الحذر ثم الحذر من النخيل 3

المشاركة الأصلية كتبت بواسطة سكون الليل

السلام عليكم ورحمة الله وبركاته

الاخوه الكرام انا سجلت بالمنتدى بداعي اني افيد المزاعيط من تجربتي بالنخيل 3 النخيل 3 وليس النخيل بوابه 3 المهم انا من رواد مراكش يعني كل ثلاث اشهر اسافر اسبوع لمراكش وعندي بمراكش سواق قديم وكان رجل بمعنى الكلمه معاي ولما حبيت اسافر قبل اسبوع كلمته وقلت انا جاي لمراكش احجز لي الشقه بالنخيل طبعا السواق اعرفه من اربع سنوات يعني بينا عيش وملح المهم لما وصلت مراكش كان حاجز لي شقه بالنخيل 3 وكانت الشقه نظيفه المهم رحت صرفت فلوس الي هو تبديل عمله وباقي معاي عمله سعوديه المهم حطيت الفلوس بالصندوق وغيرت الرقم السري وكل شي تمام اكتشفت ان الفلوس ناقصه ثاني يوم وصرت افكر يمكن طاح مني فلوس في مكان وانا ما ادري المهم وسوسة وانا جالس بالشقه بين اني مسروق او اني مضيع فلوس المهم المبلغ الي ناقص كان من الفلوس المغربيه والفلوس السعوديه الف ريال الفلوس المغربيه ماني عارف كم نقص المهم قلت ابي اعد الفلوس عديت الفلوس طلعت 18000درهم مغربي والفلوس السعوديه 4000 ريال اخذت من الفلوس المغربيه 3000درهم وطلعت لسهره انا وصديقي الي كان مسافر معاي يعني باقي بالصندوق الي هو التجوري 4000 ريال و15000درهم طلعنا سهرنا الساعه1 الفجر ولما رجعنا الساعه 4 الفجر اول ما دخلنا الشقه اتجهنا على الصندوق نشوف الفلوس لقينا كل شي تمام فتحنا الصندوق لقينا الفلوس المغربيه ناقصه 1400درهم والفلوس السعوديه ناقصه 500ريال فقلت لصاحبي احنا ننسرق كل يوم من حرامي محترف جدا ومعه مفتاح الشقه ويعرف يفتح الصندوق المهم قلت لصاحبي الحين فجر خلنا ننام وبس نصحى نكلم السواق ويجيب لنا المسؤول عن الشقه فعلا ثاني يوم كلمة السواق وقلت له تعال عندي مشكله وكلمة الشغاله مع العلم ان الشغاله الساعه 8 مساء تمشي جاني السواق وكلمة راعي الشقه تلفون عن طريق الشغاله وعلمته بقصتي كامله وقال لي بس افضى بالليل اجيك وكان يكلمني بكل برود ففكرت قلت اشتكي ما راح استفيد لكن انتبه على باقي الفلوس لا انسرق بعد فكرت اني اغير السكن لقيت الدرقاوي فل المهم جاني راعي الشقه بالليل الي اسمه جمال مع العامل الي يشتغل عنده قلت له عطني حل انا انسرق عندك كل يوم ما عطاني أي حل وقال لي انا بالمستقبل راح امسك الحرامي قلت له تمسك مين الحرامي منكم وفيكم لانه معه مفتاح الشقه ويعرف متى اطلع ومتى ادخل عن طريق البوابه الزبده اخواني احذروا من النخيل ثلاثه سرقه من التجوري وتعامل سيء للغايه وعلى فكره حتى السواق الي اعرفه من اربع سنوات وكنت اقولكم انه رجل بمعنى الكلمه صار حرامي وما يودي زبائنه الخليجين الى على اماكن جديده فيها نصب وشكيت ان السواق مشترك معاهم اعلمكم كيف شكيت بالسواق بعد ما انسرقنا قلت له يا رشيد ثاني مره لا تجيب اصحاب لك لنخيل ثلاثه لان بتتفشل مع اصحابك لانهم راح يتعرضون لسرقه بعد يوم واحنا بالسياره اتصل عليه شخص كويتي صديق له ومتعامل معه طلبه شقه غرفتين قال له موجوده بالنخيل ثلاثه فلما سكر التلفون قلت له انت شكلك تسرق معاهم انا ما قلت لك امس لا تجيب احد عند الحرميه ذول فتغير وجهه وصار يصرف المهم انتبهوا ثم انتبهوا ثم انتبهوا من النخيل ثلاثه تراني منغبن منهم وتقبلوا تحياني واي شخص بيسئل عن موضوع النخيل ثلاثه ومصدقية كلامي انا جاهز

المشاركة الأصلية كتبت بواسطة احب السفر

اولا كل عام وانتم بخير شهر مبارك على الجميع

اخوي صاحب الموضوع الافضل الثقة الزايدة ما تنفع
الافضل ان لاتثق باحد لان الانسان مجبول على الطمع
قبل يومين استاجرت سيارة وكان الرجل قمة في الاخلاق والدين وكل شي بالادلة من الكتاب والسنة كان ملاك
خذا حتى من النصايح وتفقت معه على سعر 600 ريال اليوم الرجل جاء الي الساعة الحادية عشر وقال نروح نمشيك على اوريكا قلت اوك
رحن تمشينا ورجعناللفندق قلت حسابك قال هذا سعر واريكا الناس تروح لها المشوار 600 ريال قال اوريكا غير ومشاويرك داخل البلد غير قلت
انت تفقت معي على سعر 600 ريال في اليوم ولايحصل لك غيرها خذها وتوكل على الله حاول معي قلت دور غيرها اين الدين الذي تستشهد به
والنصايح الدينية كلها ذهبت وكلها من اجل الكسب يعمل نفسها ملك منزل من السماء يتباهى بالدين والخلق وهو بعيد كل ا البعد عنها
الشاهد في الكلام الحذر من اصحاب الكلام المعسول والحلو احذروا منهم

المشاركة الأصلية كتبت بواسطة square

مرحبا ..

وانت بصحه وسلامه..
حمدلله على سلامتك..
600ريال في اليوم !!!!!!
ولا 600 درهم تقصد

تحياتي ..