قسم الاسئلة و الاستفسارات عن المغرب اطرح استفسارك عن اي شئ يتعلق بالسفر للمغرب في هذا القسم .. للحصول على مزيد من المساعدة

إجازة تخلي اللي مايشتري يتفرج

عبودي $ · 2016-03-06T23:01:13+00:00

اولاً السلام عليكم ورحمة الله وبركاته في يوم من الأيام مسكت معي اني أسافر بعد دوام كان مُهلك وغثيث فكلمت واحد من العيال وش رايك نختفي قال اوك .. رتب وانا معك [emoji16] هو قال رتب والا ما قالها والله وعلى طول طلعت احجز وكان خط سير الرحلة كالتالي ( الرياض - شرم الشيخ - القاهرة - أغادير - مراكش - ابو ظبي - الرياض ) جلست بشرم الشيخ استرخاء وعصيرات ودماغ مدة 4 ايام بعدها القاهرة فليناها وانبسطنا وديسكوات ودماغ ودلع 4 ايام بعدها على أغادير طبعاً ترانزيت 3 ساعات بكازا ويوم وصلنا لأغادير اكتشفت مافيه شيء غير صحارى وسكاي والخيمة ملللللليت منها صراحة جلست فيها 4 ايام وطلعت على مراكش وهناك فعلاً انبسطنا كثيررررر لكن الجو كان شيلات واهداءات وانا مالي بالجو هذا لكن مضطر اجامل وتوفقنا بالسكن صراحة سكنت ببوابة 10 وماكنت محتاج سيارة ابداً كل شيء جنبي انزل لقصر النخيل من الساعة 8 الى الساعة 12 وبعدها اطلع اسهر طبعاً الطير واحد ماتغير لأني ماحب اطيح بنفسية يفكك جوّي وانا جاي انبسط وبرضو توفقت فيه شيء خووورافي جداً جوّه عليل وراعي فلّه سهرنا بكاش وڤاير وكاش وكاش وكاش وكاش وكاش لافيه قبايل ولا اهداءات ولاشيلات بالنسبة للديوان ماشافته عيني لاني اكرهه بشكل فظيع واللي اتضح لي ان كاش ماكل الجو بمراكش لكن الطيور اللي فيه مش ولابد وغاااااالين مدري على ايش المهم الجدول كان جداً جميل بعدها طلعت ابو ظبي لأنها هي سبب الإجازة رايح اسوي كشف طبي عندي عملية بسويها بألمانيا ولازم ارسل التقارير عن طريق نفس المركز اللي بأبو ظبي وطبعاً الإمارات مايحتاج احكيلكم وجهة سياحية راقية جداً المهم رجعت للرياض وليتني مارجعت غبار وحر ومطر وشمس كيف ما ادري!!! بالنسبة للمصاريف كان السكن بشرم فندق ماريوت 5 نجوم جناح الشاطئ .. والقاهرة نفس الفندق مطل على النيل ( مع العلم اني من عُشاق مصر بشكل محد يتوقعه لكن برضو المغرب لها رونقها ) اما اغادير سكنت بشقة خاصة على المارينا وكنت ماخذ راحتي على الآخررررررر ... ومراكش صار لي فيها مشكلة اول يوم وصول بسبب واحد مايخاف الله وهو نفسه اللي كنت متعامل معه بأغادير لكن الثقة كانت بتوديني بستين داهية لكن ربي ستر المهم سكنت بالنخيل الدرقاوي بوابة 10 وعشنا جو خووووووووووورافي جداً الين بقى 5 ساعات على الطيارة طلعنا من كاش على المطار تكلفت السفرة للشخص الواحد مُعزز مُكرّم بدون حرمان كانت 40 ألف ريال ووالله انها شاملة السكن والتذاكر ورجعت مامعي الا 200 ريال و40 درهم إماراتي [emoji23] طبعاً خويي كان معي في جميع ماسبق وصرف نفس صرفيتي ماعدا ابو ظبي المستشفى كلفني 14 الف درهم خارج الحُسبة لكن والله كانت سفرة جممممميلة جداً لكن عيبها شفنا كمية خرفان تنقط ما ادري على إيش لكن واضح عندهم حُب الظهور ... آسف طولت عليكم لكن اللي يبي يسأل عن شيء انا موجود والأخوان موجودين [emoji257]

maz5oo6_marra

مزعوط قدير

المشاركات: 198

تاريخ التسجيل: Jan 2016

2016-03-07, 05:19 PM

المشاركه #1

اقتباس:

المشاركة الأصلية كتبت بواسطة عبودي $

ابشرك الحمد لله بخير .. بس انتظر موعد العملية ودعواتكم ان الله ييسرها

لاترى باس والمركز معروف وسبق تعاملت معهم
الله يقومك سالم وترجع للملاعب بسرعه

عبودي $

موقوف

المشاركات: 2,308

تاريخ التسجيل: Mar 2016

2016-03-07, 06:38 PM

المشاركه #2

اقتباس:

المشاركة الأصلية كتبت بواسطة maz5oo6_marra

لاترى باس والمركز معروف وسبق تعاملت معهم
الله يقومك سالم وترجع للملاعب بسرعه

الله يسلمك يالغالي .. ولايريكم مكروه

️

المواضيع المتشابهه للموضوع: إجازة تخلي اللي مايشتري يتفرج
الموضوع	آخر مشاركة
إجازة ١٠ أيام في ديسمبر أرجو المساعدة????????????????????????????????	2018-10-29 01:24 PM
مسافر في إجازة عيد الأضحى ومحتاج آراء الخبراء	2014-07-16 08:20 AM
كيف تخلي راس البنت ينحني امامك وانت راسك مرفوع	2012-11-09 02:54 AM
آخخوآني المزآعيطط ,, تعالوا هنا ابيكم ف كلمةة رآس ,, اللي ما يشتري يتفرج :$	2012-08-10 09:08 AM
استفسار عن القهاوي اللي حولين المعاهد اللي يدرسون فيها الناس الكلاس اللي بأكدال..	2011-08-13 02:18 PM