حفظ البيانات؟ هل نسيت كلمة المرور؟ تسجيل عضوية جديدة

وصية عاشق إنتقل إلى رحمة الله ... ( مما راق لي )

سمو المغربية · 2015-11-15T17:14:49+00:00

(وصيةعاشق انتقل إلى رحمة الله) ظهرت هذه القصيدة بعـد سبعة أشهر من تاريخ كتابتها وهـي موجهه إلى حبيبته يشرح لها مدى معاناته مع المرض وسبب انقطاعه المفاجئ ، عـندما عـلم وتأكـد بخبر مرضه والأسباب التي جعلته يبتعـد ويخفي مرضه عن حبيبته رغـم حبه الشديد وتعلقه بها حتى آخر يوم في حياته بالمناسبة هذه القصيدة رداً عـلى قصيدة حبيبته التي لم يطلع عليها أصلاً والتي كتبتها بعد انقطاعه دون معرفة الأسباب مما دعاها إلى كتابتها وهي باسم : (من واقعي المجروح) والآن إلى (وصيةعاشق انتقل إلى رحمة الله) ..... من أفراش الموت أكتب لك ياحياتي وصاتي خلاص عمري راح وبدايته في موتت أعصابي وكلها أيام معدودة وينتهي العمر وتعلن وفاتي شهرين بالعناية تحت إشراف طبي وكلاً شقابي لا عـلم يجيني عنك ولا غيرك يهدي روعاتي وفي بُعدك زاد القهر ومن البكى طاحت أهدابي يا حيلة الله لأقدر أكلم ولا أدري وش السواتي أمر مقدر يا حبيبي ومقسوم الموت ينهي شبابي من زارني يحسب إني أبكي خايف من مماتي ما دروا إن غيابك هو اللي ذبحني وزود عذابي ودي أضمك لصدري وهذي والله آخرأمنياتي وما بين الرجى اليأس دعيت ألله يهـون مصابي أنقطـع حبل الأمـل واليأس حطم كل معنوياتي تساوت عندي الدنيا دام الأمل في عشرتك خابي لو تسألي قلبي وش اللي غيبني تجاوبك وناتي طايـح مريض مادريت عن نفسـي ولحداً درابي آآآآآه يا عمري الماضي وما بقى من سويعاتي لو تعرفين أش كثرولهان وقلبي من الشوق ذابي ياليت أرجع وأعيش معك ولـو بعض لحظاتي أبروي ضماي وأحضنك لين العرق يبلل أثيابي ما نو يتك بالجفى و يشهد الله أنك أنتي غلاتي حكم القدر أقوى قدر يبعدني عنك وهذي أسبابي تعذرت لك بالسفر للدراسة وغيرت جوالاتي قصدي أخفي عنك الخبر اللي منه الراس شابي ما أبيك تعيشين الألم وضيقة الصدر يا حياتي هـذا ما خلاك تبكين بوقته ودك تعرفين الجوابي ما كنت متوقع في يوم تكون هذي هي نهاياتي والحمد لله يوم كان أفراقنا ماهوزعل ولا عتابي والشكوى لله ما أقدر أتحرك حتى لو للصلاتي تأكدي يا بعد حيي وميتي هذي كل قصة غيابي تسري بي الذكرى لأيامك ثـم تخنقني عبراتي لا تذكرت مزحك ولعبك معي زاد الهم ولجابي كانت أيامي اكتابك واليوم انتهت كل صفحاتي من عاد له خلق يقرأ كتابً والدمع صار سكابي نهاري يمضي ما بين ذ وآلامي وآهاآتي والله لو تشوفيني ما تعرفيني مـن خبيث سطابي وكلاً أيس من حياتي إلا أهلي يدعون بشفاتي الزيارة كلاً بطل يجي وأقطعوني حتى أصحابي يا فـرحة أسنيني الماضية والساعات المقبلاتي هذي الحقيقة وما وجاك مني إلاصدق وصوابي وصيتي كتبتها وأرسلتها لك مع أصغر خواتي وقصدت أخرها لجل ما يفجعك خبر هذا الكتابي وأطلبي لي الرحمة يوم صرت بعالم الأمواتي وأعلمي علم يقين أني الآن مدفون تحت الترابي أرجوك أحرقي الرسائل واحذفي كل إيميلاتي خلاص ما للذكرى أي قيمه بعد كل اللي جرابي أرسلت مع الوصية جميع الصور والذكرياتي الله يسعدك بحياتك ويفتح لك بدل بابي ألف بابي وحسافة على حب ما أكتمل وانتهى بحسراتي هذا نصيبي يا نضرعيني ودعتك يا سيد أحبابي ومطلبي تكـفين تسمي أبنك الثاني على سماتي أبيه يخلد حبنا يـوم الله قسم لـي من الدنيا ذهابي وسامحيني إن جاك مني أي تقصيرولا زلاتي هذا أنا وهذي و صاتي ولا تقولي راح واسفابي يالله ياللي بقدرتك وأمرك أرسلت هادم اللذاتي إنك تحسن ختامي وترحم حالتي يـوم الحسابي الهم أعفو عني وأغفر لمن ملكت قلبي وذاتي ربي لا أسألك رد القضاء وأسأك اللطف بعقابي تحياتي لسموك تحياتي رغم الشقى ومعاناتي ودعتك الله يا أغلى بنت حبيته وداع ما له إيابي لا تبكي فأنا ما زلت أحبك وبكائك يعذبني في قبري >>>> ( من واقعي المجروح ) ........ ياللي زرعت حبك بـقـلبـي وعـنـي أقفيت وش غـيـر مزاجـك ولا لقيت لك جوثاني أول تـفـرح بشـوفـي واليـوم عـني تخليت مدري هـو ملل مني ولا قـصـدك تناساني وين كلامـك و يمـيـنـك لـي بحـامـي البيت تحلف إنك ما ودك تبتعـد عـني لـو ثواني أشوفـك عـلي قمت إتكبـر وبالصد تماديت وتعـبت أتغاضـى وأسجل في دفترأحزاني أثــري صيـده مـن صيـدك وعـليها تغديت خاب الـرجـى فـيـك يا مخيـبً كـل الأماني والله لو تعـتـذر فـي رجعـتي لك ما ضنيت ما كفاك الغـداء يالنـذل بعـد تـبـي تعشاني أناضـحـيـة غــرورك وياما عـلـي تعاليت يكفي تعذيب ومذله و كل يـوم منك أعاني لعنبو حيك قـلي وش اللـي بقـى ما سويت سلمت لك روحي من شي بقلبي لك دعاني فـرقاك لـي عـيـد روح منك تعـبت ومليت والعالــم الله إن قربـك وبعـدك ياما كواني ياليتني يـوم شفتك بالبـداية عـنك صديت ولا علقت قـلبـي بـواحد مثلك طبعه أناني ياما هنت نفسـي علشانك ولأهـلي تحديت ملبيه أمرك ثــلاث أسنيـن وعـليها ثماني ناس تقـدمـوا لــي عفتهـم وعـليهم تغـليت لجلك بقـيت أنتظـر شايـله حبك بـوجداني أنااشهد أني ثبت حبك بـقـلبي حيل تثبيت والحب من طـرف واحد شـوقً وحرماني ترى عـذاب الحب دايـم يفتت القلب تفتيت ومـن صابة عـذابه قال ياليت الله يتوفاني جرح الغـدر يجعـل ابن آدم لاحي ولا ميت ومـن جــرب الغـدر ميـزما نطـقبه لساني صحيح أنـي لا أول ولا آخـر وحـدة حبيت الحب شـي عظيم يسمو فـوق كل المعاني ولاخاب ضنك بالحـبيب اللـي به تهقويت يبقى ما بالعـمر بين الرجـى واليأس فاني صارعـمـري ثلاثيـن عام وفـوقه تخطيت حسبتـك ياخايـن العشرة حافـظ لي حناني حطيت نفسـي لعـبة بيـدك وفـينـي تسليت أستاهــل وملعـون أبـو حب لمثلك رماني الله حسيبـك ويــن مارحـت ويــن ما جيت شكـواي لله ينتقـم مـن اللـي بكيفه جفاني وعليك أبدعي ربـي كل ما ركعت وصليت أنه يصيبك بالهم قبل ما أبعـد عـن مكاني ضيعـت عـمري معـك وياما لقـلبي أدميت ياليـت الله فــي عشـرتـك وحبك ما بلاني الناس تـرقـد ليلها وأنا أسهــر ياما ونيت سؤال سألته لنـفسـي ليش أبتعـد وخلاني ياليتني فـي سابـق أيامي معـك ما تلاقيت ولا عرفـت أدروب الهوى معـك والهواني ودرب مشيته معـك منـه تعـلمـت وتربيت أن البعد عنك أرحم ما توقعته منك جاني لواحسايـف ما يـنـفـع كـلمة اليـوم ياليت وجرح جرحته أبتحمله على مالله قواني لوالندم ينـفـع كان بعالــي الصـوت ناديت أبعلنها للملأ خـلا ص نسيت اللـي نساني لاذكـرت اللـي مضــى هـوجست وسجيت وحنيت لامــي عساها فـي عالـي الجناني وينـك يا يمـه والله فــي حياتـي ماتهنيت ياليتك عايشه وتخففـي عـني سـر دهاني يارب تغـفـرلــي عـن ذنـوب فـيها تماديت طالبه عفوك ورضاك ياعـظـيم الأحساني ماخاب مـن يـرجـي رب كريـم بـه تقويت واللـي تبي الهداية عليها بالسبع المثاني والمـوعظة بقصتـي لوانـي عليكـم أبطيت نشـرتها يوم الله سبحانه لطـريقـه هداني نصيحتي كتبتها ولمصلحـتكم والله تمنيت البعـد عـن هذا الطريق من قاصـي وداني الحب الشـريـف يخسر مع نـاس عفاريت لا مل مـنك صـد وســوى نـفـسه زعلاني وبختامها وما ذكـرته مـن بيت ورى بيت والله ما يشفي غليلي لو يصيبك الجناني وأبعـتذر لكم يا هلي واللـي بحـقه أخطيت والخطأ وارد وهـذا كله ابتـلاءً وامتحاني وإعرف مـن تكون عـندي بعـد ما تعافيت أنت مجرد ذكـرى تافهـة وعالجها زماني ..

sultan555

مزعوط مبتدء

المشاركات: 45

تاريخ التسجيل: Jan 2015

2015-11-17, 02:36 PM

المشاركه #5

معا احترامي للكاتب لا كن القصيده يبيلها برفسور تجبير من كثر الكسور وركاكة البيت وعن نفسي ما اسميه شعر هذي سواليف وشكرا علي مجهودك

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: وصية عاشق إنتقل إلى رحمة الله ... ( مما راق لي )
الموضوع	آخر مشاركة
رثاء الملك فيصل رحمة الله	2013-05-13 02:08 PM
صور قاسية لبركان بلا رحمة	2012-03-27 07:05 PM
وصية حكيم	2011-07-16 02:53 PM

الساعة الآن 10:57 AM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

وصية عاشق إنتقل إلى رحمة الله ... ( مما راق لي )

روابط سريعه