من جرب يسافر المغرب وحدة نبي نعرف سلبيات والايجابيات ونستفيد من التجربة

أهلا وسهلا بالجميع المغرب بلد الكرم كما يتوفر على أجواء معتدلة تمكن من قضاء سفر ممتع و مريح.

المغرب طلعت لها ثلاث مرات لوحدي
بالنسبه للمصاريف بالمغرب الشخص لوحده او مع اثنين مصاريفهم ما تفرق كثير الا في اثنين او ثلاث اشياء بس :

الاكل (( اذا ما تطبخ ))
ايجار السياره
السهر (( و على حسب مكان السهر ))

لان السكن في مراكش مثلا يحسبون بالعدد اثنين ثلاثه و كل ما زاد العدد يرتفع المبلغ الف او ١٢٠٠ درهم و كذالك الحال بغيرها من الاماكن.

"" السكن في غير مراكش بالغالب ارخص بحدود ٥٠٠ الى ١٥٠٠ درهم بالغالب "" و اثنين بيختلف الوضع عن واحد لحاله

يعني لو هي على الفلوس لوحدك او مع شخص تراها تقريبا نفس الميزانيه

اتوقع البعض ما يقدر يتحمل ما يكون عنده احد يكلمه طول الوقت او يخاف يصير له شئ لا قدر الله فما يسافر لوحده ولا من ناحيه الماده سفراتي لحالي و مع خوي ما اختلف المبلغ كثير و صراحه لحالي اقل تكلفه

السفر لوحدي حرية بلا قيود. اشفق على اللي اشوفهم ثلاثه او اكثر تحسبهم جميعا وقلوبهم شتى. ما ادري وش فايدة رد الصوت اذا اللي معك أصواتهم نشاز وسواليفهم خايسه ! لاحقيني في اجازتي سلاماااات

احذرو السفر خصوصا مع الاقارب لانه يبقى ملاحقك مهما غيرت مسار حياتك ويذكرك بالماضي وطاري السفر ماينساه
وزين اذا ما نشر غسيلك.
وحتى يمكن الصديق المقرب ينطبق عليه نفس الكلام.
سافر لحالك واستر نفسك.
وهذا اللي انا طبقته بعد ما انكويت ...

ترجع للشخص نفسه
وما تعرف شخصك الا بعد التجربة
جرب الطريقتين ونام على الجنب اللي يريحك

لحالك وريح راسك الا اذا احد مجربة بالسفر وعارف جوه

شوف عن تجربه لي الصرراحه

افضل السفر لوحدي لاسباب كثيرة

منها الخصوصية

وبيني وبينك خابر الوضع

وممكن الي معك موده يغثك او تغثه وتصير بينكم مشاكل لاقدر الله

وسلبيات كثيرة


خلك من سالفة وناسة او سعة الصدر اذا انت تبي سعة الصدر بتوسع صدرك مايحتاج خوي
عشان محد يقول نفسية هههههههههههههههه


هذا راي شخصي لي

والحمد الله دامك تعرف المنطقه كويس وفاهم كل شي منت ملزوم بحد

اما الفلوس كلنا اسرفنا مافيه احد مايسرف

ولاكن اسرف بالمعقول

الله يعطيكم العافيه على مشاركتكم لتجاربكم ونصائحكم المفيده... بالنسبه للمصاريف كم ممكن تكفين لقضاء مدة شهر ( مسافر لحالي بعد اسبوعين وإبقاء انبسط )

شاكراً ومقدر واي نصيحه تفيدين

تسلم الله يعطيك العافيه....
لا والله الامور بالتساهيل لكن ابي انبسط جمال المغرب من اللي اشوف صايبني عشق له وانا اول زياره ام يستمر العشق او يزول