مجمع بابليون

سكنت فيه العام الماضي وواجهت عدة امور اسردها لكم
المسؤول عن هذا المجمع اسمه يوسف متغطرس وتعامله سيئ
لايقبل الا الدفع النقدي فقط لا فيزا ولاغيرها!!
اذا استأجرت يرسل معك احد الموظفين بزعم انه يوريك الشقة وهو يقبض الإكرامية الجامدة
الشقق لاتستحق قيمتها اثاثها عادي جدا وفيها نواقص كثيرة
ماتاخذ راحتك بالليل حتى لو كان الصوت معتدل ينبهونك انك تقصر الصوت بحجة ازعاج السكان
في البوابة يتجمع مالايقل عن خمس بوابين كلهم عيونهم على جيبك
اخترعوا علينا في احد الليالي سالفة المداهمات من الدرك وهي حيلة ابتزازية

انا سكنت فيه وش سالفه هالسلم الي كل شوي تنط عشان تروح الاستقبال

ياخوي وش جابرك فيه شوف غيره ولا تعطيهم وجه فيه ناس ترا هناك لازم تكون جدي وحازم معاهم شوي اما تسوي طيب ومسكين والله انك بتروح فيها من اول ماتشوف الوضع مااعجبك اسحب عليهم وعطهم الخامس وشوف لك سكن ياكثر الشقق الصاده عن العيون وياكثر المنتجعات المحترمه لكن لابد وان تكون انت بالاول حريص وواضح بكل شي ولا تدفع الا للي يستاهل وبمزاجك واللي مايعجبك ناظر له بنص عين وخلك رسمي بكل تعاملاتك من البدايه وامورك تمشي تمام التمام


.

هههههههههههههه ذكرتني بواحد جاك مدحدر من فوق السلم

مشكلتنا قلة المجمعات السكنية اللي تناسب جونا كخليجيين فنكون مضطرين للسكن في هالاماكن وتقبل سلبياتهم ،بس فيه اماكن مثل هالمجمع مستحيل تاخذ راحتك فيه

لا وانت الصادق لكن مشكلتنا احنا الخايجيين اذا عرفنا مكان صعب نغيره خوفاً من الاسوء وندمره بتصرفاتنا نن بخشيش وتملق للاستقبال او اشخاص اخرين لاجل مايسمحوا لنا بتدخيل اشياء اخرى ولا يدري البعض انه جالس يدفع من جيبه مافيه شي ببلاش فلهذا كفانا سلتحه وهياط ولنعرف كيف نتصرف من البدايات انا وضعي كذا وكذا اوكيه اوكيه لا السلام عليكم واللي بعدو لو قلت لي مافيه اماكن تناسبنا كخليجيين اقولك لو تسكن بأي مكان قفل بابك عليك واي واحد يدق عليك قوله نعم وش عندك لا عاد اشوفك هنا وكلم اللي استاجرت منه وقوله كان الاتفاق كذا وصار كذا لو تكرر هالموقف سوف اطلع من السكن لكن لا تدفع اكثر من يوم يومين وتتورط لا جيت بتطلع من السكن وبالتوفيق

.

وانت ملزم تعطيه اكراميه اسحب عليه ولا عليك بوجهه الاجراميه تدفعها عن طيب خاطر ماهي فرض عليك

اي والله هذاك السلم عنده ذكرياات

__________________
سأظل أتنفس الأمل والتفاؤل وأضيء الكون بابتسامتي رغم كل شيء

مشكلتنا في الضيوف والبوابين يستقعدوا لهم ويضايقوهم اما لو ندفع لهم حق قهوتهم يسكتوا عننا هذا سبب اننا نتمسك ببعض الاماكن اما اني اغير السكن كل يومين والله صارت شغله ادفع وخلاص اشتري راحتي خاصة لو السفريه اسبوع واقل مافي وقت للتجربه اما لو كنت بجلس اكثر من اسبوع ماراح ادفع اكثر من ايجار يومين ومن اول ليله والضيوف رازين نفسهم عندي عشان اجرب السكن واجرب تعامل البوابين معاهم ومعايا


تم الإرسال بواسطة iPhone بإستخدام مزاعيط المغرب

فرص السكن الامن تتناقص يوم بعد يوم