كنسل على الرحلآت واصبر لين يجيك الخير ..

سوااح · 2015-11-22T14:13:11+00:00

عمتم مسائا يالمزاعيطيون هذا سلمكم الله واحدن له مده وهو يدور السفره للمغرب وشفقن عليها اكثر من اشغاله . وله فتره يبي يروح وكل مره تنلد بوجهه مره ظروف عايليه ولا مايلقاله خوي((مدري المشكله فيه ولا بخوياه :D المهم حدا الايام لقحت معه ولقاله خوي صمله وحجزوا التذاكر وارصدوا الميزانيه وامورهم ماشيه بالسليم ، واتفقوا قبل الرحله بيوم يتلونها للرياض ويحلقون ، ويوم بقى اسبوع على الرحله وهي تصيبه الحوبه ويزهم عليه رفيقه يتعذر (( ياقلب كل الندم وياعين هلي دموع طلع ماعندهه رصيد اجازه حاسبها خطأ واجازته باقي لها ثلاث شهور ، والله وخوينا يقفل من عنده وهو يصيبه الماحق ويركب سيارته ويصقع المسجل لاخر شيء (( عقب ماكنتي امل صرتي سراب - كل ماقرب منك فجأه تبعدين :banghead: نوى يروح لحاله وشاور ربعه قالوا ماتصلح لحالك ابد ، عدل بدل مرهه مافيه اممل . مار خلك على دول الخليج لين يعطلون اخوياك المدرسين وتروح ، الموووهم :D يوم جاء على فراشه يتقلب يبي النوم ولا ماحوله نووم ليله لييل ومع كثرت الهواجيس وهي تفيض القريحه ويهله بيتين ويرسلهن على خويه .. يقول فيها .. سلاااام ي بندر ياوجة البلوط سلام من دون نفس من دون هلاء صاحبك ش والصوت مشحوط اصبحت حريب افكار ولاحقني رداء امسيت غريب الدار والقلب مشلوط ازريت اتعدل واتعبت امي بالدعاء زينت لي المغرب وتقول مظبوط بكرة نروح انا وانت اثنين اشركاء خليتني قبل انطير اعيش مبسوط من شافني قال اشفيك صايبك بلاء واليوم تأجلها نكستها بآخر شوط‏ اتردنا من عقب تخطيط وشقاااء ماعاد فيها الا تراني منك مظغوط وسلام من دون نفس من دون هلاء عاد يقولون والعهده على الراوي خويه يوم جته الابيات زبن المحطه وشراله أفليت ورشه على رجله لين ثلجت وخن بط ولاها منكسره ويعطونه اجازه شهر (( تقل فليتها واجد هههههههههههه ‏

Frozen

مزعوط نشيط

المشاركات: 70

تاريخ التسجيل: Nov 2015

2015-11-24, 12:54 AM

المشاركه #11

اقتباس:

المشاركة الأصلية كتبت بواسطة Wael JED

انا ادمي وضعي نفس الادمي ذا هههههههههههههه

من 2007 كل مانويت كنسلت والله يستر هالمره لا تتكنسل
لان لا تكنسلت يمكن اموت من القهر 2007 كل سنه يصير شئ والحين في بوادر والله يستر

والغبنه كلها حاجات تخليك فعلا ماتسافر غصب نويت قبل اسبوعين طلع لي زاواج واحد من اهلي

2007 نويت وعملي اضطريت اجل مشاكل بالعمل
2008 مشاكل عمل
2009 ظروف عائليه
2010 عمل بعدها 3 سنين اجلت الفكره من نفسي هالمره لو صار شئ بنغبن

نفس الوضع من 2006. بس منقطع من كثر السفر بسبب العمل لين كرهت الطيران.
بس يوم 7 أن شاء الله بطلع من جده على طنجة

__________________
إذا لم تزد على الدنيا ... فأنت زائد عليها

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: كنسل على الرحلآت واصبر لين يجيك الخير ..
الموضوع	آخر مشاركة
مساء الخير	2015-08-30 11:59 PM
مساء الخير	2014-11-18 02:02 AM
مسا الخير	2014-08-22 03:45 PM
صباح الخير-مساء الخير للجميع	2014-05-04 02:15 AM

الساعة الآن 07:54 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

كنسل على الرحلآت واصبر لين يجيك الخير ..

روابط سريعه