احدثكم من أغادير

عزيزي كمل بس لاتطولها لان الشباب متابعينك ومش عاجبهم اسلوب المسلسلات التركيه

الاصل بالسكين ويجوز استخدام الادوات الحادة الاخرى كالدرنفيس والقلم وغيرهما .

والله يا خوي لا مسلسلات تركيه ولا غيره انا اكتب عن طريق الايفون وتصير فيه اخطاء كثيره واحيانا بالغلط يمنسح كل اللي كتبته بالخطأ فأضطر ارجع اعيد من جديد وهذا ياخذ مني وقت

بعد شوية وقت رحنا تغدينا في المطعم الهندي ولمن جا الحساب طلعت الفاتوره 500 درهم واطالع المبلغ اللي معي ما يكفي طلعت بطاقة الفيزا قالي والله ماتحاسب ودفع هو المبلغ وقال بعدين ردهم لي واطالع فيه الحقيقه كبر في عيني وقلت في نفسي مين يسوي كذا الوقت ذا خصوصا من ذولا فاهمين قصدي والله لو غيره لو درهم مايدفعه قلت الحين هذا هو نفس الشخص اللي قال حنا تحت خط الفقر يسوي كذا وانا الصراحه خجلت من نفسي لا وازيدكم من الشعر بيت كان باقي اكل تدرون وش سوا طلب من الجرسون يحطه سفري وراح اعطاه واحد من الفقراء اللي جالسين بره سبحان الله شفو غنى النفس كيف وان الظروف تخلي الشخص يسوي شغلات ما وده يسويها الحقيقه انا ما فكرت فيها المهم قلت له بروح سكاي و افترقنا والوعد مخيطو الساعه 12:00 وانا امشي رايح لسكاي افكر في اللي سواه يعني انا ممكن اجحده وما اعطيه اللي دفعه ومتأكد اني لو سويت معاه كذا ما يقدر يسوي شي وهو نفسه يعرف هالشي ومع ذلك دفع وطول ماني قاعد في سكاي اشيش لا كلمت احد ولا جلست مع احد وافكر في اللي صار المهم جلست لين الساعه ٨:٣٠ ورجعت الفندق ودقيت عليه وقلت لا تتاخر وحطيت راسي ابي انام ولكن هيهات يجيك نوم بعد اللي حصل صرت افكر اغلب الوقت كيف اقدر اكرمه وادل له قلت في نفسي

عشان لاحد يتذمر باقي اخر جزء راح انهيه اليوم وسامحوني

مسموح يا الغالي بس نبيك تكمل عشان نعرف ليش عفت المغرب انا اشوف للحين كل شي
ماشي مضبوط ولا في شي يعكر المزاج بالعكس تحصل هالنوعية ترا الناس فيها الزين وفيها الشين.

كمل ياخووي.

قلت في نفسي بسوي له مفاجأه رحت مخيطو الساعه 12:15 وطاولتي جاهزه طبعا انا قررت ما عد اشرب لمن وصلت جاني الجرسون وقالي زي كل يوم قلت له لا اليوم بيجيني ضيف مميز وخلي الطلبات مفتوحه لحساب الضيف واي شي مميز و حلو جيبه لي قالي صافي زي ما انت عايز

بروكن اااوه انت شكلك صوفي من قبل ماتروح المغرب
صوفي يعني مالك في الخرابيط ونياتي , الله يكون في عونك

هنا بدأت قصة النحس والمعاناه مع الحظ العثر

صارت الساعه 12:30 واخينا ماجا صارت وحده برضه ماجا اتصلت عليه وانا مو من عوايدي اسوي كذا ان جا والا في غيره بس هو يستاهل العنوه كلمته قال عندي شغله اخلصها واجيك على طول صارت الساعه 1:30 والاخ ماجا الساعه 2:00 واخينا ما جا بدت تتوتر اعصابي ارسلت له رساله وقلت له الله يعكر مزاجك مثل ماعكرت مزاجي لا انت جيت والا اللي خليتني في حالي ارسل لي قال والله عندي مشاكل لكن انا جاي صارت الساعه 02:30 الا اخينا توه يشرف انا خلاص انعميت وصارت نفسي خايسه وصحت عليه وطلعت وانا في نص الطريق رايح الفندق نسيت احاسبهم رجعت حاسبت وطلعت ولمن وصلت الفندق تذكرت فلوسه دق هو علي وقلت له تعال خذ فلوسك اللي انت دفعتها بعد الغدا وصكرت ورحت اتلانتك وانتظرته هناك جا وعطيته فلوسه وحاول يتكلم قلت ما ابي اسمع شي لان الشياطين تتنطط قدام عيني واعصابي تلفانه قلت له تعال خذ اغراضك وروح عني جا خذاها وعلى وجهي و ع المطار قررت العوده لكازا ومنها للسعوديه ولو اضطر اني اروح درجه اولى

والساعه 8 وانا في المطار ولقيت رحله لكازا وغيرت التذكره لدبي بتاريخ ذاك اليوم

تعرفون المثل اللي يقول ( قليل البخت يطلع له في الكرش عظمه) هذا انا وسلامتكم وهذا سبب عودتي المبكره

والله انسدت نفسي من كل شي كل ما قلت هانت جد علم جديد