مقتطفات

لا الناي صوتك ولا شمس الضيا زولك
لولا شموخك.. تصير بناظري عادي


خل الخطى تنتحر في درب مجهولك
انا قوي حيل.. واجمل طبعي عنادي


لو ما جوادي يغير.. ويهزم خيولك
سلمته الريح.. ما اعده من اجيادي


وان ما رماحي تصيب وطولها طولك
ابا اترك الغزو واطوي صفحة امجادي


واعيش مثل البشر عادي على قولك
الناس ماهم عبيدٍ لي ولا اسيادي


دامك قمر والنجوم تدور من حولك
تأكد انك بعيني ظاهرٍ بادي


دامك بعيد المدى والنور مرسولك
انا على ضو نورك.. مقبل وغادي


وان صرت عادي وكلٍ يقدر يطولك
هونت.. ما هو بـ أنا اللي يطرد العادي


...


..