حفظ البيانات؟ هل نسيت كلمة المرور؟ تسجيل عضوية جديدة

أكادير وما حصل فيها

sdamah · 2015-08-13T01:16:59+00:00

بسم الله الرحمن الرحيم بعد زيارة مراكش جاء في رأسي زيارة اكادير والمشكلة كنت مواعد خويي نسافر لاوروبا قلت له وش رايك نجلس في اوروبا ثم نتلها للمغرب قال انا دول عربية بطلت !!!!!! قلت طيب وقت الرجعة ارجع للرياض و أنا ابروح للمغرب قال خلاص بطلت سفريه روح لحالك !!!! قلت له لاجل عينك تتنيل المغرب لكن مش من قلب هههههههه سافرنا لاوروبا وجلسنا 14 يوم وكنت حاجز للمغرب على طيران الاماراتية بعد وصولي للرياض ب 9 ساعات قلت ممكن يحصل تأخير في ألمانيا الاحتياط واجب وصلنا للرياض وعند الجوازات صارحته وقلت له تراي مسافر بعد 9 ساعات للمغرب ابجلس في المطار وقام يتشره ليش ما رحت من ميونخ وليه و ما ليه قلت له انت خوتك تنشرى ولا ودي ازعلك المهم تعدينا الجوازات وصلنا سير الشنط وصلت شنطته خذها و مشى وانا انتظر وانتظر ويوقف السير وشناطي ما طلعت وش العلم وش الخبر قالوا شناطك في اسطنبول لاني كنت جاي من ميونخ على الخطوط التركية ترانزيت اسطنبول قلت و الحل قالوا تجي بكره و تاخذها حنا راسلناهم ويبي يجيبونها قلت انا عندي رحلة للمغرب وابي الشنطة قالوا فيه رحلة جايه من اسطنبول بعد 6 ساعات قلت انتظرها والله ويجلسوني عندهم الله يجزاهم خير واشحن جوالي وادخن في مخبأهم السري هههههه بعدها وصلت الرحلة و وصلت شناطي لا عادتها من خطوط واطير لكونتر طيران الامارات واشحن شناطي واجلس افطر و اتقهوى ركبنا الطيارة ونزلنا دبي ترانزيت 3 ساعات الظاهر واخذ لي عصاير ويحطونها في شنطة وبسم الله لكازا كنت مكلم مكتب اجار سيارات هناك عاملته كم مرة وكنت حاجز عن طريق المؤيد في اماديل 10 ايام وصلنا وكان الوقت 12 الليل وكنت معطيها وضعية النور الصغير ههههههههه ختمت جوازي وانزل للسير واكلم واحد يركب شناطي لان ما فيني حيل و بسم الله على الجمارك ما فيه تعويذه ما قلتها دخلت الشناط السليمة ومشت الشنطة المشبوهة اشوف السير يتقدم ويرجع ما طلعت!!! بعدين قال من له الشنطة ؟؟؟ قالت بابتسامه بالعيون أنا مع رفعة يد ههههههه قال تعال افتحها وافتحها له قال وش هذا ؟؟؟ النظام لك واحدة وانت كم جايب قلت منك السماح ولا نتعودها هههههه < متعود على ربعنا , قال كم حبة ؟ قلت اصبر وادخل يدي واعطيه زرقاء ديالتهم هههه قال زيد انت معاك 6 هههههه واعطيه زرقاء ثانيه وكان وضعي ابي الفكة بس واطلع واشوف راعي الايجار يبتسم لي يقول حمد لله على السلامة قلت اذا ركبت السيارة إلى الان الوضع مش طيب واحاسب راعي العربية واطلع للسيارة وكانت ألنترا واطالعه بعين مقفلة قال صاحبي هاي 2015 واعطيه ابتسامة القبول واركب قلت له الحين ما معي فلوس اذا رجعت عطيتك قال صافي لا أخذ لا فلوس الايجار و لا تأمين ميت من الجن عشرة ذاك اليوم ههههههه واطلع على اكادير وكنت فيني نوم لدرجة بغيت اصدم اربع مرات وانا اللي اوقف في محطة وانام لين 5 الفجر نمت حوالي 3 ساعات كنها اربع ثواني تعب من ميونخ ما نمت (: وكملت طريقي و وصلت للفندق وكان واحد في الاستقبال يسد النفس .... وللحديث بقية

ابو يامن

مزعوط مبتدء

المشاركات: 34

تاريخ التسجيل: Sep 2015

الدولة: الدمام

2015-11-01, 11:51 AM

المشاركه #1

السلام عليكم

تقرير حلو وباين عليك استانست كثير الله يسعدك
فككت صواميل ذكرياتي القديمة ( زمن الطيبين) وتمنيت ان ازور اغادير ونجدد الذكرى

تحياتي

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: أكادير وما حصل فيها
الموضوع	آخر مشاركة
فاس.... وش فيها	2018-07-28 06:38 AM
فكر فيها	2016-12-13 10:26 AM
قصص فيها حكم ..	2012-02-27 05:12 PM

الساعة الآن 11:29 PM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

أكادير وما حصل فيها

روابط سريعه