كنسل على الرحلآت واصبر لين يجيك الخير ..

سوااح · 2015-11-22T14:13:11+00:00

عمتم مسائا يالمزاعيطيون هذا سلمكم الله واحدن له مده وهو يدور السفره للمغرب وشفقن عليها اكثر من اشغاله . وله فتره يبي يروح وكل مره تنلد بوجهه مره ظروف عايليه ولا مايلقاله خوي((مدري المشكله فيه ولا بخوياه :D المهم حدا الايام لقحت معه ولقاله خوي صمله وحجزوا التذاكر وارصدوا الميزانيه وامورهم ماشيه بالسليم ، واتفقوا قبل الرحله بيوم يتلونها للرياض ويحلقون ، ويوم بقى اسبوع على الرحله وهي تصيبه الحوبه ويزهم عليه رفيقه يتعذر (( ياقلب كل الندم وياعين هلي دموع طلع ماعندهه رصيد اجازه حاسبها خطأ واجازته باقي لها ثلاث شهور ، والله وخوينا يقفل من عنده وهو يصيبه الماحق ويركب سيارته ويصقع المسجل لاخر شيء (( عقب ماكنتي امل صرتي سراب - كل ماقرب منك فجأه تبعدين :banghead: نوى يروح لحاله وشاور ربعه قالوا ماتصلح لحالك ابد ، عدل بدل مرهه مافيه اممل . مار خلك على دول الخليج لين يعطلون اخوياك المدرسين وتروح ، الموووهم :D يوم جاء على فراشه يتقلب يبي النوم ولا ماحوله نووم ليله لييل ومع كثرت الهواجيس وهي تفيض القريحه ويهله بيتين ويرسلهن على خويه .. يقول فيها .. سلاااام ي بندر ياوجة البلوط سلام من دون نفس من دون هلاء صاحبك ش والصوت مشحوط اصبحت حريب افكار ولاحقني رداء امسيت غريب الدار والقلب مشلوط ازريت اتعدل واتعبت امي بالدعاء زينت لي المغرب وتقول مظبوط بكرة نروح انا وانت اثنين اشركاء خليتني قبل انطير اعيش مبسوط من شافني قال اشفيك صايبك بلاء واليوم تأجلها نكستها بآخر شوط‏ اتردنا من عقب تخطيط وشقاااء ماعاد فيها الا تراني منك مظغوط وسلام من دون نفس من دون هلاء عاد يقولون والعهده على الراوي خويه يوم جته الابيات زبن المحطه وشراله أفليت ورشه على رجله لين ثلجت وخن بط ولاها منكسره ويعطونه اجازه شهر (( تقل فليتها واجد هههههههههههه ‏

سمو المغربية

كنسل على الرحلآت واصبر لين يجيك الخير ..

المشاركات: 30,536

تاريخ التسجيل: Mar 2015

الدولة: Agadir

2015-11-22, 11:45 PM

المشاركه #1

اقتباس:

المشاركة الأصلية كتبت بواسطة سوااح

المغرب ذبحنا غلاها قبل ما نجي احداها ، وهي ماحبب العالم فيها الا من بساطتها وطيب شعبها الله يحفظها من كل مكروه ، لاكن الحظ ماش ولاكتب الله هالرحله..

ههههههههههههههه الله يسعد قلبك ي خيه
انتي من اسمك بغيت ارجع احجز مرتن ثانيه :p

وحداني صادقه والله تاخذ حرية اكثر وزوينة روحه لحالك بس لوانها اربع ايام واقل ، اما للي بياخذ اسبوع وزيادة ماينفع لحاله خطير ان يلحقه توحد ولا يدق فممة :D

ههههههههه فالتوحد هاذي معاك حق صراحه ... بس إلا ماتلاقي أصدقاء هون ... وبالنهايه مو دايما تزبط إجازتك بنفس توقيت إجازات أصحابك ... يعني مشان هيك لازم تتعود تسافر لحالك ... بالبدايه رح تتردد وتجيك كإبه .. بس هذا قبل السفر ... اما بس تحط رجليك فبلدنا الحبيب .. صاحبك هذاك لما يرن عليك محال تفضى تحاوبه عالفور ههههههه

__________________
كلآم الناس بالنسبة لي ،، مكآلمة لم يتم الرد عليهآ ..!!!

سوااح

مزعوط جديد

المشاركات: 26

تاريخ التسجيل: Nov 2015

2015-11-24, 12:49 AM

المشاركه #2

اقتباس:

المشاركة الأصلية كتبت بواسطة سمو المغربية

ههههههههههههه
عندي صديق اخوي مغربي يقول تعال انت بس ونحطك بعيونا لاكن حظي ردي يزين منا ويخرب منا ، شسمه مع هذا انا متفائل بسنة 2016 ان سلمنا من الانقلابات السياسيه راح تزبط معاي ان شاء الله

لا خلاص صاحبي ذا لو يقول بنسافر رفعت عليه قضيه

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: كنسل على الرحلآت واصبر لين يجيك الخير ..
الموضوع	آخر مشاركة
مساء الخير	2015-08-30 11:59 PM
مساء الخير	2014-11-18 02:02 AM
مسا الخير	2014-08-22 03:45 PM
صباح الخير-مساء الخير للجميع	2014-05-04 02:15 AM

الساعة الآن 06:36 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

كنسل على الرحلآت واصبر لين يجيك الخير ..

روابط سريعه