أرتفاع اسعار السكن بمراكش هل من مبرر؟؟

بحسب خبرتي بالعمل ٥ سنوات بادارة الفنادق اقولك ليش الاسعار مرتفعه

الحين اي منتجع او فنادق عندهم اسعار للمواسم واسعار لغير المواسم.

والمعلن هنا بالمنتدى ضامن زباينه من المنتدى وطلب عليه كثير يعني السنه كلها عنده موسم.

يعني لو تروح لاي منتجع غير معلن بالمنتدى تلقى سعره غالي بالموسم واسعار رخيصه بغير المواسم.

واكبر دليل على كلامي روح شوف اسعار الفنادق بالغير المواسم بوكينق تلقاء سعرها ثابت، روح خذ اي رقم الفندق من بوكينق واحجز عندهم بالاتصال تلقى اسعارهم رخيصه.

زياده اسعار الفنادق والمنتجعات سلاح ضدهم لانه سوف يغري المستثمرين بفتح منتجعات اخرى منافسه للاستفاده من الارتفاع حتى يصلوا لمرحله التشبع ومن ثم الفائض وبالتالي يكون العرض اكثر من الطلب وبالتالي سوف يتانافس المستثمرين بتخفيض الاسعار و ربما تعود الى اقل من السابق بسبب فائض العرض وقله الطلب

__________________
اللهم صل على محمد وعلى آله وصحبه أجمعين

الاسعار من موسم لي موسم تختلف
يعني في الصيف ترتفع والشتاء تبدا تقل

اولا الغلط فينا لان البعض منه مايعرف اماكن و منتجعات غير كم منتجع ومكان محدودد واهني يشوفون نفسهم علينا ويرفعون الاسعار

الاماكن كثيره والنفادق والسهرات والقهاوي كثيره
والتجربه خير ب

تحياتي

قاطعووووو مراكش غيرت المكان من مراكش الي طنجة واغادير

المشكلة هم مايرفعوا وينزلوا السعر علشان نقول موسم هم كل سنة يزيد السعر ولا ينقص اما الفنادق معروف نظامها لها مواسم تنزل وترتفع اسعارها انا المجمعات بمراكش بزيادة
وشكرا للمشاركة

لو فية بدائل كثير مارفعوا السعر بس ان شاء الله يفتحون مجمعات اكثر لطرح التنافس وحنا المستفيدين
اشكرك للمشاركة

صدقت هي فية اماكن كثيرة بس ماهي نفس الجو والامان اللي عودونا علية في بعض المجمعات هم يخلقوا لك جو امان عشان ماتشوف غيرهم أما السعر كل سنة يزيد ماينقص خلال 4 سنوات ارتفع 3 مرات كان 1400 وصل الان اكثر من 2000 درهم
شاكر لك المشاركة

فيلا 6 غرف وسرداب ديسكو مجهز بكل شي
السعر 2400 درهم باليوم مع العساس والشغالة
فقط ارفع شعار يا غريب كن اديب ولا تزعج جيرانك .

يا إخوان فيه فنادق جميلة واسعارها ما تتعدا ٥٠٠ درهم باليوم ، ولضيفك افتح غرفة يطلع المجموع ما يتعدا ١٠٠٠ درهم باليوم ..

ليش رابطين انفسكم بالغلا وأماكن الإستغلال !!!

و لله الحمد ما عمري دخلت المجمعات السكنية ابدا ، و لا راح ادخلها ابدا
استغلال و ضحك على الدقون
و السايح الغبي هو الضحية