استفسار شراء عقار في مراكش

السلام عليكم ورحمه الله وبركاتة

حبيت استفسر عن العقار في مراكش

اذا حبيت اخذ شقه غرفتين او ثالث غرف
في المنتجعات مثل الدقاوي و الفيلاج مراي
وغيره من منتجعات شنو الطريقة
وكيف وضع الاجراءات هناك واتمنا جرات قانوانيه

وكيف اقدر استثمرها معه مكتب
يقدر يضمنها لي ويجيني مدخول شهري
او اني انا امسكها واجرها

يريت احد يفيدني في هلشغله واكون شاكرلكم

نسيت اذكر امور الضريبه وهاذي الامور ابي تفصيل كامل للي عنده خبره

مرحبا الورد

عندي صديق اشترى شقة بمراكش خلف كافيه بيانكو اللي بطريق اوريكة،،
المكان جميل ، منتجع جديد وقريب من المدينة،،
المهم ،، في فرق اذا كان المشتري مغربي أو أجنبي من جانب السعر، عندهم رسوم تفرض عالاجنبي،
صديقي سجل العقار باسم زوجته المغربيه ولمدة خمس سنوات يقدر يحول الاسم لإسمه من خلال (الموثق). والموثق هو المسجل العقاري القانوني عندنا وهذا اهم شي اتسويه لانك بتكون بالسليم طبعاً،،
والاستثمار موجود سواءً شهري والاسنوي او يومي من خلال شركات العقار هناك وانصحك بالشركات اللي اصحابها اوروبيين؛)
بس في شي حطه ببالك ان فوائد ومدخول استثمارك بالمغرب يبقي بالمغرب وماتقدر اتطلع فلوسك من المغرب وهذا قانونهم،،
هذا اللي اقدر افيدك به والشباب ماراح يقصرون،، وتحياتي لك

اولا اشكرك علي تفاعلك وردك الجميل
يعني الي فهمته لزم اكون متزوج من مغربيه
عشان اموري تكون في السليم

ثانيا كيف مدخول الاستثمار ماقدر احوله لبلدي
اي عمله بلدي وادخاله عن طريق البنك بالمغرب
او الشركه ترسله لي

ثالث وين احصل الشركات الي تستثمر لي الفلل
كل الي حصلتهم مغاربه او خليجيين

رابع هل تنصحني في الاستثمار بلمغرب ولالا

شكرا لك

هلا الغالي،، ولايهمك انت تآمر أمر.،
بخصوص تحويل الأموال من المغرب للخارج صعب أو بالأصح مايصير،، عندك حل واحد بس الا هو انك تفتح حساب هناك وعندك بطاقة إئتمانيه وتسنتخدمها برا المغرب،،والشي هذا مايناسب اي مستثمر!
والفلوس اللي اتحولها للمغرب ماترجع ، هذا الشي مهم ولازم تعرفه،،
البلد اعتماده 30% عالاموال المحولة من الخارج،
بالنسبة لشركة العقار اللي تستثمر واتأجر الشقق او الفلل ماعرفها بالضبظ بس تقدر اتروح بمراكش مثلا، في شركة خلف قصر المؤتمرات تقريبا وبعمارة جديدة مااذكر اسمها ، قالي واحد من الشباب انهم زيننين،، وبالنسبة لصديقي اللي استثمر هناك سلمها للمطور نفسه صاحب المنتجع وريح راسه من الصداع وكل شي بعقد موثوق مضمون،،
على طاري ان الاستثمار بالمغرب ينفع او لا،، الشي هذا راجع لك،،
اذا انا كنت ناوي اقضي وقتي الباقي من حياتي الحين او عقب التقاعد بالمغرب والميزانية موجودة، ما راح اتردد ولا ثانيه والفكرة براسي موجودة والمغرب بلد جميل وانت عارف،،
والسموحه عالقصور؛)