مزعوط لمده ١٦ يوم برعاية الشمري كار

اخوي سلطان تحيه عطره لك

اللي ينزل السوق ويدور لسلعه يبغى يشتريها ويلقاها بسعر رخيص ويشتري بغالي فهذا يا مريض يا مسحور يا فيه بلا الله يرفع عنا وعنه



اما لما الواحد يدور وعلى قد مساحة البحث اللي اتيحت له واخذ فكره عن الاسعار وحاول انه يجيب اقل منها قد ما يقدر فهذا يعتبر سوا اللي عليه..

وانا مساحة البحث الي اعتمدت عليها ممكن تكون ضيقه كثير لاني اعتمدت على تجارب الاعضاء المعلنه في مواضيع المنتدى وحط تحت كلمة المعلنه خطين + المعلنين الرسميين + تجارب اخوياي اللي قد استاجرو من مكاتب بالمغرب..

صدقني مالقيت فلوسي بالشارع عشان اخذ شي ب٥٠٪‏ زياده لكن يمكن يكون طريقة تدويري غلط فاعذر جهلي وقلة خبرتي وانا اخوك.. لكن كان لازم اوصل والسياره قدامي لان الجدول مزحوم ومافيه مجال اضيع وقت للتدوير خصوصا اني ماعرف في الديره احد بهذا الخصوص..

الكلام اللي ملحه فيه

اذكر مشاركه لاحد الاعضاء وانه تواصل مع كذى معلن هنا عشان ياخذ رينج روفر ايڤوك وانه مالقى بالسعر اللي يبي واستاجره من مكتب بالمطار بيوميه ١٢٠٠ درهم لليڤوك ٢٠١٥وكتب موضوع كان فيه عاتب على المعلنين اللي تواصل معهم لانهم ماراعوه كونه عضو بالمنتدى واللي المفروض انهم يكونون ارخص من السوق..

تواصلت مع كذى معلن بالمنتدى وكلهم للامانه كانو قمة في الاخلاق.. وصلت معهم الى ١١٠٠ درهم باليوم لليڤوك ٢٠١٥..

بعد ما تواصلت مع ابو سيرين الرجل ماقصر معاي بحكم طول المده واعطاني ال ٢٠١٦ ب١٠٠٠ درهم..

الحسبه كانت على ١٥ يوم وانا زدت يوم والله ماكلمني فيه ولا طراه ويوم قلت له عنه قال فداك.. ولما كلمته عن حكات بالبودي قال لا تشيل هم شي لاني يوم استلمت السياره في المطار للامانه ما كنت مركز كثير بحكم تعب السفر وهذي غلطه مني مالي فيها عذر..


هل مافيه في البلد الا الشمري كار؟؟
هل قرئتم في هالموضوع يمين مغلظه ان الشمري هو ارخص مكتب في المغرب؟؟

طبعا لا

ولو لقيت ارخص من الشمري كار راح يبقون الاخوان عزاز وغالين لكن انا بادور مصلحتي في الاول والاخير


الزبده ان الرد صار اطول من الموضوع الظاهر ان لياقة المنتديات رجعت لي اييييييييييييه الله يذكر اتصال الدايل اب بالخير .. تكتب ويروح عليك اللي كتبته

جلطه



تحياتي للجميع

((((لما الواحد يدور وعلى قد مساحة البحث اللي اتيحت له واخذ فكره عن الاسعار وحاول انه يجيب اقل منها قد ما يقدر فهذا يعتبر سوا اللي عليه..)))) ردك دليل علي رقيك واخلاقك العالية مع تحية خاص ....الله يحفظك

ويحفضك اخوي سلطان مرورك اسعدني وياليت لو نقدر فعلا في كل المواضيع نفتح نقاشات تكون هاديه واسلوبها مثل اسلوبك الراقي المحترم..

ساعتها انا متاكد ان كثير من الاشياء راح ترجع لنصابها الصحيح

اشكر لك مرورك العطر

الغالي ابو حسان

الشكر لك على مرورك الجميل ..

دمت بود

شكرا على الطرح الجميل

__________________

بالتوفيق