قآلوا ناس زمان ....

سمو المغربية · 2015-06-28T18:18:47+00:00

إيلا تكبر عليك شي عيفه قوله مايتنفخ غير الجيفه !! ماتربيش الكبده على بنادم .. ربي عليه المعدة باش إيلا ماصدقش تقياه فهاد الزمان ماديرش ﻵمآن سير بالنية ولكن ماتيقش فاﻹنسان اتبع طريق الرحمن واطلب الرحمة والغفران وإيلا تسد باب غايتحلو بيبان سد فمك ودير ليه عتبة اللي عاود ليك دابه ،، تجي نوبتك ويعاود عليك وهذاك اللي درتي فيه الثقه ،، منو تجيك الضربة الواحد هو اللي يبقى فصباغتو ماشي اتلون وقت مابغا مصلاحتو الراجل بكلمتو يتقاس ولد الحلال مايلعب ببناة الناس وبنت الناس مايغرها لامال ولا لباس الفاهم يفهم وللحديث قياس العشرة ماتباع ماتشرى ربي معانا والصبر دوانا واللي بغانا يلقانا لاتسول ف اللي هجرك ،، ولا تيق ف اللي غدرك لاتركع ولاتحنى ،، كون عزيز عارف قدرك وإيلا حسيتي براسك ف محنه ... بكي وسجد للي خلقك البشر ماعندو فاش ينفعك هاذي نصيحتي ونتمنى الكلام يوصلك تمشي اليوم غده ننساك ماشي انت تعيش حياتك وأنا يبقى بالي معاك القوالب مامعاناش !!!!! حبيبتو يهزها واخه تكون قد الفيلة وإيلا سخراتو أمه يجيب البوطه يقولها " ثقيله " مللي كنت ناشط كلشي كان مجموع عليه مللي بكيت حتى حد ماحس بيه.. غير ربي ووالديه ابعد من الهضرة اللي تدي وتجيب راه توصلك للعيب .. اللي قالك كانبغيك... ماتقلوش قداش؟؟ قوله " حتال وقتاش " ؟؟ ماتبكيش على اللي يكرهوك ابكي على اللي حسبتيهم احباب وغدروك وفوقت الشدة باعوك ونكروا العشرة ،، وخانوك اللي تربات على يدين الرجال مايغرها لا زين ولا مال ... إلا كنتي ناوي دير شي حاجه وقلتيها للناس ها وجهي إلا صدقاتلك ! السعادة ماشي هي الفلوس والقصور والمال قرب من الله ،، وغاتعرف مذاق راحة البال اللي كايخاف على امه واخته وداير بنات الناس لعبه باش يضيع وقتو دابه يدور الزمان وتجيه نوبتو غادي يعطيه الله على قد نيتو يحصل مع شي مسخوطه تفرتك ليه تريكتو قلبي صافي واللي بغاني يلقاني رهن اﻹشارة واللي ماعجبتو نفقسو ونفركع ليه المراره الفم مابقات فيه حتى سنه ومابغى يتهنى سولوه : آش خاصك أ الشارف الهرارف ؟؟ قالهم : بغيت العزبه مولاة السوالف(الشعر الطويل) عيش بقيمتك ولا تكمش حدا ميمتك !! سعداة اللي عايش داخل سوق راسو وخايف ربي فزمان الضحكه فالوجه والسم فالقلب مخبي... وسخ الدنيا هو بنادم.. أما الفلوس ماشفنا منهم غير الخير حتى واحد ما " سيليباطير " (لوحده/ أعزب ) كولشي صاحب حاجتو شحال من واحد كاتشوفو من بعيد كاتقول هذا قلبه من " ذهب " ومللي تقرب ليه تلقاه " أبو لهب " شي بنادم داير بحال الطوابع البريديه كل ما [ بصقتي ] عليه [ يلصق ] أكثر !! اللي حسدنا عمرو مايوصلنا ،، واللي عاشرنا ديما يتفكرنا ،، الزين خليناه ليكم ... عندنا العقلية الصعيبة عليكم !!!

سمو المغربية

قآلوا ناس زمان ....

