مطلوب خوي للمغرب

بصراحة احب اسافر وحدي

وأخذ من اهل البلد

او اكتشف الحياة بطريقتي


وأستأنس اكثر


ماعندي مواعيد ولا عندي ارتباط مع احد

واذا فية شي بعيد في مدينة اخرى أشد لها

واستمتع بالحياة

بشر عساك لقيت خوي ياطحطوح

ماقد سافرت. مع خوي. قاعدتي العب وحدك ترجع راضي. الاخوه مطلوبه. وكذ. ولكني. لا أفكر. اخاوي احد. الدوله الوحيدة. هي المغرب. تروح الحالك. مستحيل. تطفش.

سفرة سعيدة

الله يعينك ياماجستير فله هههههههههههه .. يكرهونك في شي انته تحبه ... المهم الواحد يتعلم من التجارب

والله انا جىبت لحالي وجربت اثنين وجربت قروبات من 5 وفوق
الافضل بصراحة اثنين خفيفة وهاديه وشقة غرفتين وصاله وشغاله نظيفة وسواق امين كذا انا جوووي وسلام

مساكم الله بالخير
بعض السفرات ما يضايقك ولا يغثك الا الخوي
سافرت مع صديق لي للمغرب وكانت صداقتنا جديده وشجعني على السفر واتفقنا على كل التفاصيل وناقشناها بدقة وحدد ان سفرنا يكون لفاس وافران ومدن الشمال .

وصلنا المغرب وبسببه كرهت المغرب واليوم اللي فكرت اسافر فيه بسببه
تصرفات طفولية
تفرد بالرأي
صرف غير معقول
استفزاز
قلة احترام وتقدير
طيش
خامس يوم قررت الانفصال عنه وسافرت لمدينة مراكش وبالصدفة قابلت صديق مع اخوه بالقطار قضيت معهم اجمل يومين وبعدها سافرت لأغادير وأيضا لحسن القدر قابلت ابن حارتي واللي سبق وان سافرت معاه ساكن بنفس الفندق مع مجموعة من أصدقائه واتخاوينا وكانت اجمل وامتع الأيام

بعدها بسنة سافرت لحالي وبعد الوصول ل كازا جلست 3 أيام كانت جميلة وقررت السفر بالقطار لمراكش وفي محطة القطار شفت اخ شكله مو غريب وكأني اعرفه من قبل دار بيننا حديث وركبنا القطار وساعدني بحمل الشنط هههههه وكان حديثنا بالقطار عن السفر الوحداني والسفر مع الرفيق النكدي وكانت افكارنا وتجاربنا متقاربة وكان هو متجه لأغادير وانا مراكش وقبل الوصول لمحطة مراكش قال طالبك طلب وماتردني ... قلت ابشر ... قال نتخاوى وتكمل معي على اغادير
قلت ابشر بالخوة ... ولكن نخليها مراكش 3 أيام والباقي نروح اغادير
قال الحكم والفصل يكون الباص اللي يودي اغادير
اذا لقينا مقعد لك كملنا
واذا ماقينا جلسنا وكنسلت تذكرة الباص
قلت تم
وصلنا مراكش وكان الباص لأغادير شبه فاضي قصيت التذكرة وكملنا لأغادير
اقسم بالله كان قمة في الرجولة والأخوة والتقدير والاحترام والذوق

الخلاصة " قد تسافر مع صديق او معرفة وتكره عمرك

خوي يكون على جوك وفاهمك وتفهمه هذا اسافر معه.
لي اصدقاء وربع اعزهم واقدرهم لكن حدي معهم مكاشيت للبر وجلسات الاستراحه رغم فخري بهم وبكرمهم الا انهم غير جوي في السفر.
استغرب وبقوة من اللي يعلنون مطلوب خوي للسفره عشان يوفر كم الف!!!!!!
السفر وحداني افضل من اني اخاوي واحد مدري وش يصير!

الخوي اللي ما سافرت معه ولا مره خارج بلدك

نصيحه لا تسافر معه لانه ممكن
تخسره بسبب سفر
او يخسرك لاننا لاننقي انفسنا من الزلات والثغرات
وابن ادم خطاء

اذا محتاج خل الخوي للسهرات وبس