جديد على المغرب... الرجاء المساعدة

السلام عليكم

الرجاء المساعدة من المزاعيط اول رحلة لي إلى المغرب وبتكون من تاريخ 12 فبراير لين 19 تقريباً والميزانية تقريباً 10 الاف ريال تكفي؟....حنا اثنين ولا نعرف شي في المغرب!!! ولا احد يجي يقولي خذلك فره على المنتدى...صار لي يومين افر ولا فهمت شي هههههه تعرفون شعور الواحد اذا كان رايح دولة ولأول مرة والمدة بتكون بسيطة وودي استفيد من كل ثانية فيها ابي انبسط واستانس من قرف الدوام.

ياليت لو احد يدلنا على جدول كويس ولا برنامج يكون مقسم بين كازا ومراكش واغادير وطبعاً اللي بيقولي وش جوك؟ انا جوي النهار تماشي والليل سهر...ياليت ماتبخلون علينا بالمعلومات لأني تايه ولا ادري وش السواة

باختصار انا كنت مثلك
المغرب ما يبيلها معرفيه
حدد مدينه واستمتع فيها
خاصه الوقت ماهو طويل
كلها ٧ ايام
انصحك باغادير بحكم انتم ٢

كازا و مراكش تنفع لاكثر من ٢

كازا ما جيتها
بس اغادير ومراكش وكنت لحالى وكانت اول زياره
ناسبتنى اغادير
ومراكش تمنيت معى اخوياي وجلست فيها يومين

عليكم السلام و رحمة الله و بركاته
أسبوع اختار بين مراكش أو أغادير وانا ارشح لك مراكش في أحد المنتجعات أو شقه في جيليز والأفضل المنتجعات لأنه فيها حرية أكثر في رفع الصوت ودخول والخروج وأخذ لك سياره مع السائق في اليوم ب 500 درهم واذا عندك اي استفسار تواصل معي خاص ورحلة سعيدة ياغالي

الله يوفقكم وماقصرتوا بالردود...وانا حاط عيني على الروز قاردن مع ان اسعاره نار لكن اول مره ومابي شي يعكر جو الرحلة والمدة قصيرة والواحد مو خلق مشاكل...طيب مراكش واغادير وين الواحد يقدر يروح بالنهار اماكن حلوة غير الكوفيهات والسهرات هذي جوها بالليل وخاصة اني باخذ سواق وودي احلله...وكيف نظام السواقين هناك يعني لو بروح سهرة او شي زي كذا هل وقت السواق محدد ولا عادي اكرفه...وياليت يا اخوان تدلوني على افضل حمام مغربي ومساج...وسامحوني كثرت عليكم الاسئله

الأماكن اللي قريبة من مراكش وحاول انك تدرجها في الجدول سيتي فاطمه واوريكا وامنار مراكش وسد الباراج و زياره المدينه القديمه القصبة وساحة الفناء ومسجد الكتبيه وحديقة ماجوريل
السائق طبعا معك 24 ساعه يوديك في أي وقت
الحمام المغربي كثيره ولكن الأفضل روح اللي في المدينة القديمه تكون أفضل من حمامات جيليز

كثر خيرك اخوي وماقصرت

طيب بالنسبة لأغادير وين الواحد يقدر يروح؟
وانا خليت جدول الرحلة مبدئياً زي كذا
الوصول لكازا والتوجه من كازا الى مراكش بالقطار فوراً
قضاء 5 ايام في مراكش بمنتجع روز قاردن وزيارة الاماكن او بعضها اللي ذكرها الأخ عشقي امازيغية والتوجه من مراكش الى اغادير وقضاء 3 ايام هناك بس لين الحين مدري وين اسكن في اغادير ووين اتمشى هناك نبي سكن حلو ومو معقد من جميع النواحي ومن اغادير لكازا قضاء يوم واحد ومن بعدها العودة الى الوطن.... مدري وش رايك اخوي عشقي انت وبقية الأخوان؟ واعتذر على الأطالة

10 الاف ريال حق شخصين لمدة اسبوع يعني 26 الف درهم علي اسبوع يعني 3700 درهم في اليوم فيها سكن ومواصلات واكل وشرب وسهر وغيره لشخصين اسمح لي ماتكفيك اكثر من 4 ايام راجع حساباتك بما انها سفرتك الاولي لا توهج نفسك اذا كنت كويتي اعمل حسابك 150 دينار في اليوم واذا كنت سعودي 2000 ريال باليوم للشخص الواحد لان حسب كلامك ميزانيتك عشرة الاف ريال حق شخصين اسبوع وتبي تسكن روز جاردن

__________________
ان تكون مجنونا في ارض الجنون خير من ان تكون العاقل الاوحد

هلا اخوي مشكور على التوضيح.....10 الاف ريال ماتكفي للشخص؟؟؟ يعني حنا الاثنين 20 الف ريال معقولة ماتكفي؟؟؟!!!!