صوفي كار ( الأخ يوسف تستحق الشكر والتقدير )

اخ بندر انا من اكثر من 6 سنين وانا حجوزاتي للسكن والطائره والسياره لي وللعائله والاصدقاء كله عن طريق النت سواء الى المغرب او شرق اسيا او تركيا او اوروبا.
المغرب اتواصلت مع كل مكاتب تأجير السيارات المعلنه هنا في المنتدى وايضا المكاتب االاخرى عن طريق النت خلال السنتين الاخيرة ولقيت ارخص سعر عند الشمري ( هذا غير الصدق والمعاملة ) وتقدر تجرب بنفسك واتواصل مع المكاتب وقارن في الاسعار.
واما من ناحية السكن في كازا او اغادير والله يوجد مكاتب في النت جربت وسكنت عندهم ولقيتهم والله ارخص وافضل من المعلنين في المنتدى وتلاقيني دايما اتجنب اعطي رأي او معلومه عن السكن تجنبآ للاحراج.
ومشكلة الشباب للاسف الخوف من التجربه بعد البحث والسبب هاجس الامان ! مع ان المثل يقول امشي عدل واخبص الدنيا بدون ان أذية الاخرين يحتار عدوك فيك

كلام جميل عزيزي خالد
بس ماجاوبت علي الاسئله طال عمرك
اتمني الاجابه لكي استفيد من خبرتك

اما عن المشكله او الحادث ( اجارني واجاركم الله من الحوادث ) الحمدلله لم يصير معي حادث ولكن السفرة الاخيره صار معي مشكله وهو ان شي من السيارة فقد ( واعذرني عن ذكره ) منعا من احراج المكتب ولما وانا في طريقي الى المطار اتصلت على ابوسيرين وابلغته وكان رده الله معك ولاتهتم.
واتوقع لو احد غيره من المكاتب كان ماحيسكت وسيطالب بالتعويض وهو من حقهم ومافيها كلام.

أخ خالد
إذا المكتب اللي تتكلم عليه له مواقف معك تستحق الشكر فأعتقد من الواجب عليك أن تفتح لهم موضوع خاص وتذكر مواقفهم عشان ترد الجميل لهم وعشان الأعضاء يعرفوهم وأيضاً كدعاية لهم وتعتبر نوع من الشكر لما قدموه لك
أما محاولة المقارنة بينهم وبين المكتب اللي صاحب الموضوع شكره لرد الجميل له على تعامله فهذا الشي يخليني وغيري من الأعضاء نستغرب من مدحك لمكتب غير المكتب اللي يتكلم عنه صاحب الموضوع في موضوع لايخصه وكأن كلامك موجه لهدف معين واعتقد لو كان هذا توجهك فلن ينجح هذا التوجه مع من عرفوا وتعاملوا مع الأخ يوسف وشاهدوا تعامله الرجولي في مواقف أكثر واكبر مما ذكرت
( طبعاً أنا مأجزم إن هذا توجهك ولأعلم نيتك, ولكن كلامك أوحى لي بهذا الشي وخاصة أن الموضوع شكر لخدمة مقدمة من زبون له عدة تجارب معه وليس عمل مقارنه مع مكاتب اخرى )

لك الحق أن تمدح وتثني كما تشاء ولكن جميع ماذكرت من مواقف تعتبر نقطة في بحر من مواقف وخدمات الأخ يوسف معي ومع الكثير ممن أعرفهم وتعاملوا معه, حتى الأسعار لا مجال للمقارنة بينهم

تحياتي

__________________

اخي العزيز يبدو انك قرأت مشاركتي دون ان تقرأ المشاركات اللتي قبلها .
انا مشاركتي ومدحي لمكتب الشمري كان بناء على اسئله الاخ بندر وافي الموجهه لي فقط.
شاكرا لك ردك الجميل وتوجيهك لي بفتح موضوع خاص.

العفو أخي

تحياتي

__________________

ههههههه
بس ترا شفت ردك ياصديقي خالد ولاحبيت احرجك بتكرار الاسئلة
لكن دامك تعتقد انك جاوبت فانا اقولك للاسف ماجاوبت ولاعلي سوال واحد

ههههههههههه
اذا انت تشوف كذا ياصديقي بندر ترا عادي لان اللي عندي قلته.

ياحبني لك عزيز وغالي
احبك قي الله

تسلم اخي بندر.
وشكرا للقائمين على المنتدى لان من خلاله تعرفنا على اصدقاء واشخاص طيبين يجمعهم حب المغرب.