حجز اماديل وسائق في مراكش

اكيد ابو فالح ويليت تتكرم وتعطيني التفاصيل كم سعره وايش سيارته
انتظر رسالتك على الخاص

نصيحه استأجر سياره وفكك من غثى السواقين والمواقف متوفره ماعليك وقوقل مآب ماتضيع معه اما السكن خذ عند الدرقاوي كويس وماعليه اما الحجز في اماديل انا مثلك والله لاكن اشارو لي الشباب يعطيهم الصحه ان اخذ من المؤويد وأريح راسي اذا تبي رقم الدرقاوي ارسل لي على الخاص وأرسله لك

والله ياليت ياتركي ترسل رقم الدرقاوي ، اما عن السواقه خليها السفرة الي بعدها يكون حفظت البلد اكثر

بيبيبسي خلاط ابشرك حجزت في اماديل وانتهيت من اغادير ، والحمد لله انتهيت من كازا المشكلة في سكن مراكش ، اقرأ ذم وتحذير من الروز والنخيل وبرستيجا يقولوا موحش ومنوار النخيل مافي ٣ غرف ، والله ماني عارف ارسي على سكن في مراكش

وانا اخوك كل مكان فيه الي يذم والي يمدح انا جربت الروز وجربت الدرقاوي كلها فيها الامان بعد الله وانت عاد اختار الي يعجبك وماعليك من كلام العالم الروز فيه ميزه اشوفها في الحجز ان له حساب مؤسسه بالراجحي يعني تحول له ويرسل لك فيتشر الحجز وتوثق الحجز ووضعك في السليم ان شاء الله الدرقاوي لا حواله ويسترن يونيون اذا بتوثق الحجز واي سؤال امر وان شاء الله اقدر أفيدك

*سؤال اذا ماعليك امر من وين حجزت اماديل وبكم ؟

بالتوفيق اخوي حساس تروح وترجع بالسلامه بالنسبه لمراكش ماعندي اي فكره عنها لن كل سفرياتي لاكادير

السواقين أسعارهم من ٥٠٠ الى ٦٠٠ درهم جربت اخذ سواقين مرتين وكلها ماجازت لي وصرت اتعامل مع الشمري كار وأسوق بنفسي وفاك عمري من غثى السواقين