الحذر ثم الحذر من النخيل 3

السلام عليكم ورحمة الله وبركاته

الاخوه الكرام انا سجلت بالمنتدى بداعي اني افيد المزاعيط من تجربتي بالنخيل 3 النخيل 3 وليس النخيل بوابه 3 المهم انا من رواد مراكش يعني كل ثلاث اشهر اسافر اسبوع لمراكش وعندي بمراكش سواق قديم وكان رجل بمعنى الكلمه معاي ولما حبيت اسافر قبل اسبوع كلمته وقلت انا جاي لمراكش احجز لي الشقه بالنخيل طبعا السواق اعرفه من اربع سنوات يعني بينا عيش وملح المهم لما وصلت مراكش كان حاجز لي شقه بالنخيل 3 وكانت الشقه نظيفه المهم رحت صرفت فلوس الي هو تبديل عمله وباقي معاي عمله سعوديه المهم حطيت الفلوس بالصندوق وغيرت الرقم السري وكل شي تمام اكتشفت ان الفلوس ناقصه ثاني يوم وصرت افكر يمكن طاح مني فلوس في مكان وانا ما ادري المهم وسوسة وانا جالس بالشقه بين اني مسروق او اني مضيع فلوس المهم المبلغ الي ناقص كان من الفلوس المغربيه والفلوس السعوديه الف ريال الفلوس المغربيه ماني عارف كم نقص المهم قلت ابي اعد الفلوس عديت الفلوس طلعت 18000درهم مغربي والفلوس السعوديه 4000 ريال اخذت من الفلوس المغربيه 3000درهم وطلعت لسهره انا وصديقي الي كان مسافر معاي يعني باقي بالصندوق الي هو التجوري 4000 ريال و15000درهم طلعنا سهرنا الساعه1 الفجر ولما رجعنا الساعه 4 الفجر اول ما دخلنا الشقه اتجهنا على الصندوق نشوف الفلوس لقينا كل شي تمام فتحنا الصندوق لقينا الفلوس المغربيه ناقصه 1400درهم والفلوس السعوديه ناقصه 500ريال فقلت لصاحبي احنا ننسرق كل يوم من حرامي محترف جدا ومعه مفتاح الشقه ويعرف يفتح الصندوق المهم قلت لصاحبي الحين فجر خلنا ننام وبس نصحى نكلم السواق ويجيب لنا المسؤول عن الشقه فعلا ثاني يوم كلمة السواق وقلت له تعال عندي مشكله وكلمة الشغاله مع العلم ان الشغاله الساعه 8 مساء تمشي جاني السواق وكلمة راعي الشقه تلفون عن طريق الشغاله وعلمته بقصتي كامله وقال لي بس افضى بالليل اجيك وكان يكلمني بكل برود ففكرت قلت اشتكي ما راح استفيد لكن انتبه على باقي الفلوس لا انسرق بعد فكرت اني اغير السكن لقيت الدرقاوي فل المهم جاني راعي الشقه بالليل الي اسمه جمال مع العامل الي يشتغل عنده قلت له عطني حل انا انسرق عندك كل يوم ما عطاني أي حل وقال لي انا بالمستقبل راح امسك الحرامي قلت له تمسك مين الحرامي منكم وفيكم لانه معه مفتاح الشقه ويعرف متى اطلع ومتى ادخل عن طريق البوابه الزبده اخواني احذروا من النخيل ثلاثه سرقه من التجوري وتعامل سيء للغايه وعلى فكره حتى السواق الي اعرفه من اربع سنوات وكنت اقولكم انه رجل بمعنى الكلمه صار حرامي وما يودي زبائنه الخليجين الى على اماكن جديده فيها نصب وشكيت ان السواق مشترك معاهم اعلمكم كيف شكيت بالسواق بعد ما انسرقنا قلت له يا رشيد ثاني مره لا تجيب اصحاب لك لنخيل ثلاثه لان بتتفشل مع اصحابك لانهم راح يتعرضون لسرقه بعد يوم واحنا بالسياره اتصل عليه شخص كويتي صديق له ومتعامل معه طلبه شقه غرفتين قال له موجوده بالنخيل ثلاثه فلما سكر التلفون قلت له انت شكلك تسرق معاهم انا ما قلت لك امس لا تجيب احد عند الحرميه ذول فتغير وجهه وصار يصرف المهم انتبهوا ثم انتبهوا ثم انتبهوا من النخيل ثلاثه تراني منغبن منهم وتقبلوا تحياني واي شخص بيسئل عن موضوع النخيل ثلاثه ومصدقية كلامي انا جاهز

