كلنا فاسدون ... !!!!!

سمو المغربية · 2015-08-13T21:02:09+00:00

جوج شباب مجمعين : واحد فيهم قال : أجي يا ..مافهمتش كيفاش كاينين أماكن ومدارس كايمنعو دخول المحجبات.. وا عنصريه خايبه هاذي !! صوت جاي من جنبهم قال : ياك ديما كنتو كاضحكو على العزي مول الزريعه فالسيكتور وكاتقولوا ليه " الحرطاني " .. غا دابه اللي بانت ليكم العنصريه ؟؟!! بنت واقفه وراهم قالت : غا قبيله شفتي واحد كايتحرش بيا ومدخلتيش بيناتنا .. علاش كاتدخل فهضرة بيناتهم ؟! واحد خونا فالشرجم(النافذه) اللي فوقهم قال : كايتحرشو بيك حيث انتي لبسك معيق وحيث باينه أخلاقك كيدايرة .. علاش إذن تلوميه على عدم أخلاقو وأنه متطفل صوت راجل من الشرجم اللي جنبو قال : وانت دابه نيت جاري على مراتك وجايب صاحبتك للدار .. آش داك تهصر على فشي أخلاق !! واحد خونا تحت الشرجم قال : وانت نيت مكرفص(متعدي على) مراتك ومعيشها القهرة وقاتلها عصا .. علاش كاتلومو أنو كايخون مراتو ؟!!!!! واحد السخطه فالدرب قال : ياك حتى انت نهار كنتي فالمخزن (رجال الشرطه) ولابس اللبسه (لباس الشرطه) كنت كاتشبع بنادم عصا ..مالك بقا فيك الحال (زعلت) ؟؟؟!!! واحد حداه (جنبه) فالطريطوار (عالرصيف) قال : ياك حتى انت كاتضل توقف على بنادم وتبراكيه (توقفو) وتكريسيه (تسرقو) .. علاش بقاو فيك (صعبوا عليك ) إلا كلاو العصا؟؟ واحد دايز (مار) قال : ياك حتى انت كاتشد عندي الرشوة باش تقاد ليه الوريقات .. مالك بقا فيك الحال إلا كريساهم ودا ليهم فلوسهم ؟؟!!! مرأة واقفه فالجهة اﻷخرى فالشارع : ياك انت أصلآ كنت كاتقاد اﻷوراق غا باش تاكل بيها رزق اﻷيتام والفقراء .. علاش كاتهضر على الظلم ؟ دري (ولد) جنبها قال : ياك انتي أ ماما دخلتيني بزز مني (بالرغم عني) لكلية أنا ماباغيهاش .. آش داك تهضري على الظلم !!!!!! واحد ماشي من هنا .. غير دايز (مار بالصدفه) قالهم : أصلآ كلكم رعاوين .. علآش جالسين مبرزطين لينا ريوسنا ؟؟!!!!! # كلنا _ فاسدون ... !!!!

اوكي توكي

كلنا فاسدون ... !!!!!

المشاركات: 3,235

تاريخ التسجيل: Mar 2012

2015-08-14, 02:16 AM

المشاركه #1

برافو صاحبة السمو وبرافو للكاتب الأصلي هههههههه فكروني بمسلسل ناس الحومه
انا عن نفسي عجبوني ولو كنت واقف قدامهم كان نزلت لهم مشاريب على حسابي يستاهلو طلعو المصايب كلها وكانهم قدامي - بس هذاك الشاب اللي في الأخير ماعجبني وماراح انزل له قهوه حيت داير البساله مع امه ماكيهدرش معاها مزيان بنزل له الفلقه ههههههههه
فعلا سيناريو رائع وهادف - سلمت يداك بنت اقادير

سمو المغربية

كلنا فاسدون ... !!!!!

المشاركات: 30,536

تاريخ التسجيل: Mar 2015

الدولة: Agadir

2015-08-14, 11:29 AM

المشاركه #2

اقتباس:

المشاركة الأصلية كتبت بواسطة اوكي توكي

ههههههه ربي يسلمك ويحفظك وينجيك .. أسعدني مرورك

__________________
كلآم الناس بالنسبة لي ،، مكآلمة لم يتم الرد عليهآ ..!!!

المواضيع المتشابهه للموضوع: كلنا فاسدون ... !!!!!
الموضوع	آخر مشاركة
كلنا عشاق لكن	2017-03-17 04:38 PM
جسم زوجتك من حقنا كلنا نشوفه	2014-10-06 10:57 PM
كتاب أينشتين والنسبية(مصطفى محمود) كلنا سمعنا بهذه النظرية لكن القليل منا يفهمها	2012-08-23 04:04 AM
أكيد كلنا سمعنا عن حورية البحر لكن هل سمعتم عن حلوف البحر	2012-05-02 05:02 PM
كلنا رشيد نيني …حتى لا يدفع وحده فاتورة فضح لوبي الفساد	2011-06-01 03:11 AM