المشاركات: 30,536

تاريخ التسجيل: Mar 2015

الدولة: Agadir

2017-08-14, 06:33 PM

المشاركه #1

اقتباس:

المشاركة الأصلية كتبت بواسطة مراكشية doc

للتذكير فقط الصفحة للامثلة القديمة ...ههههههه اعذروني يا المراقبين

هامولاة الصفحه جاتكم هههههه

اللي هيا نحن احم احمممم

__________________
كلآم الناس بالنسبة لي ،، مكآلمة لم يتم الرد عليهآ ..!!!

فطوم مراكش 1

مزعوط خبير

المشاركات: 20,506

تاريخ التسجيل: Aug 2015

الدولة: مراكش

2017-08-14, 07:48 PM

المشاركه #2

اقتباس:

المشاركة الأصلية كتبت بواسطة سمو المغربية

هامولاة الصفحه جاتكم هههههه

اللي هيا نحن احم احمممم

عطيهم بروصي

__________________
سأظل أتنفس الأمل والتفاؤل وأضيء الكون بابتسامتي رغم كل شيء

سمو المغربية

قآلوا ناس زمان ....

المشاركات: 30,536

تاريخ التسجيل: Mar 2015

الدولة: Agadir

2017-08-18, 05:31 PM

المشاركه #3

اقتباس:

المشاركة الأصلية كتبت بواسطة فطوم الزهراء 1

عطيهم بروصي

كانحشم ههههههه

__________________
كلآم الناس بالنسبة لي ،، مكآلمة لم يتم الرد عليهآ ..!!!

اديب

مزعوط خبير

المشاركات: 8,352

تاريخ التسجيل: Sep 2010

الدولة: رجعتُ أدراجي أصيدُ من المنى حلماً أنام بأفـقـه متوهما

2017-08-14, 02:18 AM

المشاركه #4

اللي ماعندو مايشد .... يشد فمو

__________________

مراكشية doc

مزعوط خبير

المشاركات: 5,724

تاريخ التسجيل: Nov 2015

2017-08-14, 02:42 AM

المشاركه #5

اقتباس:

المشاركة الأصلية كتبت بواسطة adeeb31

اللي ماعندو مايشد .... يشد فمو

ههههههههههههه تعاديتي من شي ناس هههههههههههههههههه

اديب

مزعوط خبير

المشاركات: 8,352

تاريخ التسجيل: Sep 2010

الدولة: رجعتُ أدراجي أصيدُ من المنى حلماً أنام بأفـقـه متوهما

2017-08-14, 04:26 AM

المشاركه #6

اقتباس:

المشاركة الأصلية كتبت بواسطة مراكشية doc

هههههههههههه تعاديتي من شي ناس هههههههههههههههههه

تلحف بوزااار وجبت البلاء للدار

__________________

كنسل مواعيدك

مزعوط ذهبي

المشاركات: 1,443

تاريخ التسجيل: Aug 2016

2017-08-14, 03:44 AM

المشاركه #7

من شاف الغنى بعد فاقة يموت والفقر في قلبه هواجيس

__________________
كيف يارب ندير من الي خلتني بحال خطير

المسموم ١

مزعوط مميز

المشاركات: 355

تاريخ التسجيل: May 2017

2017-08-14, 04:31 AM

المشاركه #8

ماتاخدش من الأقرع نصيحه......
اكملوا المثل

شموخ كازا

موقوف

المشاركات: 22,580

تاريخ التسجيل: Jan 2017

2017-08-14, 05:11 AM

المشاركه #9

اقتباس:

المشاركة الأصلية كتبت بواسطة هاه عرفتوني

ماتاخدش من الأقرع نصيحه......
اكملوا المثل

متخدش من الاقرع نصيحة لو كان ربنا بيحبه كان خلي راسة صحيحة

سمو المغربية

قآلوا ناس زمان ....

المشاركات: 30,536

تاريخ التسجيل: Mar 2015

الدولة: Agadir

2017-08-14, 06:02 AM

المشاركه #10

ماتمشي غا فينما مشاك الله هههههههه

يا لبيييييه

__________________
كلآم الناس بالنسبة لي ،، مكآلمة لم يتم الرد عليهآ ..!!!

المواضيع المتشابهه للموضوع: قآلوا ناس زمان ....
الموضوع	آخر مشاركة
من زمان عن البحرين	2025-08-29 09:51 PM
مكة المكرمة زمان	2017-11-20 03:09 AM
مراكش زمان	2016-08-21 09:04 PM
حب زمان	2011-05-07 06:44 AM
قالولك ناس زمان	2011-04-19 05:11 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

قآلوا ناس زمان ....

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)