مفاجئة الشمري كار صباح هذا اليوم

اللي يبغى صورة من العقد يجي خاص ارسله ومن العيب التقليل من مصداقية الاخرين انا بغيت الفايده للاخوان وهذا المقصد.

وللمعلومية مااخذ مني الجواز ولا صورة منه

انا طالب أجار منهم وأخذوا مني صورة الجواز والرخصة

اخذو عن طريق الواتس نعم لكن عند الحضور مااخذو مني ولاشي

مرحبا ..

بالنسبه للجواز لا يحق ل كائن من كان أن يحتفظ فيه .. إلا صاحب الجواز نفسه

تحياتي ..

وافي يالمسافر نعم عن طريق الواتس

مشكورين على الافادة

__________________

الشمري كار يستحقون الثناء

انا استأجرت سياره من الشمري كار والحجز مسجل وسوى معي نفس الرجال بيض الله وجهه وماهي غريبه على ولد بلدنا وحجزت في الروز وتم تسجيل الحجز بعد ويشهد علي الله اني مابي من ورآه شيء لاكن كلام الرجال على متمه وأبو مالك ماشفت احسن من تعامله ومصداقيته وأسعاره ويكفي انه ولد بلدنا اما الي يجي يشكك في المصداقيه وعلى أساس اننا نسوي دعايه هذا ماعنده سالفه

يا اخوان صلو على النبي

الشي اللي نتفق عليه واللي نحسبه والله الحسيب ان كاتب الموضوع واللي ردوا عليه واختلفوا معه مقصدهم جميعا المصلحه العامه

طيب نرجع لصاحب الموضوع ولتعذرني اخوي المسافر انت طحت في نفس الغلط اللي طحت انا فيه يوم كتبت عن الشمري كار لاني ما ذكرت تفاصيل لا من ناحيه الموديل ولا قيمة الاجار .. وكان الاولى بك انك تذكرها من باب اننا نفهم بس وش اللي صار.. يعني عطني التفاصيل اللي لا منا قريناها نقول معاك حق الرجال نفعك ..مثلا تقول انه عطاني السياره الفلانيه اللي قيمتها مثلا ٣٠٠ ب٢٠٠ هنا نقول معاك حق.. على شرط يكون سعرها بالسوق ٣٠٠ او خل نقول ماحد يعطيك اياهاه ب٢٠٠ فهنا نقول بيض الله وجهه


ثاني شي يا اخوان الرجال ما اخطى عليكم بشي.. وش بلاكم طرتم فيه؟؟ اللي طلع الرجال يكذب في موعد الرحله واللي جايك جلد من بعيد يعزز له يقول في منتصف الجبهه لا والله وياخوك في منتصف الطياره.. والله يهديك مافيه داعي تسوي انك المرصد الجوي اللي تعرف كل الرحلات طلعوها لك الشباب وتعزيزك مالحقت من وراه الا انك تخجلت في الرجال وطلعته كذاب..


في موضوعي ذكرت ان الواحد يدور حسب مساحة البحث المتاحه له اللي هي تجارب اخوياه والمعلنين الرسميين والمكاتب اللي بالمطار


فاللي يقرون مواضيع الاعضاء اللي يتكلمون عن معلنين رسميين ومعتبرين ان الاسعار غاليه فياليت تفزعون لنا وتعلمونا من وين نستاجر سيارات بقيمة ارخص..


اما ان كان لك معارف او اقارب او مكتب تتعامل معه ويعطيك اسعار ارخص وهالمكتب وماهوب في المطار ولا بالمنتدى ولا انت تبي تدلنا عليه ولا يعرف دربه الا ثلاثه واحد مات وواحد فقد الذاكره ومابقى الا انت فكيف تبينا نوصل له،؟؟ الا لو كان الموضوع مجرد تفاخر انك تعرف تسنع امورك بالمغرب احسن من الاعضاء الي هنا.. فهذا شي ثاني..


ماحد لقى فلوسه بالشارع وكلن بيتعب لين يلقى الاحسن بارخص قيمه فياليت نتعامل مع بعض بطريقه اننا ننور بعض ونسنع بعض ماهوب نضحك ونتتريق على بعض تقول بزران في متوسط يتكلمون عن مباراة كوره...