت الانظار تتجه للدرقاوي وبالاخص بوابه 10 بحكم وضع الزحف الي حولها

لكن للاسف مافيه امكانيه قال مافيه 3 غرف فاضيه فيه غرفتين بس

ومنا ومنا حصلت كذا سكن حلو واسعار طيبه لكن لازم فيه عيب يادورة مياه وحده او 2 اعزكم الله يابوابين مش ولا بد

الزبده اخر ماصفيت عليه مجمع النخيل 3 الي هو اتوقع نفسه الي في البوكينق

حجزته عن طريق شخص وتساب شقه دورين 3 غرف وصاله 3 دورات مياه السعر 2350

كنت واش منه للامانه اتفقت معه على يومين بس وتوقعي كان في محله

دخلنا الشقه بعد ما لطعنا شوي كانت قرمبع تلفزيون قديم اثاث ابوكلب

جاني انواع السب من العيال معتمدين عليك وهذي اخرتها

نظافه لك عليها قلنا يومين ونشوف لنا حل وابلشنا على الدراهم ولا كان معنا شي قلت له الوعد الصراف الفلاني وخلصنا منه

تم التوجه الى مطعم في حي الشرطه في زنقه ضيقه واحلى طاجن وطنجيه مراكشيه كليت لين طلع مع خشمي

مرينا بقاله اغراض خفيفه بحكم انه مايمدي على المرجان ولا كارفور والتوجه للسكن تبديل ثم خروج

ومن بعد الرجعه بدت الهجوله

التعديل الأخير تم بواسطة زعرور ; 2015-04-22 الساعة 09:28 AM

زعرور

مزعوط نشيط

المشاركات: 147

تاريخ التسجيل: Nov 2013

2015-04-22, 09:38 AM

المشاركه #10

رجعنا من سهره وجونا حلو ومواعدين ربع يجوننا

دخلنا واحتريناهم اتصال وطلعنا التكسي يوقف برا وتطلع انت بسياره وتجيب خويك معك يلعن ام المشوار

وياخذ البطاقه والبيانات حدود نص ساعه بعدين قال مايدخل ليش قام يخربط علينا

بعدين قال عمارتكم فيها اجانب قلت ماعلينا من احد ولا فيه ازعاج

شوي قال تعدت الساعه 7 طيب يابن الكلب لنا ساعه عندك وشيل وحط

الرجال نفسه بخششه ودخل بعد شق الانفس

دقينا على الباقين قلنا لاتجون

واليوم الثاني حصل نفس المشكله بس مع مديرهم ابوقبوع زباله على هيئة ادمي

وانا وياه بالكلام وانت ماتعلمني شغلي وانتم مزعجين يابن الحلال تلفزيونكم مافيه الا قناتين

كيف نزعج لا سماعات ولا شي زبدة الهرج لمحنا بخشيش وماقبل وزق جوي شديت بالكلام وتجمعوا العالم

قام يهايط والله مايدخلون 3 تكاسي قدام الباب راحوا العيال زحلقوهم ومشوا

عطيته حركة الحسن كيتا

ومشيت اشوا انه ماشافني ولا كان ذبحني جثه وطويل

لعنا الشيطان ونمنا وكنا مخلصين مع فله خاصه بكره في المزار خلف كارفور

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: مقتـطـات من زيارة مراكــش --ابريل 2015
الموضوع	آخر مشاركة
مسافر ع المغرب من ٦ ابريل لي ٢٢ ابريل ٢٠١٩ المدة ( ١٦ يوم )	2019-03-26 05:09 PM
تجربتي في مراكش بتاريخ ١٥ ابريل لغاية ٢٥ ابريل	2017-03-26 01:27 AM
الطريق من كازا الى مراكش في فصل الربيع ابريل 2015	2016-01-10 11:31 AM
مطلوب خوي حيآ أو ميتآ شهر ابريل الجاي 2015	2015-11-01 10:43 PM
عندي حجز في فندق تيلدي سويت من 19 ابريل الى 24 ابريل وصار لي ظرف	2014-03-15 04:03 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

مقتـطـات من زيارة مراكــش --ابريل 2015

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)