قيمة البنزين بالمغرب ؟

القطار والباص متعب عموما ياfindi
الخيارات الافضل اما طيران او سيارتك وتمشية حلوة توقف لك وقفة بكازا او القنيطرة وتكمل ...متعة القيادة بالنهار والتوقف اذا بغيت باي ديرة تعجبك .
رحلة موفقه وصباحك ورد

وصباحك اسعد ياابوصلاح وانا افضل التمشية بالسيارة لاني جربتها من كازا لطنجة لكن مع سواق وبصراحة استمتعت وودي اجرب المغرب بجولة كاملة
وشكراً لكم

جربها بدون سواق
وراح تعجبك وكل يوم ديره
اعلمك وش فايدة السياره وانت اللي تسوقه
انا يوم العيد نزلت من تطوان النيه القنيطرة وانا بالرباط ليله ثم ليله كازا
بس بلحظه تغيرت الخطه يوم شفت الرباط مييييييته يوم العيد كل شي مسكر
قلت قدا كازا ومير اهوجس وانا بطريق الرباط كازا وافتح قوقل ماب واشوف كم تبعد مراكش واثرة قريبه ميتين وسبعين قلت بس ساعتين وانا به ودوووووس مراكش وانا ليله واقوم الصبح قلت خن اشوف ساحة الفنا وقدام واخذ لي جوله عليه وعلي مراكش تقريبا ثلاث ساعات تصير الساعه 12الصبح
وقداااام اكادير واجلس به ليله واحرك علي كازا واتغدي بالطازج وقدام مطار محمد الخامس واسلم السيارة
انا اقولك هالسالفه حتي اعلمك ان السواقه بالمغرب ابسط من السعوديه والسيارة بالمغررررب هي ثلاث ارباع المتعه بالسفرة كله
وسفرة سعيدة مقدما

صبحة بالخير ابو صلاح
بس والله ياهم نهب قروش الطرق السيار من اكادير الي كازا
164 درهم
بس بصراحة طرق حلوة وزفلت صح
ومحطات ودك كل شوي اتوقف بهن من زينهن

الله يصبحك بالخير يابندر.
ماشاء الله عليك يابندر رحالة لفيت من الشمال للجنوب وجوك حلو.
والطريق السيار كنه منشار طالع دافع نازل دافع ولكن اللي يعجبك انه على الجميع والتسعيرة واضحة ومبينه ولافيه تلاعب .
بخصوص الدرك عطه100 درهم وتخب عليه بعد في حالة كنت مخالف طبعا.

علي طاري مافيه تلاعب
مره وانا بالفنيدق
دخلت سوقهم اسمه المسقوف علي مااعتقد
الشاهد اني شفت واحد يبيع زبيب وبرقوق وغيره اخذت منه يوم جيت اباخذ قالت وحدة تبي تشري برقوق نص كيلو بكم قال خمسة دراهم
يوم تكلمت وعرف اني ماني مغربي قال عشرة ومير تنط عيوني بجبهتي قلت توك قايل للمره بخمسة والا عشان عرفت ماني مغربي دبلت السعر
بس تبون الصدق المدن اللي مايزوره الخليجين كثير مايعرفون عن السعودية الا مكة المدينة
بصراحة حز بخاطري عرب ولا يعرفون شي عنا