فندق السوفتيل مراكش

تكيدا والله معرفت
سوفيتيل الصويرة كبير وزوين ولكن طبعا ماشي بحال ديال مراكش واكادير
في الصويرة جا في لاكوت قدام البحر
وداير مطعم على الرمله
تتكون نايضه فيه في مهرجان كناوة غير الشخصيات
واحد العام معقلتش بالضبط كان نبيل بن عبد الله وشحال من واحد معروف والدخول ماشي اي واحد ولكن ولد خالتي كان خدام فيه دخلني
مهرجان كناوة قرب هاد السيمانا :(

__________________
سأظل أتنفس الأمل والتفاؤل وأضيء الكون بابتسامتي رغم كل شيء

ههههههه داك مهرجان گناوه وقت ماجا كايلقاني مشغوله بشي حاجه .. مامكتابشلي نمشيلو ... ولكن الصويره صغيورة .. حلاوتها فالايام العاديه بلا مهرجان ...

__________________
كلآم الناس بالنسبة لي ،، مكآلمة لم يتم الرد عليهآ ..!!!

اه واااعرة كتحمقني كنلقى فيها راحتي
شي ويكند اجي معايا مرحبا غادي يعجبك الحال بزاااف
كليكا مسطيه كنتلاقاو نضحكو

__________________
سأظل أتنفس الأمل والتفاؤل وأضيء الكون بابتسامتي رغم كل شيء

لهلا يخطيك علاش لا ..


كاتعجبني انا .. فيها دار جدي الله يرحمو .. فالباديه تما ولكن قرييييبه بزااااف من البحر

__________________
كلآم الناس بالنسبة لي ،، مكآلمة لم يتم الرد عليهآ ..!!!

اه مناظر واعرة ومنتجعات كاينه برا الصويرة
صافي دازت من ورا رمضان مباشرة نديرو بروكرام
كاينه دار خالتي تما غادي يتجمعو نيت عندها في المهرجان
ولكن انا الى مشيت ننشط كنكري باش ناخذ راحتي مكنمشيش عندها

__________________
سأظل أتنفس الأمل والتفاؤل وأضيء الكون بابتسامتي رغم كل شيء

زوينه فيها السكنى .. عامره بالرياضات وسط المدينه ...

اححححححلى شي طابع مطاعمها كانحس بحال ايلا جالسه فالدار ههههه

كاتمشي على طريق البحر ؟؟

__________________
كلآم الناس بالنسبة لي ،، مكآلمة لم يتم الرد عليهآ ..!!!

لا كنمشي من هنا من مراكش شيشاوة كاين طريق سيار
ومن شيشاوة للصويرة طريق عادي ولكن بحال لوتوروت طريق تدي واخرى تجيب
الى نمشيو تجي ترتاح في مراكش ومن بعد نشدو الطريق بجوج للصويرة
المطاعم كاين الحوت وكاين واحد المطعم بلدي تقليدي كنتقدى ليه اللي بغيت ونعطيه الاغراض وندور دورة نجي نلقى الماكله موجودة بنيينه
وكاين واحد الطباخ عندووو شي طواجن من ايديه واعرين ماشي طباخ ديال بصح راه صديق صاحبتي المواهب ديالو كتبان من ورا ربعه الصباح هههههه

__________________
سأظل أتنفس الأمل والتفاؤل وأضيء الكون بابتسامتي رغم كل شيء