للأمانه موقف لن أنساه ماحييت

السرقه وآه من الثقه الزائده لما تضعها في شخص تعرفه من شهور واخرتها يضيع كل شي في مهب الريح.
انا الان في اغادير وللاسف وثقت في انسانه اعرفها من شهور واليوم اكتشفت انها سرقت مني 850 يورو.
والله مش هباله مني وايضا مش قله خبرة في السفر.
عمرها ماصارت معي من قبل لكن درس اتعلمته لكنه قلب كل موازيين تصرفاتي.
ياشباب الفلوس تروح وتجي لكن الصدمه كبيرع لما تجيك من انسانه تعتبرها مقربه لك.

مابي اقول كلام انشائي وانت فيك وانت فيك لا
بس ابي انبهك لنقطه انك تقول وثقت في انسانه من شهور
والاكيد ان هالانسانه طير من طيور الليل صح واذا كان كذا
فكيف تثق بواحد او وحده هو خان او خانة نفسها واهلها في نفسها
وتريدها ان تكون امينه معاك
انا لما كنت بكازا كان لي خويي بكازا سعودي هههه لايروح بالك بعيد
فشفته وش مسوي من زود الثقه مسلمها فلوسه وهي اللي تصرف عليه ههههه
بحجة انه من اهل الديره ولا يلعب عليه هههه
المصيبه انه موديته للوناسه ومنقطه المغني 500 درهم
لا وانبهه ويقول لا هي ابخص وتعرف واقوله ليش كذا قالت حتي يعطينا الجو الحلو وبمبلغ بسيط هههههه رفع ورفعت بعد معه ضغط ظغطي
اقولك هالكلام ان ماهو انت اول ولااخر واحد يثق بوحده اصلا هي بعيده كل البعد عن اني امنحه الثقه يارجل بنننننت ليل كيف تثق
بس ماالومك يالغالي يسحرن العقول اذا الواحد ماتدارك روحه والا يروح بخرايطه معهن اجل قبل كنت اسمع قصص زواج من بنت ليل لكن يوم بصراحه صدقت
وزين يالغالي جت الثقه الخطا علي هالبلغ اهم شي صحتك والفلوس تروح وتجي ولافيه تعليم ببلاش

لا والله يابندر البنت مش من بنات الليل والمراقص.
هي من مدينه صغيره واتوقع ماحد يعرف هذه المدينه او سكن فيها ( بن جرير ).
لكن الواحد مهما سافر ومر بتجارب لابد ينكوي من اجل يتعلم.

ابغى اعرف كيف يعني مقربه لك
وحده عرفتها من شهور وكل يوم مع واحد وتعرف 50 واحد يعتقد انها مقربه له على أي اساس وثقت فيها خصوصا بمبلغ كبير مثل هذا
اسمحلي ما ابغى اقول مكلخ

اخوي لاتتنطز فيعافبه الله ثم يبتليك
ياحبيبي هذولي مغربيات ماهيب مصريات
قسم يجيبن راس اطلق شنب
الرسول صلي الله عليه وسلم قال في مامعني الحديث
اخوف مااخاف عليكم النساء
اذا تعرف قصة الامير عبد العزيز بن رشيد امير حايل مع زوجته والولد اللي مسجون عنده راح تعرف ان الرجل مع المراه غير فما بالك اذا كانت هذه المراه مغربيه اللي كان يضرب فيها المثل نساء البربر وهارون الرشيد
زبدة الكلام عقل الرجل مع الرجل يختلف فيه الرجل مع المراه

كلام كبير يابندر ..لكن مهما كان في المغرب ثلاث اشياء خلها تحت نظرك جوازك وفلوسك وجوالك..لاتثق في اي كان والقصص كثيره اللي صارت لشباب وشيبان وبعضهم له سنين!!

انت معلم ومنك نتعلم يابو صلاح
وكلامك صحيح بس انا قلت هالكلام علشان ماحد يكثر بالكلام انه غبي او مايفهم او ساذج او ان الشعب السعودي والخليجي عامه صيد سهل ..الخ

والله ماقصدي اتطنز بس شي يزعل بعض الشباب يعطي الثقه لغير اهلها
اجل واحد يعطيها الفلوس وهي تصرف عليه ما صارت
ع العموم اعتذر من الجميع

هههههه
اما خويي هذا الطاهر حاله خاصه الله يعافيه ولايبلانا

في السعوديه يقعد سنين هدايا وحوالات وهو ماسمع الا صوتها،،،،


ويمكن يطلع شنب آخر شي،،،،


فمابلك اذا لقى شي طبيعي ( اكيد يتخرفن)
الله لايبلانا