الفلوس عمت عينهم
الله المستعان

انقذتنا والله. لسه كنا مجموعة مسافرين الاسبوع الجاي وكنا ناوين ناخذ فلتين لان كان في ناس نصحونا بها. لكن دام الامور نصب في نصب وعصابات الله يكفينا الشر نروح مكان ثاني ابرك.

مرحبا..
حمدلله على سلامتك..
وفدا رأسك اصاحبي..
وزين أنك كنت فطن وما مرت عليك..
بس ياليتك شكيتهم كان تاخد حقك ونص..
وعفاك بغييت نسولك كرما ..
جمال الي تقصد له صاحب سميتو آمين؟
والشوفير رشيد معاه طوموبيل ابيض داسيا بنزين؟
تحياتي لك..

الله يسلمك من كل شر نعم له صاحب اسمه امين ورشيد الي اقصده معاه جيب هوانداي ابيض وشكرا على مرورك

مرحبا ..
العفو اصاحبي..
وجمال.. وأمين..
كثرت الملاحظات والشكاوي عليهم..
واستغرب منهم هادي التصرفات الحمقاء..
ما عليهم ناقص وميسوريين الحال !!!!!
ولكن لله في خلقه شؤون..
أما الشوفير لا أعرفه..
وراح أوصل المسج ديالك ل آمين وراح أقوله انت تخسر دابا الكليان أكثر من ماتكسب..
وسمعتكم دابا في الحضيظ ..
تحياتي..

اخي الكريم انا لا اعرف واول مره اسكن عنده لكن لو ماله يد بالموضوع كان استمع لي باهتمام وعرف كيف يطلع الحرامي لانهم كلهم عمال يشتغلوا عنده بس واضح من طريقة تعامله ان له يد بالموضوع وانا ما اظلم احد والله على ما اقول شهيد يعني كلهم بالهوا سوا كان جمال ولا امين ولا السواق وشكرا على مرورك

مرحبا ..
وأنا معك في كل كلامك..
ولا لي مصلوح من الموضوع برمته ..
انا بالعكس واقف معك في كل كلمه قلتها..
وقلت راح أوصله مسج ديالك من شأن يعرف أن الله حق. ويعرف أننا كاشفينهم ..
وادا ماتبي على راحتك..
تحياتي..

من خلال كلامك استنتج اللي سرق منك هو(سواقك الخاص).
عموما هم الفكره اللي عندهم ان((الخليجي ماله في وجع الرأس ويشتري راحته بالفلوس))عشان كذا اقولك قدم شكوى رسمية وشوف اذا ماانمسكوا من ثاني يوم.

سواقي له يد بالموضوع وهو شريك مع راعي الشقه الي اسمه جمال ولما تقول اشتكي لشرطه اساسا الشرطه يبي لهم من يشتكي عليهم لانهم للاسف عصابه وليس شرطه او درك انا مسميهم العصابه والسفاره بالرباط ويني ووينها واجازتي كانت قصيره اكتفيت اني كل ما اطلع اخذ معاي شنطة ظهر صغيره فيها كل اغراضي الشخصيه من فلوس وبطاقات وجوالات يعني بالشقه بس الملابس وربك يعين واحس اني بديت اكره السفر للمغرب من الي شفته وشكرا على مرورك