موضة تاجير الرنجات في المغرب

بعضهم يستاجرها لان عددهم كبير والشنط وهالامور انا كنت حاجز مره اكسنت ولمن وصلت المطار قابلت شباب واخذنا طوارق مو فشخره ولكن هو الوحيد الي يستوعب شنطنا وبعدين فيه ناس ربي معطيها ووده يريح عمره وتلقاه لو يروح الخرطوم استاجر رنج

الموضوع ماله اي داعي عشان يكتب موضوع فيه
وهذا رأيي انا
كل شخص له الحريه بالاختيار مثل ماهو مخير في ديرته
يركب سياره اقتصاديه او فارهه حسب وصفكم

لان مثل ماذكر احد الاخوان هي وسيلة ماهي غاية

واقرب مثال يوضح مثل اني اسافر بالطيارة درجة اولى او سياحي
وهي كلها نفس الشي ونفس المكان اوصل له

المهم ان الشخص الي استاجر رنج. او غيره من فئتها يكون هدفه الراحه او رفاهيه فهذا حق له ولا يحق لاي شخص يدخل في نيته انه اخذها لفشخره قدام نون من الناس

واتمنى كلامي مازعل احد وشكراً

__________________
في قانون الحظ ...! ترك الشيء يجعله يسعى إليك

الي فلوسه واجد ويبي يستاجر سياره فارهه ويحجز درجه اولى من ناحيه الراحه والرفاهيه والاستمتاع مافي مشكله. والي قصده فشخره على قولة اهل الجنوب اخذو عقله.
(عيش كثير تشوف كثير)والجيل الجديد راح يغمركم بالمفاجات

__________________

قيمة ايجاره لمدة 20 يوم توديني المغرب اسبوعين واحلا فله

__________________

تكفيك اسبوعين 20 الف درهم من سكن ومواصلات ومعيشة الخ!!
نورنا وش هالمدينة الداخلة او العيون او؟؟

الداخلة والعيون مدن بالصحراء المغربية والحين في ناس كثيرة تروح مقناص فيها

توديك نعم توديك لكن لا سكن مثل البشر ولا وناسه يس اسمك رحت المغرب يا ظالم 1400 درهم باليوم شنو راح تكفيك سكن او تنقلات او سهر اذا القهوه في ستاربكس خمسين درهم وهذا اسعار موحده بكل دول العالم تبي تروح النخيل اللي يحسب عليك براد الاتاي 150 اشرحها لنا كيف عشان نعينك الشخصيه الاولي والاكثر خبره في المنتدي لسنة 2016

__________________
ان تكون مجنونا في ارض الجنون خير من ان تكون العاقل الاوحد

غالباً اللي يتكلم بهالاسلوب يكون مزعوط اغادير هههههه
ع البار ياحبيبي

قصده مجازي .. السعر مبالغ فيه لصرفه على وسيلة تنقل ..

انا غايتي ان ما نغش الناس في السعر لان فيه ناس مستجده تنغش في السعر ويعمل حسابه علي قولة بعض الناس وعدم تقديرهم للامور اقول هذا الكلام من واقع خبره قبل ايام علي الخاص طلب مني عضو جديد رقمي للتواصل ويحب يسأل بعض الاسئله عطيته وقمي وتواصلنا علي الواتس اب صوتي والرجل اذا قرأ هذي المشاركه راع يعرف نفسه والله يشهد اني مالي مصلحه غير نصح الرجال الغريب في الامر ان اخونا مصر انه السكن ما يتعدي 200 درهم باليوم قلت له ان السعر هذا ما يسكنك خيمه في الرشيديه او بوعرفه لكنه مصر وان واحد قاله هذا السعر والرجل كان يبي يسافر وحداني في النهايه انا نصحته انه يحاول انه يلاقي شخص من المنتدي حتي لو اول مره يخاويه وفعلا شكله حصل اخ في المنتدي
القصد يا اخوان ما لازم نكون سبب بخلق اي نوع من المشاكل لاي شخص حتي لو كان زائر وليس عضو بسبب اننا اعطينا معلومات مغلوطه فلما اقول بعشرين الف درهم اقعد اسبوعين واحلي فله فيه ناس تاخذها جد وتعتقد هذا هو السعر الحقيقي

__________________
ان تكون مجنونا في ارض الجنون خير من ان تكون العاقل الاوحد