استفسار

السلام عليكم
انا مثلك رايح مع 2 من الشباب في نهاية اكتوبر وحاب استفسر عن بعض الاستفسارات بعد اذن صاحب الموضوع .
وش الافضل الدرقاوي او الروز جاردن؟
وش الافضل استئجار سيارة او ابحث عن سواق؟

من وجهة نظر الروز قاردن

بعده الدرقاوي النخيل

والافضل تستأجر سياره وتقودها بنفسك

لانك راح تكون حر الحركه وحفظ خصوصياتك

بالتوفيق

مشكور اخوي سهم لكن هذا اول سفره لي للمغرب ممكن يكون السواق افضل من ناحيت سرعة في التنقلات. على العموم كم اسعار السواقين لليوم؟

شي ثاني كيف اجيب رقم الدرقاوي ؟

من ناحيه سرعه التنقلات انت وش معجلك و استإجار سياره افضل و قوقل ماب مايقصر
رقم الدرقاوي مسجل فوق بتعليق الاخ العزيز عمر الفاسي
وتواصل مع الاخت بسمه

ان شاء الله تروحون وترجعون بالسلامة

فيه مثل يقول (حط فلوسك في الشمس وإقعد في الظلال)
من رأي انكم تسكنون واحد من المنتجعات يا النخيل الدرقاوي أو الروزقاردن (شخصيا أفضل النخيل الدرقاوي) لأن الوضع ما يسوى انك تواجه مشكلة في احدى الشقق اللي تكون خارج نطاق هالمنتجعين....صحيح ان هم اغلى من السوق لكن عند راحة نفسي وبالي يٌعتبر الغلا ولا شي


بالنسبة للسيارة انا شخصيا اخذ سيارة مع سايق طول السفرة ومريح راسي من السواقة اي حادث اي دعمة لا قدر الله انا اكون خارج الموضوع وطبعا افضل يكون سايق لان من الممكن اكون سهران بره او في مطعم ومن الممكن تكون حالتي ما تسمح لي بالقيادة حتى لو كانت عندي القدرة للقيادة....بمعنى آخر إبعد عن الشر وغني له

اتمنى اني اضفت لكم شئ جديد

كفيت ووفيت ي عمر بتواصل معهم والله يكتب اللي فيه خير

شباب اللي عنده رقم سائق خاص احتاجه لاهنتو

تواصل مع رشيد كار على الجوال رقم 00212661907390

وقوله أنك من طرفي والسيارة اللي تحتاج هو راح يضبطك

وبالنسبة للسواق اليومية حقته 300 درهم بالكثير هذا بخلاف

سعر السيارة اليوم وحسب نوعها وموديلها

__________________

اخوي عمر الفاسي الله لا يهينك ممكن رقم النخيل الدرقاوي

السلام عليكم
أسعد الله مسائكم جميعاً

أوجه التحية لجميع الااعضاء والقائمين على المنتدى صراحة مشاركات فاعله من الجميع نصائح وتجارب ليتني اعرفه من زمان

المهم يا اخوان انا ان شاء الله طالع يوم السبت القادم رحلتي توصل لى كازا الساعة ١ الظهر وهاذي أول سفرة للمغرب
والوجهه على اغادير

وابي أسالكم عن التنقلات من كازا الى اغادير وش الا افضل وكم كيلو تبعد اغادير

وعن الصرف العملة أفضل أصرف من السعودية ولا من المغرب لاني حصلت أرقام متفاوته

وبنسبة لشريحة الجوال أيش أفضل شركة
بخصوص النت

وايضاً السكن صراحة المنتجعات كثيرة
ولا ادري وش الزين فيها؟
أفضل احجز من بوكنج ولا من المكاتب السياحية

سؤال اخير كيف التنقلات في اغادير

من ناحية التنقلات تستأجر سياره ارخص وافضل وتحمي خصوصيتك وحر الحركه

المسافه تاخذ بالسياره قرابة 5 ساعات

صرف العمله الافضل من المطار

شريحة الجوال للنت الافضل انوي

وللاتصال اتصالات المغرب

السكن لديك الخيارات من الفنادق مثلث برمودا

او منتجع اسلان

او شارع الجيش

الحجز من شركات السياحه مثل المؤيد

اغادير صغيره والتنقلات بسبطه معك سياره او طاكسي

بالتوفيق